Apocalipsis 9:4 - Biblia

⁴ Jare Tumpa jei tuku reta pe awɨye urükumewa waerä opaete temitɨ jokɨ reta ɨwɨ pe oï wae jare ɨwɨra reta. Jaeño ipuere umbɨpere reta jokua mbaetɨ Tumpa imarka jesɨwa re onoi wae reta.

Guaraní Pe (Western): Simba

⁴ Jare Tumpa oyocui tucu reta agüɨye vaerã urucumegua ñana jare ɨvɨra reta jare opaete temitɨ reta. Ẽrei ipuere oñõpi mbaetɨ güɨnoi Tumpa imarca isɨva re vae reta.

Apocalipsis 9:4 Iomraidhean Croise

Éxodo 12:23

“Echa’ä Tumpa outa uasa oo oï opaete ɨwɨ Egipto rupi pëti araɨwa ndiwe. Jokua araɨwa pe Tumpa umee mbaepuere uyuka waerä opaete wae reta taɨrɨpɨ. Erëi Tumpa uecha yawe tuwɨ perëta jöke iáramo jare iyɨkeyɨke pe oï wae, umaeñota’ä araɨwa upuruyuka wae re uike waerä perëta japɨpe,” jei chupe reta.

San Mateo 24:24

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

Efesios 4:30

Awɨye pembɨpɨatɨtɨ Espíritu Santo Tumpa umee pewe wae. Echa’ä Tumpa umee yandewe Espíritu Santo uikuaaka waerä yandewe jae umbɨepɨ ma ko yande yaiko waerä jae imaerä jaeño mái pewa. Jare Espíritu Santo ñanoi ramo, uikuaaka wi yandewe kërái ara taɨkuewa pe Tumpa opata yanderepɨ oï opaete mbae ikawi mbae wae wi.

Apocalipsis 14:1

Joko wi aecha jokua Owecha kuimbae taurusu wae uyemboɨ oï ɨwɨtu wasu Sion jee wae re. Jare joko pe ñonoï jae ndiwe jokua 144.000 wae reta. Jae reta jesɨwa re uyekuatía oï Owecha kuimbae taurusu wae jee jare Tu jee.

Apocalipsis 6:6

Jare ayandu jokua irundɨ mbae tekowe onoi wae ipɨte wi jei: “Pëti kilo trigo jepɨ pëti ara mbarawɨkɨ pewa, jare mbapɨ kilo cebada jepɨ pëti ara mbarawɨkɨ pewa. Jare awɨye erükumewa aceite jare vino,” jei.

Apocalipsis 7:1

Jare kua jaɨkue rupi aecha irundɨ araɨwa reta uyemboɨ ñonoï ɨwɨ pe. Pëti uyemboɨ oï warasɨ oë wae kotɨ, jare ïru uyemboɨ oï warasɨ uike wae kotɨ. Ïru uyemboɨ oï norte kotɨ, jare ïru uyemboɨ oï sur kotɨ. Jare jae reta oyopia yureko irundɨ kotɨ kotɨ wi ɨwɨtu uyepeyu wae, awɨye waerä ɨwɨtu uyepeyu ɨwɨ re, jare mar re, jare ɨwɨra reta re.

Apocalipsis 8:7

Jayawe pëti araɨwa umɨñee jemimbɨ wasu. Jare umɨñee yawe, aramoiño oa ɨwɨ re amandau jare tata tuwɨ rewe. Jare mbɨte seri ɨwɨra reta ɨwɨ pe oï wae okai, jare opaete kapii opa okai.