Apocalipsis 8:12 - Biblia

¹² Jayawe ïru araɨwa umɨñee jemimbɨ wasu. Kua re irundɨ ma umɨñee. Jare umɨñee yawe, mbae uyeyapo warasɨ pe awɨye waerä jembipe irundɨ ora opa ara rupi. Jae nunga wi mbae uyeyapo yasɨ jare yasɨtata reta pe awɨye waerä jembipe irundɨ ora opa pɨ̈tu rupi.

Guaraní Pe (Western): Simba

¹² Jayave ĩru ángel umɨñee trompeta. Irundɨ ma umɨñee. Jare mbae uyeyapo guarasɨ pe agüɨye vaerã jembipe irundɨ ora rupi opa ara. Jae ramiño vi mbae uyeyapo yasɨ jare yasɨtata reta pe agüɨye vaerã jembipe irundɨ ora rupi opa pɨ̃tu.

Apocalipsis 8:12 Iomraidhean Croise

San Mateo 24:29

Jare Jesús jei wi chupe reta: “Jayawe opa ma uasa jokua ara reta täta rupi uiporara reta yawe, warasɨ jawoi pewa uñemɨpɨ̈tumimbita oï, jare yasɨ ndarau ma jembipe. Yasɨtata reta oata ara wi, jare opaete ara re oï wae reta uñemɨtɨmota,” jei.

San Mateo 27:45

Jayawe ara mbɨte wiwe uñemɨpɨ̈tumimbi mbapɨ ora rupi opaete jokua ɨwɨ rupi.

Marcos 13:24

Jare Jesús jei wi chupe reta: “Jayawe opa ma uasa jokua ara reta täta rupi uiporara reta yawe, warasɨ uñemɨpɨ̈tumimbita oï, jare yasɨ ndarau ma jembipe.

Marcos 15:33

Jayawe ara mbɨte wiwe uñemɨpɨ̈tumimbi mbapɨ ora rupi opaete jokua ɨwɨ rupi.

San Lucas 21:25

Jare Jesús jei wi chupe reta: “Jayawe uyekuaata oï mbaembae ambɨe ye ye wae warasɨ re, yasɨ re, jare yasɨtata reta re. Jare jokua uikuaakata oï ara reta jae ma oï opa waerä wae,” jei. “Jare kua ɨwɨ pe, mar jɨapueteta jare ɨaparoaroa tuichaeteta. Jáeramo ɨwɨ pewa reta ukɨyeta ñonoï jare uikuaata’ä mbae uyapo reta waerä,” jei.

Hechos 2:20

Warasɨ uñemɨpɨ̈tumimbita, jare yasɨ uyeyapota tuwɨ rami. Jaɨkue rupi uwäeta ara ikawiete ye wae – jae ko ara yandeYa pewa jei chupe reta wae. Jare jokua ara che aiporarakata aï opaete cherowaicho reta pe.

2 Corintios 4:4

Jae reta wɨrowia’ä, echa’ä pɨ̈tumimbi pe yureko reta rami. Echa’ä kua ɨwɨ iya – jae ko Añawasu – umɨpɨ̈tumimbi ma iyarakuaa awɨye waerä jae reta uikuaa kawi ñee ikawi wae Cristo rewa. Jokua jeko pewa jae reta uikuaa’ä kërái Cristo ikawiete ye ko jare jae ko Tumpa etei wae.

Apocalipsis 12:4

Jare juwai pe uipɨsɨ mbɨte seri yasɨtata reta omombo ɨwɨ kotɨ. Jare jae uyemboɨ kuña imembɨ oata wae jowai opa waerä tëi jou chuwi imembɨ oa yawe.

Apocalipsis 16:10

Joko wi ïru araɨwa upɨyere icopa. Kua re pandepo ma upɨyere. Jare jae upɨyere icopa bestia tenondewa iwapɨa re. Kua bestia ime tëi wɨreko mbaepuere opaete ɨwɨ re. Erëi araɨwa icopa upɨyere ma yawe, aramoiño opa uñemɨpɨ̈tumimbi opaete ɨwɨ rupi. Jare opaete bestia pe uyeyokui wae reta uiporaraete. Uñeküsuu tëi reta, echa’ä jasɨ chupe reta opa iyatiitii ñonoï reta ramo. Erëi jesewe jae reta ueya’ä ñeño ipɨayemɨngeta jeko kachi wae rewa. Jaeño ñee ikawi mbae wae jei reta Tumpa kotɨ.

Apocalipsis 6:12

Joko wi aecha Owecha kuimbae taurusu wae uipea ye tupapire imboyaka. Kua re uipea ma owa imboyaka. Jayawe ɨwɨ täta ukäta. Jare aecha warasɨ opa uñemɨpɨ̈tumimbi pëti tarapo jüasɨ wae rami, jare yasɨ opa uyeyapo pɨ̈ta tuwɨ rami.

Apocalipsis 9:15

Jayawe araɨwa oo oyora jokua irundɨ araɨwakue reta jae reta yuraa uyukaka waerä mbɨte seri ɨwɨ pewa reta. Kua araɨwakue reta, ɨma rupi Tumpa uyapɨkatu ma yepe oñono. Jare uäro yureko jokua año, jare jokua yasɨ, jare jokua ara, jare jokua ora etei.

Apocalipsis 9:18

Jare tata jare tatäti jare azufre kawayu reta iyuru wi oë wae opa uyuka mbɨte seri ɨwɨ pewa reta.