Apocalipsis 7:16 - Biblia

¹⁶ Jáeramo ndarau ye ma jae reta iyembaɨ jare iɨwe. Jare ndarau ye ma warasɨ jasɨ chupe reta jare araku wi.

Guaraní Pe (Western): Simba

¹⁶ Ndarau ye iyembaɨ reta. Ndarau ye iúe reta. Ndarau ye jasɨ chupe reta guarasɨ.

Apocalipsis 7:16 Iomraidhean Croise

San Mateo 13:21

“Erëi Tumpa iñee uyembɨjapo kawi’ä ipɨa pe ramo, ɨmambae ikueri. Yembɨawái ou chupe yawe, jare ïru wae reta uyapo ikawi mbae wae chupe yawe Tumpa iñee re wɨrowia jeko pewa, jayawe jupiwoiño opia Tumpa jape wi,” jei chupe reta.

San Mateo 13:6

Erëi jaɨkue rupi warasɨ jasɨ yawe, opa ipiru japo kɨpe’ä iko ramo,” jei.

San Mateo 5:6

Jare uyekoueteta ñonoï wi opaete kía kía uipotaete iko Tumpa jowai jeko mbae wae reta. Echa’ä Tumpa umeeta chupe reta mbaepuere jukuärái yureko reta waerä.

Marcos 4:17

“Erëi Tumpa iñee uyembɨjapo kawi’ä ipɨa pe ramo, ɨmambae ikueri reta. Yembɨawái ou chupe reta yawe, jare ïru wae reta uyapo ikawi mbae wae chupe reta yawe Tumpa iñee re wɨrowia jeko pewa, jayawe jupiwoiño opia reta Tumpa jape wi,” jei chupe reta.

Marcos 4:6

Erëi jaɨkue rupi warasɨ jasɨ yawe, opa ipiru japo kɨpe’ä iko ramo,” jei.

San Lucas 1:53

Jae umɨngapɨɨ iyembaɨ wae reta tembiu ikawi wae pe. Erëi omondo ye ikokatu wae reta jukuärái etei.

San Lucas 6:21

Jare pe añawe rupi piyembaɨ peï wae reta, piyekoueteta peï kuri. Echa’ä peangapɨɨta peï kuri. Jare pe añawe rupi piyao peï wae reta, piyekoueteta peï kuri. Echa’ä pepukata peï kuri.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

Santiago 1:11

Warasɨ jasɨ oï yawe jare jakuwo oï yawe, opa ñana ipiru jare mbaepotɨ reta opa usururu. Maepöra’ä etei ma. Jukuärái wi ikokatu wae reta uyembɨikokatu oï rewe ukañɨ oo ñonoï.

Apocalipsis 21:4

“Jare Tumpa oyoeta opaete jae reta jesaɨ. Ndarau ye ma kía umano, jare ipɨatɨtɨ, jare uyao. Jare ndarau ye ma jasɨ kía pe mbae. Echa’ä añawe opa ma mbaembae ipɨau. Jare ndarau ye ma uyekuaa tenonde mbaembae ime iko wae reta,” jei.