Apocalipsis 7:2 - Biblia

² Kua araɨwa reta pe uñemee ma mbaepuere urükumewa waerä ɨwɨ jare mar. Jare aecha ïru araɨwa uyupi oo oï ara kotɨ warasɨ oë wae kotɨ wi. Jare aecha ipo pe wɨraa pëti marka – jokua ko jae Tumpa ikoño mái wae imarka. Jokua pɨpe araɨwa umɨseñarata iko Tumpa uiparawo wae reta.

Guaraní Pe (Western): Simba

^2-3 Jare aecha ĩru ángel ou guarasɨ oẽ vae cotɨ güi, jare jocua ángel güeru Tumpa imeño mai ico vae imarca. Jayave ángel iñeeãta reve jei jocua irundɨ ángel reta pe: —Agüɨye perucumegua ɨvɨ reta jare ɨ guasu reta jare ɨvɨra reta, ndei ñaneTumpa jembiocui reta isɨva numɨmarca mbove. Echa'ã jocua irundɨ ángel pe uñemee ma mbaepuere urucumegua vaerã ɨvɨ reta jare ɨ guasu reta.

Apocalipsis 7:2 Iomraidhean Croise

San Mateo 16:16

Jayawe Simón Pedro jei chupe: “Nde ko jae Cristo ndoe chupe wae. Nde ko jae Tumpa ikoño mái wae Taɨ,” jei chupe.

San Mateo 26:63

Erëi Jesús kïiño. Jayawe sacerdote tenondewaete jei chupe: “Emɨmbeu orewe Tumpa ikoño mái wae jowake, ¿nde pa ko jae Cristo yae chupe wae? ¿Nde pa ko jae Tumpa Taɨ?” jei chupe.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

2 Corintios 1:22

Jare Tumpa oñono ma Espíritu Santo yandepɨa pe uikuaaka waerä yandewe jae imbae ma ko yande reta. Tumpa umbɨtenonde ma yandewe Espíritu Santo opaete mbaembae ikawi wae jae umeeta oï yandewe wae wi. Jare jukuärái yaikuaa añetete ko pëti ara Tumpa umeeta oï yandewe opaetei jokua mbaembae.

Efesios 1:13

Erëi oremaeräño’ä ko kua mbae ikawi wae. Echa’ä añawe pemaerä wi ko, pe judío mbae piko wae reta. Echa’ä pe reta piyandu yawe ñee añetete wae Cristo rewa jare perowia jese yawe, Tumpa peapo jae imaerä. Jare umee wi pewe Espíritu Santo kërái jae jei arakae wiwe umeeta iko jese wɨrowia wae reta pe wae. Jukuärái Tumpa umee yandewe Espíritu Santo uikuaaka waerä yandewe Tumpa pewa ma ko yande wae jaeño mái pewa.

Efesios 4:30

Awɨye pembɨpɨatɨtɨ Espíritu Santo Tumpa umee pewe wae. Echa’ä Tumpa umee yandewe Espíritu Santo uikuaaka waerä yandewe jae umbɨepɨ ma ko yande yaiko waerä jae imaerä jaeño mái pewa. Jare Espíritu Santo ñanoi ramo, uikuaaka wi yandewe kërái ara taɨkuewa pe Tumpa opata yanderepɨ oï opaete mbae ikawi mbae wae wi.

1 Tesalonicenses 1:9

Añawe ipotawe kerupi ndoo wae rupi imiäri reta orewe kërái mbae piyapo wae ore nduiko yawe pepɨ. Echa’ä imiäri reta orewe kërái pe reta piyerowa ma Tumpa ikoño mái wae jare añetete wae kotɨ tumparaanga reta wi.

2 Timoteo 2:19

Erëi yepe tëi ime amokue wae reta opia ma Tumpa iñee añetete wae wi, erëi jesewe yemboe añetete wae Tumpa wi ou wae imeño ipɨrätaete jare uyepepɨka’ä etei. Jae ko pëti tëta iwapɨka ikawiete wae ita pewa rami. Jare kua yemboe iyɨpɨ ko kuärái: “Tumpa uikuaa kawi oï opaete kía jae imaerä iko wae reta,” jare, “Ipotawe kía jei, ‘Jesucristo ko jae cheYa,’ jei wae, tusɨrɨ ikawi mbae wae wi.” Jukuärái ko kua yemboe iyɨpɨ.

Hebreos 12:22

Erëi pe reta peya ma ko ɨwɨtu wasu Sion jee wae re. Kua ɨwɨtu wasu kua ɨwɨ pewa’ä ko. Jae ko ara pewa. Joko pe ko oï Tumpa ikoño mái wae jëta wasu Jerusalén jee wae. Jare joko pe ñonoï wi jetaete ye araɨwa reta uyembatɨ ñonoï uyerowia rewe.

Apocalipsis 1:3

Kua ñee umɨngeta wae reta uyekouete ñonoï. Jare jukuärái wi kua ñee re uyapɨsaka wae reta. Echa’ä uyaro ma oï kua aikuaaka aï pewe wae uyeyapo waerä.

Apocalipsis 10:1

Jare che aecha ïru araɨwa ipɨrätaete wae uweyɨ ou ara wi. Jae uñeñowa oï amapɨ̈tu pe, jare iñäka re oï yɨɨ. Jare jowa jembipete warasɨ rami. Jare ipɨta wiwe iu rewa tata jendɨ oï wae echa chewe.

Apocalipsis 10:4

Jare chiu wese ma ara jɨapu yawe, che aikuatiata ma aiko tëi kua ayandu wae. Erëi ara wi ayandu jei chewe: “Awɨye ikuatía jokua chiu wese ara jɨapu uyendu ndewe wae. Ndeeño ko ndikuaata,” jei.

Apocalipsis 16:12

Joko wi ïru araɨwa upɨyere icopa. Kua re owa ma upɨyere. Jare jae upɨyere icopa ɨ wasu tuichaete Éufrates jee wae re. Jare upɨyere ma yawe, jokua ɨ wasu opa utini. Kua uyeyapo mburuwicha wasu warasɨ oë wae kotɨwa reta pewarä ipuere waerä jae reta ɨmambae uasa isɨndaro reta ndiwe jowaicho kotɨ.

Apocalipsis 5:2

Jare aecha pëti araɨwa ipɨräta wae täta uyemɨngeta rewe jei: “¿Kía pa jupi uipea waerä tupapire jare chiu imboyaka?” jei.

Apocalipsis 8:3

Jare ou ïru araɨwa uyemboɨ Tumpa iwapɨa jowai, mbaerenda mbae utimbo kawi wae uyeapɨ jese wae iyɨpɨ pe. Jokua mbaerenda oro pewa ko. Jare araɨwa onoi ipo pe pëti jɨru oro pewa mbae utimbo kawi wae uapɨ pɨpe wae. Jare uñemee chupe jeta mbae utimbo kawi wae uapɨ waerä mbaerenda re Tumpa jowai. Jare jae uapɨ yawe, jatäti uyeupi päwe Cristo re wɨrowia wae reta iyerure ndiwe Tumpa jowai.

Apocalipsis 9:14

Jare jokua ñee jei araɨwa jemimbɨ wasu umɨñee ramo wae pe kuärái: “Iyora jokua irundɨ araɨwakue reta uñeñapɨ̈ti ñonoï ɨ wasu Éufrates jembeɨ pe wae,” jei chupe.

Apocalipsis 9:4

Jare Tumpa jei tuku reta pe awɨye urükumewa waerä opaete temitɨ jokɨ reta ɨwɨ pe oï wae jare ɨwɨra reta. Jaeño ipuere umbɨpere reta jokua mbaetɨ Tumpa imarka jesɨwa re onoi wae reta.