Apocalipsis 9:21 - Biblia

²¹ Jae nunga wi jae reta ko upuruyuka wae reta, jare ipaye wae reta, jare iawasapota wae reta, jare imonda wae reta. Erëi uipota’ä etei ueya reta ipɨayemɨngeta jokua mbaembae rewa.

Guaraní Pe (Western): Simba

²¹ Jae reta jecuae upuruyuca jare uyapo paye reta jare uyapo aguasa jare imonda.

Apocalipsis 9:21 Iomraidhean Croise

San Mateo 15:19

“Echa’ä pepɨa wi ko oë opa mbae ikawi mbae wae, echa’ä pepɨa pe piyemɨngeta mbaembae kachi wae re jare joko wi pepuruyuka, piyapo awasa, pembɨkere, pemonda, papu ïru wae reta re, jare ikawi mbae wae pere perapicha kotɨ,” jei.

2 Corintios 12:21

Ayembɨpɨa’ä aï wi aramoi chemarata apɨta pewi Tumpa jowake, jare tuicha rupi chepɨatɨtɨta jokua re. Echa’ä aramoi pepɨte pe jokua tenonde yawe teko kachi rupi yureko wae reta jekuaeño ueya’ä jokua ipɨayemɨngeta kachi wae. Aramoi imeño ko awasa pe ñonoï reta jare mbɨkere rupi.

Gálatas 5:20

Jae nunga wi umbɨadora tumparaanga reta re, jare ipaye. Uñamɨtäa japicha reta jare jowaichopota. Jawɨ̈ropota. Pochɨ wɨrae mbae re. Uyembutuicha. Iyeakase jare uyapo uyembɨyao tee tee reta waerä.

Apocalipsis 13:13

Jare jokua bestia taɨkue aecha wae uyapo opa kërái rái mbaembae kuimbae retaño ipuere’ä uyapo wae. Jare tata awe ombou ara wi ɨwɨ pewa reta jowake.

Apocalipsis 13:15

Jare uñemee jokua bestia taɨkue aecha wae pe onoi waerä mbaepuere umbɨyemɨngetaka waerä jokua tenondewa bestia jaanga. Jare joko wi uyukaka opaete uipota’ä umbɨadora jese wae reta.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.

Apocalipsis 14:8

Jayawe jokua araɨwa jaɨkue rupi uyekuaa ïru araɨwa. Jare jae usapɨkai rewe jei: “¡Opata ma oï jokua tëta wasu jeräkuaete wae jare imbaepuere wae Babilonia jee wae! Jokua Babilonia pewa reta jeko kachi rupi urükumewa ɨwɨ pewa reta. Opa usawɨpo rami uyapo reta, echa’ä omboe reta umbɨadora waerä itumparaanga reta re,” jei.

Apocalipsis 16:6

Echa’ä jae reta upɨyere ma jeta tuwɨ – jae ko nderé wɨrowia wae reta juwɨ jare niñee umɨmbeu wae reta juwɨ. Jáeramo nde ndeuka neï chupe reta tuwɨ wi. Echa’ä jupi ko uyeyapo oï jukuärái chupe reta.” Jukuärái araɨwa jei Tumpa pe.

Apocalipsis 17:2

“Ɨwɨ pewa mburuwicha wasu reta uyapo awasa jokua kuña ndiwe. Jare jokua awasa ko vino rami ɨwɨ pewa reta pe. Jare jokua pɨpe jae reta opa usawɨpo rami ñonoï,” jei chewe.

Apocalipsis 17:4

Jare kuña jemimonde mborao jare pɨ̈ta, jare uñemɨmaepöra oro jare ita ipöraete wae reta pɨpe. Uipɨsɨ oï pëti copa oro pewa, jare jokua copa tɨnee oï pɨpe mbaembae kachiete wae. Jokua uyembɨjaanga oï mbaembae kachiete kuña uyapo wae re jare tumparaanga reta re umbɨadora wae re.

Apocalipsis 17:5

Jare kuña jesɨwa re uyekuatía oï umbɨjaanga rewe jee kuärái: “Babilonia jeräkuaete wae jare imbaepuerete wae. Kuña jete re umɨngana wae reta jare mbae kachiete uyapo wae reta iyɨpɨ.” Jukuärái uyekuatía oï jokua kuña jesɨwa re.

Apocalipsis 18:3

Tumpa uiporarakata ma oï Babilonia pe, echa’ä Babilonia pewa reta jeko kachi rupi opa urükumewa ɨwɨ pewa reta. Jae reta uyapo awasa ɨwɨ pewa reta ndiwe jare jae nunga wi imburuwicha wasu reta ndiwe. Jokua awasa ko vino rami chupe reta, jare jokua pɨpe jae reta opa usawɨpo rami ñonoï. Babilonia pewa reta jekuaeño ueka opa kërái rái mbae kachi wae. Jare opaete ɨwɨ rupi mbaembae owaka wae reta uyembɨikokatu chuwi reta jokua mbaembae kachi owaka wae rupi,” jei araɨwa.

Apocalipsis 19:2

Echa’ä jae upurumbɨjeko jupi wae rupi, jare uiporaraka ɨwɨ pewa reta pe añetete wae rupi. Añawe jae uiporaraka ma jokua kuña jete re umɨngana wae jeräkuaete wae pe. Echa’ä jokua kuña opa urükumewa ɨwɨ pewa reta awasa uyapo wae rupi, jare upɨyere Tumpa pe uyeyokui wae reta juwɨ. Jáeramo Tumpa uyepɨ ma chupe reta jokua kuña pe.” Jukuärái jei reta.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.

Apocalipsis 22:15

“Erëi ndarau uike kua tëta wasu pe jeko kachi wae reta, jare ipaye wae reta, jare iawasapota wae reta, jare upuruyuka wae reta, jare tumparaanga re umbɨadora wae reta, jare opaete uyerowia rewe upurumbɨtawɨ wae reta,” jei.

Apocalipsis 9:20

Jare jokua ɨwɨ pewa reta umano’ä jokua mbaesusere reta rupi wae uipota’ä etei ueya ipɨayemɨngeta mbaembae kachi uyapo wae rewa. Echa’ä jae reta jekuaeño uipota umbɨadora aña reta re jare tumparaanga reta re oro pewa, jare korepoti jiero pewa, jare jiero bronce pewa, jare ita pewa, jare ɨwɨra pewa wi. Jokua tumparaanga reta ipuere’ä etei umae jare uyandu jare uwata wi. Erëi jesewe ɨwɨ pewa reta umbɨadora jese reta.