Efesios 1:18 - Biblia

¹⁸ Aeka aï chupe wi pembɨpɨarakuaa katu waerä, jukuärái pikuaa kawi waerä kërái ikawiete ye ko opaete mbaembae Tumpa ime onoi pemaerä wae. Jare jokua ko peäro peï perowia katu rewe, echa’ä jukuärái Tumpa umeeta oï opaete kía jae imaerä wae pe. Añetete ikawiete ye ko.

Guaraní Pe (Western): Simba

¹⁸ Tumpa tumee peve aracuaa, picuaa vaerã quirãi pepuere peãro piyerovia reve. Echa'ã jae peparavo cuarã. Tumpa tuicuaaca vi peve quirãi uyembɨadoraca eteta opaete vae pe umeeta yandeve vae jeco pegua. Echa'ã jae ñaneñono tee iyupeguarã.

Efesios 1:18 Iomraidhean Croise

Isaías 11:2

Tumpa iEspíritu jekuaeño oïta jae ndiwe jare umeeta chupe arakuaa. Jukuärái jae ipuereta upurumbɨarakuaa kawi mbaepuere rewe. Jokua kuimbae uñemɨïru kawita Tumpa ndiwe uipɨu rewe.

San Mateo 13:15

Echa’ä jae reta ipɨatäta uyeyapo chekotɨ. Iyapɨsa oyopɨ reta awɨye waerä uyandu chiñee. Jare usapɨmi reta awɨye waerä uecha mbaembae ayapo wae. Erëi jae reta moná uyandu chiñee yawe jare uecha reta ayapo wae yawe, ipɨa rewe uikuaa kawita reta jare uyerowata reta chekotɨ che aepɨ reta waerä,’ jei Tumpa.” Jukuärái jei Isaías,” jei Jesús chupe reta.

Marcos 10:17

Jayawe Jesús joko wi oo ye jemimboe reta ndiwe. Jare yuraa yureko reta rambuewe, aramoiño pëti kuimbae osi ou owäiti. Jare uñeñono itawa re Jesús jowai jare jei chupe: “Oporomboe wae, jupi wae ko nde. ¿Mbae pa ayapota tekowe opa mbae wae anoi waerä?” jei chupe.

San Lucas 24:45

Jayawe Jesús uipea chuwi reta iyarakuaa jae reta uikuaa kawi waerä Tumpa iñee uyekuatía oï wae.

Hechos 16:14

Jare jokua kuña reta ipɨte wi, pëti wae jee Lidia. Jae uyapɨsaka kawi iko opaete ore ndoporomboe nduiko wae re. Lidia ko jae tëta wasu Tiatira jee wae pewa, jare asoya mborao wae owaka wae ko. Jae uipɨu kawi Tumpa wi, jare yandeYa uñatai chuwi ipɨa uyapɨsaka kawi waerä jare wɨrowia waerä wi opaete Pablo jei iko wae re.

Hechos 26:18

nemɨmaeka reta waerä, jare jukuärái uyerowa reta waerä pɨ̈tumimbi wi tembipe kotɨ, jare wi uyerowa reta waerä Satanás imbaepuere wi Tumpa kotɨ. Kua uyapo reta yawe, Tumpa opata umbái chuwi reta mbaembae ikotɨ uyawɨ reta wae. Jayawe tuicha rupi uyekouta ñonoï, echa’ä Tumpa oñono teeta reta jae imaerä kërái jae uyapo opaete ïru cheré wɨrowia wae reta pe rami.’ Jukuärái jei chewe yandeYa,” jei.

Romanos 11:29

Jare Tumpa uiparawo yawe kía jae imaerä, jaeño mái ikota jae imaerä. Jare Tumpa umee yawe mbae ikawi wae kía reta pe, ndarau etei upɨ̈ro ye chuwi.

Romanos 2:4

Añawe Tumpa ipɨakawi oï ndewe jare ipɨawasu oï ndewe; jáeramo ndeiño uiporaraka oï ndewe. Erëi nemaerä, mbae’ä chawaa oï ndewe. Erëi aipota ndikuaa waerä kua: Tumpa ipɨakawi oï ndewe ndeya waerä ndepɨayemɨngeta jupi mbae wae Tumpa rewa.

2 Corintios 4:4

Jae reta wɨrowia’ä, echa’ä pɨ̈tumimbi pe yureko reta rami. Echa’ä kua ɨwɨ iya – jae ko Añawasu – umɨpɨ̈tumimbi ma iyarakuaa awɨye waerä jae reta uikuaa kawi ñee ikawi wae Cristo rewa. Jokua jeko pewa jae reta uikuaa’ä kërái Cristo ikawiete ye ko jare jae ko Tumpa etei wae.

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.

Gálatas 5:5

Erëi ore Espíritu Santo rupi nduiko wae reta, ore nduikuaa nduyemboɨta noï Tumpa jowai orereko mbae wae rami ndorowia ma Cristo re ramo. Jokua ko ore nuäro noï nduyerowia rewe.

Efesios 1:11

Jare yande ñaï pëti ramiño Cristo re ramo, Tumpa umee yandewe yandepuere yayekou waerä opaete mbaembae Tumpa onoi Cristo pewarä wae re. Jukuärái ko tenonde wiwe Tumpa ipɨayemɨngeta. Jare jokua jae uipota uyapo wae, jae jekuaeño uyapo.

Efesios 2:12

Pemandúa jokua ara reta rupi pe judío mbae piko wae pikose mbɨrɨ Cristo wi. Jare opaete mbaembae ikawiete wae Tumpa jei umeeta iko Israel iñemoñaa reta pe wae pemaerä'ä ko, echa’ä Israel iñemoñaa reta’ä ko pe reta ramo. Jare jokua yemɨngeta Tumpa arakae uyapo Israel iñemoñaa reta ndiwe wae pemaerä'ä ko. Jáeramo pikoiñose kua ɨwɨ pe mbɨrɨete Tumpa wi.

Efesios 3:16

¡Tuichaete ko yandeRu Tumpa imbaepuere jupiete wae! Jare aeka aï Tumpa pe umɨmɨräta waerä pepɨa Espíritu Santo rupi.

Efesios 3:8

¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

Efesios 4:1

Che aï peresorɨru pe ayeyokui yandeYa Jesucristo pe jeko pewa ramo. Mase, yayeyokui Tumpa pe yawe, ipuere ou yandewe jeta yembɨawái reta. Erëi jesewe che aipota pumɨkɨrëɨ mii. Añawe yaikuaa ñaï pëti ramiño ñaï Cristo re ramo, Tumpa uyapo ma jeta mbaembae ikawiete wae yanemaerä. Jáeramo jekuaeño pechaka mii teko kawi, echa’ä jokuaerä ko Tumpa yandeparawo. Piko teko kawi rupi ïru wae reta jowai jae reta ipuere uikuaa waerä pe reta ko jae Tumpa taɨ reta.

Efesios 4:4

Añetete yande ñaï pëti ramiño, echa’ä Cristo jete rami ko ñaï. Jae nunga wi Espíritu Santo yandepɨa pe oï wae pëtiño ko. Jae ramiño wi pëti ramiño yande ñaäro ñaï yarowia katu rewe jokua ara ñanoi waerä opaete mbaembae ikawiete wae Tumpa umeeta oï yandewe wae.

Efesios 5:8

Echa’ä tenonde yawe pe reta pikose pɨ̈tumimbi pe wae echa mbɨrɨ Tumpa wi. Erëi añawe peï tembipe pe, echa’ä peï pëti ramiño yandeYa Jesucristo re jare jae umbɨembipe oï pepɨa. Jare yaiko yawe jokua tembipe pe, yaikota yandepɨakawi rewe añetete wae rupi jare jupi wae rupi. Tumpa peñono tee ma ko jae imaerä. Jáeramo piko tembipe pe jae umee pewe wae rupi.

Filipenses 3:14

Jare jukuärái ayapota a aë rewa iyapɨ pe. Jayawe ramo Tumpa cherenita ara pe a aipɨsɨ waerä jokua mbae ikawi wae jae umɨñatimata oï chewe wae cheparawɨkɨ re. Jokuaerä ko Tumpa chapo pëti ramiño Cristo re.

Colosenses 1:12

Jare pemeeta wi yandeRu pe yasurupái, echa’ä jae peñono tee ma jae imaerä, jare ime onoi pemaerä mbaembae ikawiete ye wae umee waerä pewe kuri. Jayawe pe reta tuicha rupi piyekouta peï jokua ara opaete Cristo re wɨrowia wae reta tembipe pe ñonoï wae reta ndiwe.

Colosenses 1:23

Erëi peï waerä jukuärái jae jowai, imeta ko jekuaeño perowia Jesucristo re. Pepɨrätata ko jese pëti tëta uwapɨ oï iwapɨka täta wae re rami. Jare awɨyeta ko peya jokua peäro peï perowia katu rewe wae ñee ikawi wae uikuaaka pewe wae – jae ko ñee ikawi wae pe reta piyandu wae jare añawe uyemɨmbeu oï opaete kerupi rupi wae. Jare che, Pablo, amɨmbeu aï wi jokua ñee jare jukuärái ayeyokui aï Tumpa pe.

Colosenses 1:27

Echa’ä Tumpa uikuaaka ma yandewe kërái opaete wae ipuere uyekou mbae ikawiete ye wae re – jae ko ipuere onoi Cristo ipɨa pe kërái pe reta penoi wae rami. Jare jukuärái ipuere uäro reta wi uyerowia katu rewe uyekou reta waerä Tumpa imbaepuere jembipete ye wae re.

Colosenses 1:5

Añetete kua jekuaeño piyapo peï, echa’ä pe reta peäro peï perowia katu rewe jokua mbaembae ikawi wae Tumpa ime onoi ara pe pemaerä wae. Jukuärái pikuaa ma ñee ikawi wae Cristo rewa piyandu ramo wiwe. Jokua ko jae ñee añetete wae.

Colosenses 2:2

Echa’ä aipotaete pe reta pekɨrëɨ waerä jare piko waerä pëti ramiño piyerau päwe rewe. Jare aipota wi pe reta pikuaa kawi waerä jokua ñee Tumpa tenonde yawe uikuaaka’ä Cristo rewa wae, jare jukuärái pepɨakatu waerä añetete pewa.

Colosenses 3:15

Tumpa pereni piko waerä pëti ramiño pepɨakatu rewe. Jokuaerä ko Cristo pembɨpɨakatu. Jáeramo jekuaeño piko jukuärái. Jare jekuaeño pemee yasurupái Tumpa pe.

1 Tesalonicenses 2:12

Ore pumbɨpɨakatu, jare pumɨkɨrëɨ, jare pumɨatangätu piko waerä jupi rupi Tumpa jowai. Echa’ä Tumpa ko jae pemburuwicha wasu, jare pe reta piyekouta peï jae imbaepuere jupiete ye wae re jae oï ma yawe opaete wae imburuwicha wasurä jaeño mái pewa.

1 Tesalonicenses 5:8

Yandereko toï ikatu pe etei. Erëi ¿kërái ra yaikota yandearakuaa katu rewe? Imeta ko jekuaeño yarowia Cristo re jare jekuaeño yayerau päwe rewe. Echa’ä jokua yanderepɨta oï mbae ikawi mbae wae wi, pëti pɨtía yopiaka yamonde wae rami. Jare jae nunga wi jokua ara Tumpa uiporaraka yawe ɨwɨ pewa reta pe jae reta mbaembae uyawɨ ikotɨ wae re, yarowia katu jae yanderepɨta oï. Jayawe ñamaeño jokua yaikuaa wae re uyandareko waerä yandepɨayemɨngeta re ñanäka jɨru jiero pewa yamonde wae rami.

2 Tesalonicenses 1:11

Jayawe ore jekuaeño nduyerure noï peré. Echa’ä yandeYa ou ye yawe, ore nduipota Tumpa uyerowia rewe umae waerä peré jare jei waerä pewe: “Che jaekawi puparawo.” Jae nunga wi ore nduikuaa noï pe reta perowia Cristo re ramo, ime mbaembae ikawi wae pipota piyapo jae imaerä. Jare ore nduyerure noï Tumpa pe jae pemborɨ waerä imbaepuere rupi pe reta opa piyapo waerä.

2 Tesalonicenses 2:16

YandeYa Jesucristo etei jare yandeRu Tumpa yanderau jare ñanemɨkɨrëɨ. Jare jukuärái uyapota oï jaeño mái pewa. Jáeramo yandepuere ñaäro yarowia katu rewe jokua mbaembae ikawi wae jae ipɨakawi rupi umeeta oï yandewe wae.

1 Timoteo 6:12

Jare yembɨawái reta ou ndewe yawe, jekuaeño iñemɨmɨräta nderowia katu waerä Tumpa re. Iñemɨïru kawi Cristo ndiwe, echa’ä jae umee yandewe tekowe opa mbae wae. Jokuaerä ko Tumpa nereni jokua ara nde nemɨmbeu kawi yawe jeta wae reta jowake nderowia ma ko Cristo re wae.

Tito 2:13

Jukuärái ko yaikota añawe rupi, yande ñaäro ñaï rambuewe yayerowia rewe yandeYa Jesucristo ou ye rewa. Jokua ara jae uyekuaata oï imbaepuere jembipete rewe. Echa’ä jae ko yandeTumpa jare yandeRepɨ wae, jare jae imbaepuere tuichaete.

Tito 3:7

Jare ipɨakawiete ramo, Tumpa umae yanderé yandereko mbae wae rami. Jukuärái Tumpa uyapo yandewe yandepuere yaiko waerä taɨ jare tayɨ retarä. Jáeramo ñaäro ñaï yayerowia rewe yaiko waerä jae ndiwe jaeño mái pewa.

Hebreos 10:32

Erëi pemandúa ara reta uasa wae re yemboe Cristo rewa umbɨembipe ma yawe pepɨa pe. Yepe tëi täta piporara parawete, erëi jesewe pemɨawäta wɨte opaete.

Hebreos 6:4

Ikawi’ä ko jekuaeño yapɨta waerä jukuäraiño. Kía jaeramo wɨrowia Cristo re yawe, Tumpa umbɨembipe ma ipɨa pe, jare jae umbɨpɨ ma uyekou mbaembae ara pewa re. Jae nunga wi uñemɨïru ma oï Espíritu Santo ndiwe. Jare umbɨpɨ ma uyekou oï Tumpa iñee ikawi wae re jare Tumpa imbaepuere mburuwicha wasu pewa outa oï wae re. Kua ikawi ko. Erëi kua nunga uyerowa ye yawe kua mbaembae jupi wae wi, jayawe ndaraúi ma ipuere uyembɨpɨauka ye tenonde rami jare ipuereta’ä ma umbɨambɨe ipɨayemɨngeta Cristo kotɨ. Echa’ä jae uikutuka ye Cristo kurusu re rami ko, jare uyapo oï ïru wae reta upuka waerä Cristo re.

1 Pedro 1:3

¡Yambutuicha yandeRu Tumpa jee! Jae ko yandeYa Jesucristo Tu. Jae yandeparareko wae rupi uyapo ma yandewe yaa pɨau ye waerä Espíritu Santo rupi, jare jukuärái ñanoi waerä tekowe ipɨau wae. Jare Jesucristo ikowe ye ou umanokue wae reta ipɨte wi ramo, yandepuere yaikuaa kawi imeta ñanoi jokua mbaembae ikawi wae jae jei umeeta oï yandewe wae. Jare kua mbaembae ñaäro ñaï yarowia katu rewe.

1 Pedro 3:9

Kía mbae ikawi mbae wae uyapo pewe yawe, awɨye pemɨñatima chupe ikawi mbae wae rupi. Jae ramiño wi kía mbae kachi wae jei pewe yawe, awɨye pemɨñatima chupe. Jaeño pere chupe: “Tumpa tuyapo ikawi wae ndewe.” Echa’ä Tumpa pereni ma piyapo waerä ikawi wae ïru wae reta pe. Jare jukuärái piyapo yawe, Tumpa uyapota ikawi wae pewe wi.

1 Pedro 5:10

Erëi piñemɨkɨrëɨ. Echa’ä michi pewaño piporarata peï. Jare opa ma piporara yawe, Tumpa etei pemupüata, jare pemɨatangätuta, jare pemɨmɨräta kawita awɨye waerä piyepɨaka. YandeRu Tumpa ipɨakawi tuichaete ko. Jae ko ñanereni ñaï waerä pëti ramiño Cristo re jare jukuärái yayekou waerä jae ndiwe jaeño mái pewa.