Apocalipsis 9:1 - Biblia

¹ Jayawe ïru araɨwa umɨñee jemimbɨ wasu. Kua re pandepo ma umɨñee. Jare umɨñee yawe, aecha ɨwɨ pe pëti yasɨtata echa wae ara wi oakue. Jare uñemee chupe ɨwɨkua wasu juwa mbae wae illave.

Guaraní Pe (Western): Simba

¹ Jayave ĩru ángel umɨñee trompeta. Pandepo ma umɨñee. Jare aecha penti yasɨtata oa ara güi ɨvɨ pe. Jare uñemee chupe ɨvɨcua quɨpe ete vae illave.

Apocalipsis 9:1 Iomraidhean Croise

Isaías 14:12

Tumpa jei kuärái: “Nde, yasɨtata ndimbowe uyekuaa wae echa wae, ¡ndea ma ɨwɨ pe nderenda ikawiete wae ara pe oï wae wi! Nde nditɨka jeta tëta wasu tuicha wae reta, erëi añawe nde ndiyeritɨka ma ɨwɨ pe,” jei.

San Lucas 10:18

Jayawe Jesús jei chupe reta: “Che aecha pe reta pemɨamɨri jae reta itenondewa – jae ko Satanás. Aecha jae oa ara wi amaterere oa wae rami,” jei.

San Lucas 8:31

Jare aña reta jekuaeño umɨñera Jesús awɨye waerä omondo reta ɨwɨkua wasu juwa mbae wae pe.

Apocalipsis 1:18

“Che ko jae ikoño mái wae. Amano, erëi mase, añawe aiko jaeño mái pewa. Jare che ime anoi mbaepuere mano re jare umanokue wae reta jenda re wi,” jei.

Apocalipsis 1:20

“Taikuaaka ndewe mbae re ko uyembɨjaanga kua chiu yasɨtata ndecha chepo cheakata kotɨ anoi wae. Jare taikuaaka ndewe wi mbae re ko uyembɨjaanga kua chiu mechero iwapɨka oro pewa,” jei. “Kua chiu yasɨtata reta uyembɨjaanga ñonoï chiu araɨwa reta re. Jokua chiu araɨwa reta uyandareko ñonoï jokua cheré wɨrowia wae reta re uyembatɨ ñonoï jokua chiu tëta wasu reta rupi wae. Jare kua chiu mechero iwapɨka reta uyembɨjaanga ñonoï jokua cheré wɨrowia wae reta re jokua chiu tëta wasu reta rupi uyembatɨ ñonoï wae,” jei chewe.

Apocalipsis 11:7

Jayawe jae reta opa ma Tumpa rewa umɨmbeu yawe, pëti mbaemɨmba echa ipɨrätaete jare pochɨete wae oëta jokua ɨwɨkua wasu juwa mbae wae wi. Jare jae ombowaichota jokua mokui kuimbae reta, jare umɨamɨrita, jare uyukata reta.

Apocalipsis 17:8

Jayawe araɨwa jei wi chewe: “Kua bestia ndecha wae ikose tenonde yawe, erëi añawe mbaetɨ ma. Erëi uyekuaa yeta oï, echa’ä oëta ma oï ɨwɨkua wasu juwa mbae wae wi. Erëi jokua jaɨkue rupi Tumpa omombota Tatawasurenda pe jaeño mái pewa,” jei. “Jare ɨwɨ pewa reta ipɨakañɨeteta uecha yawe jokua bestia tenonde ikose wae uyekuaa ye ramo. Jae reta jee mbaetɨ uyekuatía oï ɨwɨ uyembɨpɨ wiwe Tumpa itupapire pe. Echa’ä jaeño tekowe opa mbae wae onoi wae reta jee uyekuatía oï jokua tupapire pe,” jei chewe.

Apocalipsis 20:1

Jayawe che aecha pëti araɨwa uweyɨ ou ara wi. Jare jae onoi ɨwɨkua wasu juwa mbae wae illave, jare ipo pe aecha pëti cadena tuicha wae.

Apocalipsis 20:10

Jae reta uyembɨtawɨka Añawasu pe. Jare joko wi aecha jokua tata wasu azufre ndiwe jendɨ oï wae. Joko pe ko tenonde yawe Tumpa omomboka jokua bestia jare Tumpa iñee umɨmbeuraanga wae ndiwe. Jare amae aiko rambuewe, Tumpa omomboka Añawasu joko pe wi. Jae reta mbapɨ rewe uiporarata joko pe ara rupi jare pɨ̈tu rupi jaeño mái pewa.

Apocalipsis 6:13

Jare yasɨtata reta ara re ñonoï wae opa oa ɨwɨ re kërái pëti ɨwa ía yawɨye mbae wae ɨwɨtu täta yawe opa oa ɨwɨ re rami.

Apocalipsis 8:10

Jayawe ïru araɨwa umɨñee jemimbɨ wasu. Kua re mbapɨ ma umɨñee. Jare umɨñee yawe, pëti yasɨtata tuicha wae oa ara wi jendɨ rewe pëti mechero tuicha wae jendɨ rami. Jare oa mbɨte seri ɨ wasu reta re jare ɨwororo reta re.

Apocalipsis 8:12

Jayawe ïru araɨwa umɨñee jemimbɨ wasu. Kua re irundɨ ma umɨñee. Jare umɨñee yawe, mbae uyeyapo warasɨ pe awɨye waerä jembipe irundɨ ora opa ara rupi. Jae nunga wi mbae uyeyapo yasɨ jare yasɨtata reta pe awɨye waerä jembipe irundɨ ora opa pɨ̈tu rupi.

Apocalipsis 8:2

Joko wi aecha chiu araɨwa reta uyemboɨ ñonoï Tumpa jowai. Jare pëti pëti pe uñemee chupe reta temimbɨ wasu.

Apocalipsis 9:2

Jayawe jae uipea ɨwɨkua wasu. Jare uipea ma yawe, oë tatäti tata tuichaete wae wi tatäti oë wae rami. Jare warasɨ uyekuaa’ä tatäti ɨwɨkua wi oë wae jeko pewa. Jáeramo opa pɨ̈tumimbi.