Apocalipsis 9:20 - Biblia

²⁰ Jare jokua ɨwɨ pewa reta umano’ä jokua mbaesusere reta rupi wae uipota’ä etei ueya ipɨayemɨngeta mbaembae kachi uyapo wae rewa. Echa’ä jae reta jekuaeño uipota umbɨadora aña reta re jare tumparaanga reta re oro pewa, jare korepoti jiero pewa, jare jiero bronce pewa, jare ita pewa, jare ɨwɨra pewa wi. Jokua tumparaanga reta ipuere’ä etei umae jare uyandu jare uwata wi. Erëi jesewe ɨwɨ pewa reta umbɨadora jese reta.

Guaraní Pe (Western): Simba

²⁰ Jare opaete ɨvɨ pegua reta uyeyucaca mbae vae cua mbaepuruyuca reta pe vae ueya'ã etei icavi mbae vae jecuaeño uyapo vae. Jecuae umbɨadora reta aña reta jare tumpa-raanga oro pegua jare corepoti pegua jare bronce pegua jare ita pegua jare ɨvɨra pegua, yepe tẽi tumpa-raanga reta ipuere'ã uecha jare uyandu jare uguata.

Apocalipsis 9:20 Iomraidhean Croise

San Mateo 21:32

echa’ä Juan ou tëi uikuaaka pewe kërái pepuere waerä peï pereko mbae wae rami Tumpa jowai, erëi pe reta perowia’ä jae jei wae. Erëi jeta mburuwicha pewarä okowara wae reta jare kuña jete re umɨngana wae reta wɨrowia. Kua pikuaa kawi peï tëi, erëi pipota’ä ñeño peya pepɨayemɨngeta jupi mbae wae Tumpa rewa. Jekuaeño perowia’ä Juan jei wae re,” jei Jesús chupe reta.

Hechos 17:29

“Añetete yawe yande ko jae Tumpa taɨ reta, jáeramo ndarau ikawi yarowia waerä Tumpa ko jae mbae oro pewa, jare korepoti jiero pewa, jare ita pewa. Mase, kuimbae reta iyarakuaa rupiño ko uyapo reta jokua nunga ipo pe,” jei.

Hechos 19:26

“Mase, pe reta pecha jare piyandu ma kërái jokua kuimbae Pablo jee wae umbɨpɨambɨeka oï jeta wae reta. Jae wɨrowiaka ma jeta wae reta pe kua Éfeso pe jare opaete ɨwɨ Asia rupi kërái tumparaanga reta kuimbae reta uyapo ipo pe wae tumpa reta’ä ko,” jei.

Hechos 7:41

“Jayawe uyapo reta iyupe waka raɨraanga itumparä, jare uyuka reta mbaemɨmba umee chupe waerä. Jare uyerowiaete reta, echa’ä ipo pe etei uyapo reta iyupe itumparaangarä ramo. Jáeramo uyapo reta chupe arete wasu,” jei.

2 Corintios 12:21

Ayembɨpɨa’ä aï wi aramoi chemarata apɨta pewi Tumpa jowake, jare tuicha rupi chepɨatɨtɨta jokua re. Echa’ä aramoi pepɨte pe jokua tenonde yawe teko kachi rupi yureko wae reta jekuaeño ueya’ä jokua ipɨayemɨngeta kachi wae. Aramoi imeño ko awasa pe ñonoï reta jare mbɨkere rupi.

1 Timoteo 4:1

Erëi Espíritu Santo uikuaaka kawi yandewe kërái ara taɨkuewa rupi amokue wae reta usɨrɨta jokua yemboe añetete wae wi. Jae reta uyapɨsakata upurumbɨtawɨ wae reta jei wae re. Jare wɨrowiata reta yemboe añetete’ä wae aña reta wi etei ou wae.

Apocalipsis 15:1

Jayawe aecha ye ara re ïru mbae ambɨe yeete wae. Jokua chembɨpɨakañɨete. Echa’ä aecha chiu araɨwa reta, jare pëti pëti jae reta ombouta ma oï mbaesusere tuicha wae ɨwɨ pewa reta re. Jokua mbaesusere reta ko jae taɨkuete oata oï ɨwɨ re wae, echa’ä jokoropi opata oï Tumpa iarasɨ wasu.

Apocalipsis 16:8

Jayawe ïru araɨwa upɨyere icopa warasɨ re. Kua re irundɨ ma upɨyere. Jare upɨyere ma yawe, uñemee mbaepuere warasɨ pe ipuere waerä uapɨ ɨwɨ pewa reta jaku rái pɨpe.

Apocalipsis 9:19

Erëi jokuaño’ä uyapo reta. Jae nunga wi juwai mboi echa jare iyapɨ re oï mboi iñäka echa. Jare jokua pɨpe upurumbɨpere reta. Jukuärái jokua kawayu reta iyuru jare juwai ime onoi mbaepuere umbɨpere jare uyuka waerä ɨwɨ pewa reta.

Apocalipsis 9:21

Jae nunga wi jae reta ko upuruyuka wae reta, jare ipaye wae reta, jare iawasapota wae reta, jare imonda wae reta. Erëi uipota’ä etei ueya reta ipɨayemɨngeta jokua mbaembae rewa.