Apocalipsis 8:2 - Biblia

² Joko wi aecha chiu araɨwa reta uyemboɨ ñonoï Tumpa jowai. Jare pëti pëti pe uñemee chupe reta temimbɨ wasu.

Guaraní Pe (Western): Simba

² Jare aecha jocua siete ángel Tumpa jovai uyemboɨ ñugüɨnoi vae reta. Jare uñemee chupe reta siete trompeta.

Apocalipsis 8:2 Iomraidhean Croise

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 24:31

“Jare pëti temimbɨ wasu uñee oï rewe che amondota araɨwa reta umbatɨ waerä che aiparawo wae reta opaete kerupi rupi wi,” jei chupe reta.

San Lucas 1:19

Jayawe araɨwa jei Zacarías pe: “Che ko jae Gabriel. Che ayemboɨ Tumpa jowai etei ayeyokui waerä chupe. Tumpa chembou amɨmbeu waerä ndewe kua ñee ikawi wae,” jei chupe.

San Lucas 21:36

“Jare jekuaeño piyandareko piyé. Jare piyerure Tumpa pe pepuere waerä peoyepe opaete kua mbaembae uyeyapota oï wae wi. Jare piyerure chupe wi pepuere waerä piyemboɨ jokua ara pemara mbae rewe cherowai, che kuimbaerä ayeyapo wae.” Jukuärái Jesús jei jemimboe reta pe.

1 Corintios 15:52

Kua uyeyapota oï aramoete mii pëti jei wae peño pëti yasapɨmi peño Tumpa jemimbɨ wasu taɨkuewaete wae uñee yawe. Echa’ä Tumpa jemimbɨ wasu uñeeta oï, jare Cristo re wɨrowia rewe umano wae reta ikowe yeta onoi waerä jete ndarau etei ikumewa wae. Jare joko wi yande imeño ñaï wae reta, Tumpa opata umbɨpɨau ye oï yanderete.

1 Tesalonicenses 4:16

Añetete uyeyapota oï kuärái: YandeYa Jesucristo ou ye yawe, uyenduta pëti ñee ipɨräta wae jare araɨwa tenondewaete iñee jare Tumpa jemimbɨ wasu wi. Jare yandeYa Cristo etei uweyɨta ara wi, jare jese wɨrowia rewe umano wae reta ikowe yeta tenonde jete ipɨau wae pe.

Apocalipsis 1:4

Pe Cristo re perowia wae reta chiu tëta wasu ɨwɨ Asia pewa pe piyembatɨ wae, che araaka aï pewe kua saludo. Che ko jae Juan kua aikuatía aï wae. Tumpa iyɨpɨ wiwe ikoño mái, jare jekuaeño oï, jare jekuaeñota oï. Jae jekuaeño tipɨakawi pewe jare tuyapo pewe piko waerä pepɨakatu rewe. Jare jukuärái wi tuyapo pewe Jesucristo jare Espíritu Santo. Kua Tumpa iEspíritu chiu wese ye jupi jare Tumpa iwapɨa jowai oï. Jesucristo ko jae jekuaeño uikuaaka añetete wae. Jae ko opaete umanokue wae reta ikowe ye wae itenondewaete. Jare jae ko opaete ɨwɨ pewa mburuwicha wasu reta imburuwicha yuapɨ ye. Yande reta jeta ma yayawɨ Tumpa kotɨ. Erëi Jesucristo yanderau jare upɨyere juwɨ opa oyoe waerä yandewi yandereko.

Apocalipsis 11:15

Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.

Apocalipsis 15:1

Jayawe aecha ye ara re ïru mbae ambɨe yeete wae. Jokua chembɨpɨakañɨete. Echa’ä aecha chiu araɨwa reta, jare pëti pëti jae reta ombouta ma oï mbaesusere tuicha wae ɨwɨ pewa reta re. Jokua mbaesusere reta ko jae taɨkuete oata oï ɨwɨ re wae, echa’ä jokoropi opata oï Tumpa iarasɨ wasu.

Apocalipsis 16:1

Jayawe ayandu pëti ñee täta wae tupao wasu wi jei jokua chiu araɨwa reta pe kuärái: “Pekua pepɨyere ɨwɨ re jokua chiu copa Tumpa iarasɨ tɨnee oï pɨpe wae,” jei.

Apocalipsis 8:13

Jayawe aecha pëti araɨwa uwewe oï ɨwate rupi, jare jae mbapɨ wese usapɨkai rewe jei: “¡Kërái etei ndipo uiporaraeteta ɨwɨ pewa reta! ¡Echa’ä imeño mbapɨ araɨwa reta jae ma ñonoï umɨñee waerä jemimbɨ wasu!” jei.

Apocalipsis 8:6

Jayawe jokua chiu araɨwa reta chiu temimbɨ wasu onoi wae uyeyapɨkatu umɨñee waerä temimbɨ wasu reta.

Apocalipsis 9:1

Jayawe ïru araɨwa umɨñee jemimbɨ wasu. Kua re pandepo ma umɨñee. Jare umɨñee yawe, aecha ɨwɨ pe pëti yasɨtata echa wae ara wi oakue. Jare uñemee chupe ɨwɨkua wasu juwa mbae wae illave.