Daniel 9:27 - Biblia

²⁷ “Jokua mburuwicha wasurä outa oï wae uyapota oï tëi pëti yemɨngeta jeta wae reta ndiwe chiu año pewa. Erëi mbapɨ año mbɨte uasa ma yawe, aramoiño jae umaeñota’ä tueru reta tupao wasu pe mbaemɨmba reta jare ïru mbaembae Tumpa pewarä. Jare oete ye, jae oñonota oï tupao wasu joo pe mbae ikawi mbaete wae – jae ko upururükumewa wae. Jare joko pe upɨtata oï uwäe ara Tumpa jei wae rewa. Jare jokua ara ramo jokua mburuwicha wasu ukañɨta oï jaeño mái pewa.” Jukuärái jei araɨwa Daniel pe.

Daniel 9:27 Iomraidhean Croise

Isaías 53:11

Jetaete ma uiporara yawe, uyerowia yeta, echa’ä jae uikuaata jokua jae uiporara wae rupi jeta wae reta onoita tekowe opa mbae wae Tumpa ndiwe. Tumpa jei kuärái: “Che amaeta jeta wae reta re jeko mbae wae reta rami. Echa’ä yepe tëi uyawɨ reta ma chekotɨ, jesewe jokua chewe uyeyokui wae opata umbɨepɨ teko onoi reta chekotɨ wae.

San Mateo 24:15

“Jare pe reta pechata peï mbae ikawi mbaete wae – jae ko upururükumewa wae uyemboɨ oï tupao wasu pe. Jukuärái arakae Tumpa iñee umɨmbeu wae Daniel jei uyekuaata ko,” jei. (Jare kua umɨngeta wae tuikuaa kawi mbae uipota jei wae.)

San Mateo 26:28

Jare jei wi chupe reta umbɨjaanga rewe: “Kua ko jae cheruwɨ uyepɨyereta oï wae. Jukuärái uyeyapota Tumpa opa umbái waerä jeta wae reta wi mbaembae uyawɨ reta Tumpa kotɨ wae. Kua cheruwɨ pɨpe Tumpa uyapo oï pëti yemɨngeta ipɨau wae jae reta ndiwe,” jei.

San Mateo 27:51

Jare aramoiño puyu tupao wasu joo umbɨyao pɨpe wae osoro mbɨte rupi ɨwate wi ɨwɨ kotɨ. Jare ɨwɨ ukäta, jare amokue itape reta owo.

Marcos 13:14

“Jare pe reta pechata peï mbae ikawi mbaete wae – jae ko upururükumewa wae uyemboɨ oï kiape oïta’ä tëi wae pe. Jokua ko jae tupao wasu pe. Jukuärái arakae Tumpa iñee umɨmbeu wae Daniel jei uyekuaata ko,” jei. (Jare kua umɨngeta wae tuikuaa kawi mbae uipota jei wae.) “Jayawe jokua pecha yawe, kua ɨwɨ Judea pe ñonoï wae reta tosi ɨwɨtu wasu reta kotɨ,” jei.

San Lucas 21:20

“Jare pecha yawe sɨndaro reta opa oñowa ñonoï kua tëta wasu Jerusalén, pikuaata jae ma ko ou uwäe opa uyembái waerä,” jei.

San Lucas 21:24

“Jare jeta jae reta umanota kɨsepuku pe. Jare ïru wae reta uyereraata peresorä ambɨe ɨwɨ reta pe,” jei. “Jare judío mbae wae reta uyembɨiyata kua Jerusalén re jare yurekota pɨpe jae reta ime mbaepuere onoi wae opa rewa,” jei Jesús jemimboe reta pe.

Romanos 11:26

jayawe ramo opaete Israel pewa reta wi wɨrowiata, jare Tumpa uepɨta onoi reta. Jukuärái wi uikuaaka yandewe Tumpa iñeerɨru pe, echa’ä joko pe uyekuatía oï kuärái: “Upuruepɨ wae outa oï Sion wi. Jare jae umbɨyerowa yeta Israel iñemoñaa reta mbae kachi uyapo reta wae wi.

Romanos 5:15

Erëi Tumpa jepɨ mbae awe umee yandewe Jesucristo rupi wae, oyowake’ä etei ko uasa yandewe Adán rupi wae. Echa’ä jokua pëti kuimbae uyawɨ Tumpa jei wae jeko pewa, jeta wae reta umano. Erëi Jesucristo uyapo wae rupi jeta yande reta yayekou ma ñaï Tumpa ipɨakawi re, jare Tumpa umae ma yanderé yandereko mbae wae rami.

Romanos 5:19

Jae ramiño wi Adán mbaetɨ Tumpa jei chupe wae uyapo jeko pewa opaete wae uyawɨ wi Tumpa kotɨ. Erëi Jesucristo Tumpa jei chupe wae uyapo ramo, Tumpa umaeta jeta wae reta re jeko mbae wae rami.

Hebreos 9:28

Jare jukuärái wi Cristo pëti weseño uñemee umano waerä jeta wae reta re mbaembae jae reta uyawɨ Tumpa kotɨ wae opa umbái waerä. Jare jae ou yeta oï, erëi mbaetɨta ma ou umbɨepɨ ye waerä mbaembae yayawɨ wae. Jae ou yeta oï umee waerä tekowe opa mbae wae opaete kía uäro ñonoï wae reta pe.