Efesios 1:10 - Biblia

¹⁰ Jare Tumpa ipɨayemɨngeta ko kuärái: Jokua ara jae jei wae uwäe yawe, umbatɨta opaetei ara pe ñonoï wae reta jare ɨwɨ pe ñonoï wae reta wi, jare oñonota Cristo iko waerä jae reta imburuwicha wasurä jaeño mái pewa.

Guaraní Pe (Western): Simba

¹⁰ Cua co Tumpa iquɨrẽɨ uyapo vae: Umbatɨta opaete mbaembae uyeyapocue vae, Cristo oĩ vaerã iYarã - opaete mbaembae ara pe ñugüɨnoi vae, jare opaete mbaembae ɨvɨ pe ñugüɨnoi vae. Cua Tumpa uyapota ara iyapɨ yave.

Efesios 1:10 Iomraidhean Croise

San Mateo 25:32

“Jare ambatɨkata cherowai opaete ambɨe ɨwɨ rupi yureko wae reta. Jare jae reta ipɨte wi ambɨsɨrɨta amokue wae reta, pëti kuimbae iowecha reta umbɨsɨrɨ ikapura reta wi rami,” jei.

Marcos 1:15

Jae jeiñoise kuärái: “Uwäe ma ara Tumpa uyapo waerä jae jei uyapota iko wae. Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa iñee ikawi wae re,” jei.

1 Corintios 10:11

Jukuärái ko arakae jokua mbaembae uasa wae añawe ikawi yandewe yayemboe jese waerä. Jare uyekuatía oï yanembɨarakuaa waerä añawe rupi, yande reta awɨye waerä yayapo wi jokua nunga mbaembae.

1 Corintios 11:3

Erëitu aipota pikuaa kawi waerä wi kua: YandeYa Cristo ime onoi mbaepuere kuimbae re. Jare kuimbae ime onoi mbaepuere kuña re. Jare yandeRu Tumpa ime onoi mbaepuere Cristo re.

Gálatas 4:4

Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ

Efesios 1:22

Jayawe Tumpa umee Cristo pe mbaepuere opaete mbaembae re. Jare umee wi chupe iko waerä opaete jese wɨrowia wae reta iYarä. Kua yandepuere yambɨjaanga yanderete re. Echa’ä ñanäka ime onoi mbaepuere yanderete re. Jukuärái wi Cristo ko ñanäka rami jare ime onoi mbaepuere yanderé. Jare opaete yande Cristo re yarowia wae reta ñaï ma ko jae jete rami. Jae imbaepuere tuichaete ye ko jare opa tɨnee ara jare ɨwɨ. Jare jokua imbaepuere uparawɨkɨ oï yande rupi uyeyapo waerä jae jei wae.

Efesios 3:15

Jare jae ko opaete Cristo re wɨrowia wae reta ara pe ma ñonoï wae jare imeño ɨwɨ pe ñonoï wae reta Tu. Jare jae ko opaete mbaembae iyapoa.

Colosenses 1:16

Echa’ä jae etei umbɨyekuaa opaete mbaembae ara pe oï wae jare ɨwɨ pe oï wae, yaecha wae jare yaecha mbae wae (jokua ko jae opaete araɨwa reta opaño kërái rái ime mbaepuere onoi wae). Jukuärái ko uyekuaa opaetei mbaembae Taɨ rupi etei jare Taɨ imaerä etei wi.

Colosenses 1:20

Jare ime ye mbae yandeRu Tumpa uipota uyapo iko wae. Jae uipota iko uyapɨkatu jae ndiwe etei opaete mbaembae ɨwɨ pe oï wae jare ara pe oï wae wi. Jare jukuärái jae opa uyapo Taɨ Jesucristo juwɨ uyepɨyere wae rupi jae kurusu re iko rambuewe.

Colosenses 3:11

Jare kua tekowe ipɨau wae rupi pëti wae rami yayowake ma ñaï. Jayawe yanemaerä mbaetɨ ma judío reta jare judío mbae wae reta, uyembɨcircuncidaka wae reta jare uyembɨcircuncidaka mbae wae reta, ñana rupiwa reta jare ambɨe ɨwɨ pewa reta, uyeyokui wae reta jare uyeyokui mbae wae reta. YandeYa Cristo jeeño ko yambutuicha. Jare opaete yande pëti pëti wae reta, jae oyowakeño oï yandepɨa pe.

Hebreos 1:2

Erëi añawe kua ara reta pe Tumpa uyemɨngeta ma yandewe Taɨ rupi – jae ko umbɨjee opaete mbaembae iYarä wae. Jare kua Taɨ rupi Tumpa umbɨyekuaa opaete mbaembae ime ñonoï wae.

Hebreos 11:40

Tumpa ipuereta tëi umee woi chupe reta. Erëi jae uipota yande reta wi yayekou waerä jese päwe rewe jae reta ndiwe. Echa’ä jokuaño jae Tumpa ipɨayemɨngeta uipota opa uyapo waerä wae.

1 Pedro 1:20

Ndei ɨwɨ uyeyapo mbowe yandeRu Tumpa uiparawoño mái Cristo jae perepɨ waerä. Jare jukuärái jae uyapo ma pewe kua ara taɨkuewa reta pe, echa’ä ou ma ikawi waerä pewe.

Apocalipsis 5:9

Jare jae reta ukäta Owecha kuimbae taurusu wae jowai pëti käta ipɨau wae kuärái: “Ndeñoete ko jupi nenoi waerä jokua tupapire jare ndipea waerä imboyaka reta. Echa’ä ndeyuka reta, jare nderuwɨ uyepɨyere wae rupi ndewa pɨau ye ma jeta wae reta Tumpa pewarä. Jae reta ko jae opaete ambɨembɨe ɨwɨ pewa reta kiape kiape ñonoï wae rupi jare opa kërái rái ñee pe uyemɨngeta wae reta.