Apocalipsis 9:14 - Biblia

¹⁴ Jare jokua ñee jei araɨwa jemimbɨ wasu umɨñee ramo wae pe kuärái: “Iyora jokua irundɨ araɨwakue reta uñeñapɨ̈ti ñonoï ɨ wasu Éufrates jembeɨ pe wae,” jei chupe.

Guaraní Pe (Western): Simba

¹⁴ Jare jocua ñee jei jocua ángel trompeta umɨñee ramo vae pe: —Iyora jocua irundɨ ángel ɨ usɨrɨ vae Eufrates pe uñeapɨ̃ti vae reta.

Apocalipsis 9:14 Iomraidhean Croise

Génesis 15:18

Jayawe jokua ara etei Tumpa uikuaaka Abram pe mbae uyapota iko Abram iñemoñaa reta pewarä wae, jare jei chupe: “Niñemoñaa reta pe ameeta aï kua ɨwɨ, ɨ wasu Egipto pewa wiwe ɨ wasu tuicha wae Éufrates jee wae pe rewa. Kua ɨwɨ ameeta aï chupe reta,” jei chupe.

Génesis 2:14

Ɨ wasu ïru wae ko Tigris jee wae. Kua uasa ɨwɨ Asiria jee wae rupi warasɨ oë wae kotɨ. Jare ɨ wasu ïru wae ko jee Éufrates.

Josué 1:4

“Ameeta aï pewe ɨwɨ ɨwɨtini wasu wi ɨwɨtu wasu reta Líbano jee wae rewa, jare ɨ wasu tuicha Éufrates jee wae wiwe Mar Mediterráneo jee wae rewa. Jokua jare opaete heteo reta iɨwɨ wi ikota pemaerä,” jei chupe.

Apocalipsis 16:12

Joko wi ïru araɨwa upɨyere icopa. Kua re owa ma upɨyere. Jare jae upɨyere icopa ɨ wasu tuichaete Éufrates jee wae re. Jare upɨyere ma yawe, jokua ɨ wasu opa utini. Kua uyeyapo mburuwicha wasu warasɨ oë wae kotɨwa reta pewarä ipuere waerä jae reta ɨmambae uasa isɨndaro reta ndiwe jowaicho kotɨ.

Apocalipsis 7:1

Jare kua jaɨkue rupi aecha irundɨ araɨwa reta uyemboɨ ñonoï ɨwɨ pe. Pëti uyemboɨ oï warasɨ oë wae kotɨ, jare ïru uyemboɨ oï warasɨ uike wae kotɨ. Ïru uyemboɨ oï norte kotɨ, jare ïru uyemboɨ oï sur kotɨ. Jare jae reta oyopia yureko irundɨ kotɨ kotɨ wi ɨwɨtu uyepeyu wae, awɨye waerä ɨwɨtu uyepeyu ɨwɨ re, jare mar re, jare ɨwɨra reta re.

Apocalipsis 7:2

Kua araɨwa reta pe uñemee ma mbaepuere urükumewa waerä ɨwɨ jare mar. Jare aecha ïru araɨwa uyupi oo oï ara kotɨ warasɨ oë wae kotɨ wi. Jare aecha ipo pe wɨraa pëti marka – jokua ko jae Tumpa ikoño mái wae imarka. Jokua pɨpe araɨwa umɨseñarata iko Tumpa uiparawo wae reta.

Apocalipsis 8:2

Joko wi aecha chiu araɨwa reta uyemboɨ ñonoï Tumpa jowai. Jare pëti pëti pe uñemee chupe reta temimbɨ wasu.

Apocalipsis 8:6

Jayawe jokua chiu araɨwa reta chiu temimbɨ wasu onoi wae uyeyapɨkatu umɨñee waerä temimbɨ wasu reta.

Apocalipsis 9:15

Jayawe araɨwa oo oyora jokua irundɨ araɨwakue reta jae reta yuraa uyukaka waerä mbɨte seri ɨwɨ pewa reta. Kua araɨwakue reta, ɨma rupi Tumpa uyapɨkatu ma yepe oñono. Jare uäro yureko jokua año, jare jokua yasɨ, jare jokua ara, jare jokua ora etei.