Apocalipsis 7:9 - Biblia

⁹ Kua jaɨkue rupi aecha jetaete ye ye opaete kerupi rupi yureko wae reta jare opa kërái raí ñee pe uyemɨngeta wae reta. Jae reta uyemboɨ ñonoï jokua mburuwicha wasu iwapɨa jowai jare Owecha kuimbae taurusu wae jowai. Mbaetɨ kiawe ipuere opa uipapa reta, echa’ä jetaete ye ramo. Jae reta jemimonde tïi, jare ipo pe onoi reta karandaɨ jokɨ.

Guaraní Pe (Western): Simba

⁹ Cua jaɨcue rupi aecha jeta ete vae opaete ɨvɨ ambɨembɨe ipɨte güi yugüeru vae reta. Mbaetɨ quía ipuere uipapa. Jae reta uyemboɨ ñugüɨnoi jocua guapɨa jare Ovecha-raɨ jovai. Jae reta jemimonde tĩ jare ipo pe güɨnoi carandaɨ joquɨ.

Apocalipsis 7:9 Iomraidhean Croise

Génesis 13:16

Tambɨjetaete niñemoñaa reta ɨwɨkuïti ɨwɨ pewa jeta ye ye wae rami. Mbaetɨta kía ipuere uipapa reta, echa’ä jetaeteta ko ramo.

Oseas 1:10

Tumpa jei: “Israel iñemoñaa reta ikota ɨwɨkuïti ɨ wasu jembeɨ rupi oï wae rami, echa’ä jetaeteta ko jare ndarau kiawe ipuereta uipapa reta. Tenonde yawe che jae chupe reta: ‘Pe reta chembae’ä ko,’ jaese chupe reta. Erëi opaete kerupi rupi jukuärái che jae wae rupi, pëti ara jaeta chupe reta: ‘Che ko jae peTumpa aikoño mái wae. Jare pe reta ko jae cheraɨ reta.’ Jukuärái jaeta chupe reta,” jei Tumpa.

San Lucas 12:1

Jayawe jetaete ye uyembatɨ Jesús oï wae pe, jare uñemɨaña ye reta. Erëi Jesús omboe tenonde jemimboe reta rani. Jayawe jei chupe reta umbɨjaanga rewe: “Piyandareko kawi piyé kuri fariseo reta ilevadura wi – jae ko kërái jae reta uyeyokui Tumpa pe añetete wae nunga,” jei chupe reta.

San Lucas 21:36

“Jare jekuaeño piyandareko piyé. Jare piyerure Tumpa pe pepuere waerä peoyepe opaete kua mbaembae uyeyapota oï wae wi. Jare piyerure chupe wi pepuere waerä piyemboɨ jokua ara pemara mbae rewe cherowai, che kuimbaerä ayeyapo wae.” Jukuärái Jesús jei jemimboe reta pe.

San Juan 12:13

Jayawe jae reta ueki karandaɨ jokɨ umbɨwawa reta waerä Jesús jenonde, jare yuraa owäiti reta. Jare jei reta usapɨkai pɨi rewe: “¡Tuyembutuichaka yandeRu Tumpa jee! ¡Tumpa tuyapo ikawiete wae kua ou oï Tumpa jee re wae pe! ¡Jae ko yande Israel pewa yaiko wae reta yanemburuwicha wasurä ikota wae!” jei reta.

Romanos 11:25

Jáeramo hermano mii reta, ime mbae ndei etei uyekuaa oï wae aipota pe judío mbae piko wae reta pikuaa kawi waerä. Jare kua che aipota pikuaa waerä awɨye waerä piyembɨkate. Yepe tëi añawe jeta judío reta ipɨatäta ñonoï Jesucristo kotɨ, erëi ndarau jukuäraiño upɨta reta. Tumpa uikuaa opaete judío mbae wae wɨrowiata oï jese wae reta, jare opa ma jae uipapa reta. Jare opaete jae reta wɨrowia ma yawe,

Efesios 6:13

Jáeramo piporu kawi opaete temimonde jare tembiporu ñeräro pewa echa rami wae Tumpa umee yandewe wae. Jukuärái yanderowaicho reta yuweru pekotɨ yawe, pepuere piyepɨtaso kawi chupe reta awɨye peramɨri waerä. Jare jukuärái piyepɨtaso kawita chupe reta ñeräro opa rewa.

Hebreos 11:12

Jáeramo yepe tëi Abraham indechi ma jare uñemoña rape’ä ma iko, erëi chuwi ou jetaete ye ye iñemoñaa reta. Kërái jeta ko yasɨtata reta ara re oï wae jare jeta ye ye ko ɨwɨkuïti ɨ wasu jembeɨ pe oï wae, jukuärái rami ko Abraham iñemoñaa reta.

Hebreos 12:22

Erëi pe reta peya ma ko ɨwɨtu wasu Sion jee wae re. Kua ɨwɨtu wasu kua ɨwɨ pewa’ä ko. Jae ko ara pewa. Joko pe ko oï Tumpa ikoño mái wae jëta wasu Jerusalén jee wae. Jare joko pe ñonoï wi jetaete ye araɨwa reta uyembatɨ ñonoï uyerowia rewe.

Apocalipsis 11:15

Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.

Apocalipsis 22:3

Jare joko pe ndarau ye ma ime yepɨpeyu. Jare Tumpa jare Owecha kuimbae taurusu wae iwapɨa oïta joko pe. Jare uyeyokui chupe wae reta umbutuichata jae jee.

Apocalipsis 3:18

‘Jáeramo añawe che pumbɨarakuaa aï piyapo waerä kuärái: Peyu chekotɨ pewa chewi waerä oro uwerasɨ wae rami. Echa’ä jukuärái pikokatuta chekotɨ. Jae nunga wi pewa chewi temimonde tïi wae pemonde waerä, awɨye waerä pemara penani peï ramo. Jae ramiño wi pewa chewi moa piñono waerä peresa pe pepuere waerä pemae kawi chekotɨ.

Apocalipsis 4:4

Jare aecha jokua mburuwicha iwapɨa iyɨpɨ rupi ïru veinticuatro wapɨa reta uyere etei iko jese wae. Jare joko pe uwapɨ ñonoï veinticuatro mburuwicha reta. Jae reta omonde ñonoï temimonde tïi wae, jare iñäka re onoi reta corona oro pewa.

Apocalipsis 5:11

Jayawe amae ye, jare ayandu jeta araɨwa reta iñee. Jare aecha jetaete ye ye araɨwa reta ñonoï. Jae reta ñonoï jokua mburuwicha iwapɨa jare irundɨ tekowe onoi wae reta jare mburuwicha reta iyɨke rupi.

Apocalipsis 5:9

Jare jae reta ukäta Owecha kuimbae taurusu wae jowai pëti käta ipɨau wae kuärái: “Ndeñoete ko jupi nenoi waerä jokua tupapire jare ndipea waerä imboyaka reta. Echa’ä ndeyuka reta, jare nderuwɨ uyepɨyere wae rupi ndewa pɨau ye ma jeta wae reta Tumpa pewarä. Jae reta ko jae opaete ambɨembɨe ɨwɨ pewa reta kiape kiape ñonoï wae rupi jare opa kërái rái ñee pe uyemɨngeta wae reta.

Apocalipsis 6:11

Jare uñemee chupe reta temimonde tïi wae, jare ayandu pëti ñee jei chupe reta: “Peäro mii rani michi pewa pepɨawasu rewe. Echa’ä uyukata reta rani ko ïru wae reta Tumpa pe uyeyokui wae – jae reta ko pehermano reta Tumpa jee re. Jare jae reta imeta ko umano towaicho reta ipo pe kërái pe reta pemano rami,” jei chupe reta.

Apocalipsis 7:8

Zabulón iñemoñaa reta wi umɨseñara 12.000. José iñemoñaa reta wi umɨseñara 12.000. Jare Benjamín iñemoñaa reta wi umɨseñara 12.000.