Daniel 7:13 - Biblia

¹³ Pëti pɨare apau wae echa rami aecha ou oï pëti wae amapɨ̈tu re. Jae ko kía uyeyapo kuimbaerä wae. Jae ou Tumpa ikoño mái wae jowai.

Daniel 7:13 Iomraidhean Croise

San Mateo 13:41

“Echa’ä che kuimbaerä ayeyapo wae ambouta chearaɨwa reta umbɨsɨrɨ waerä cheré wɨrowia wae reta ipɨte wi opaete kía japicha pe uyawɨka Tumpa kotɨ wae reta jare ikawi mbae wae uyapo wae reta,” jei.

San Mateo 24:30

“Jare jayawe imeta mbae ara re uyekuaa wae. Jokua uikuaakata ɨwɨ pewa reta pe che kuimbaerä ayeyapo wae ayu yeta ma ko. Jayawe opaete ɨwɨ pewa reta tuicha ipɨatɨtɨta ukɨye pɨpei. Jare che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei.

San Mateo 25:31

“Che kuimbaerä ayeyapo wae, che ayu yewɨ yawe chembaepuere jembipete rewe, aruta opaete araɨwa reta che ndiwe. Jayawe che awapɨta aï chewapɨa mburuwicha wasu pewa ikawiete ye wae re,” jei.

San Mateo 26:64

Jayawe Jesús jei chupe: “Nde ndere wae ko jae,” jei chupe. “Jare wi che tae pewe, outa uwäe ara che kuimbaerä ayeyapo wae, pe reta etei cherechata peï kuri Tumpa imbaepuere tuichaete wae iyakata kotɨ. Jare cherechata wi ayu ye yawe ara wi amapɨ̈tu re,” jei chupe.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

Marcos 13:26

“Jayawe che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei.

San Lucas 21:27

“Jayawe che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei chupe reta.

San Lucas 21:36

“Jare jekuaeño piyandareko piyé. Jare piyerure Tumpa pe pepuere waerä peoyepe opaete kua mbaembae uyeyapota oï wae wi. Jare piyerure chupe wi pepuere waerä piyemboɨ jokua ara pemara mbae rewe cherowai, che kuimbaerä ayeyapo wae.” Jukuärái Jesús jei jemimboe reta pe.

San Lucas 24:27

Jayawe Jesús umbɨpɨ umɨesäka chupe reta kërái ko uyekuatía oï jesewa Tumpa iñeerɨru pe. Jae umbɨpɨ Moisés uikuatía wiwe, jare joko wi arakae Tumpa iñee umɨmbeu wae reta uikuatía wae rupi umɨesäka wɨraa wɨraa chupe reta.

San Juan 12:34

Jayawe jae reta jei Jesús pe: “Nde ndere tëi neï ndeyupe ‘che kuimbaerä ayeyapo wae.’ Erëi ¿mbae ra jokua uipota jei? Ore nduikuaa Cristo ndoe chupe wae ou yawe, jae upɨtata oï jaeño mái pewa, echa’ä jukuärái Tumpa iñeerɨru pe uyekuatía oï. Jayawe nde ko jae Cristo yawe, ¿këraita pa nde ndere neï orewe, ‘chekututa ñonoï kurusu re jare chembɨyemboɨta cheñono reta’? Kua pe opa orembopa neï,” jei reta Jesús pe.

San Juan 3:13

Jaeño che kuimbaerä ayeyapo wae chepuere chemiäri pewe kua mbaembae re, echa’ä cheeño ko ayu ara wi. Mbaetɨi kía uyupi oo ara pe,” jei chupe.

San Juan 5:27

Jare wi cheRu umee ma chewe mbaepuere che jae waerä ɨwɨ pewa reta jeko re. Che ko jaeta opaete wae pe pëti pëti rupi: “Nde ndiporarata neï ndereko kachi re,” ani, “Nde nenoita tekowe opa mbae wae.” Jare jukuärái ko uñemee ma chewe mbaepuere ayapo waerä, echa’ä che ko jae jokua ‘uyeyapo kuimbaerä wae’ jei chupe reta wae,” jei.

Hechos 7:56

Jayawe Esteban jei: “¡Mase! ¡Aecha ara uyepea oï, jare joko pe uyemboɨ oï kuimbaerä uyeyapo wae yandeRu Tumpa iyakata kotɨ!” jei.

1 Tesalonicenses 4:17

Jare kua jaɨkue rupi yande imeño ñaï wae reta, ndei ñamano wae reta, ya päweta jae reta ndiwe. YandeYa etei yandereupita ñañeowäiti waerä jae ndiwe amapɨ̈tu re. Jare jukuärái yaikota yandeYa ndiwe jaeño mái pewa.

1 Timoteo 6:16

Jaeño ikoño mái imbaepuere tuichaete rupi. Jare imbaepuere jupi wae jembipe tuicha uwerasɨ wae rami. Jáeramo mbaetɨ etei kiawe ipuere oya jese. Mbaetɨ etei wi kiawe ɨwɨ pewa reta ipuere uecha. Jayawe, ¡yambutuicha Tumpa jee jaeño mái pewa! Jukuärái tuiko.

Hebreos 2:14

Opaete kua Tumpa taɨ reta yae chupe wae, jae reta ko jae soo jare tuwɨ jare maekäwe pewa. Jáeramo Jesús wi uyeyapo jae reta rami etei ipuere waerä imano rupi umɨamɨri mano iya – jae ko Añawasu.

Hebreos 9:24

Echa’ä jokua tupao mbaetɨ ko tupao kua ɨwɨ pewa kuimbae reta uyapo wae, jare jae’ä ko jaanga wi. Jokua tupao ara pewa etei ko. Jare joko pe ko Cristo uike Tumpa oï wae pe etei uyerure waerä yanderé.

Apocalipsis 1:13

Jare jokua chiu mechero iwapɨka reta ipɨte pe aecha kía jae chawaa kuimbaerä uyeyapo wae. Jae omonde temimonde puku wae uwäe ipɨ rupi. Jare ipɨtía rupi onoi tumbɨkuaa oro pewa.

Apocalipsis 1:18

“Che ko jae ikoño mái wae. Amano, erëi mase, añawe aiko jaeño mái pewa. Jare che ime anoi mbaepuere mano re jare umanokue wae reta jenda re wi,” jei.

Apocalipsis 1:7

¡Mase, ko jae ma ou amapɨ̈tu re! Jare opaete wae uechata ñonoï. Uikutuka wae retawe uechata wi. Jare opaete kua ɨwɨ pewa reta tuicha ipɨatɨtɨta jae jeko pewa. Añetete jukuärái tuiko.

Apocalipsis 14:14

Jayawe aecha amapɨ̈tu tïi wae, jare jokua amapɨ̈tu re aecha kía uwapɨ oï. Jae chawaa kuimbaerä uyeyapo wae. Jare iñäka re onoi corona oro pewa, jare uipɨsɨ oï pëti josa jaimbe wae.