Apocalipsis 7:13 - Biblia

¹³ Jayawe pëti wae jokua mburuwicha upɨrandu chewe: “¿Ndikuaa pa kua jemimonde tïi wae reta jare ketɨ wi ra yuweru?” jei.

Guaraní Pe (Western): Simba

¹³ Jayave penti jocua tenondegua vae upɨrandu cheve: —¿Quía reta pa co cua jemimonde tĩ vae reta? ¿Quetɨ güi pa yugüeru? —jei.

Apocalipsis 7:13 Iomraidhean Croise

Génesis 16:8

Jare jae upɨrandu Agar pe: “Agar, Sarai pe ndiyeyokui wae, ¿kiawi pa ndeyu neï, jare ketɨ pa ndeo neï?” jei chupe. Jare Agar jei chupe: “Asi aï cheya Sarai wi,” jei.

San Juan 7:28

Jesús imeño oporomboe iko tupao wasu joka pe. Jayawe jei usapɨkai rewe: “Añetete pe reta chekuaa ko, jare pikuaa tëi wi kía pewa ko che wae. Jare perowia tëi wi che ayu ko aipota ramoño. Erëi jukuärai’ä ko. Tumpa añetete wae, jae ko chembou. Erëi pe reta pikuaa’ä jae.

Hechos 3:12

Jare Pedro uecha reta yawe, omoë iñee chupe reta jei rewe: “Pe cherëtara Israel pewa reta, ¿maera pa pepɨakañɨ kua pecha wae re? ¿Maera pa täta pemae peï oreré?” jei. “Pepɨa pe piyemɨngeta ko aipo peï ore etei numbɨwataka kua kuimbae orembaepuere rupii, ani aramoi Tumpa pe nduyeyokui kawiñoi ramo. Erëi jukuärai’ä etei ko,” jei.

Apocalipsis 3:4

‘Ime pepɨte pe jokua tëta wasu Sardis pe mbowɨ uñererükumewa’ä teko kachi pe wae reta. Jae reta uñemɨïruta che ndiwe jemimonde tïi wae ndiwe, echa’ä jae reta jupi wae ko cherowai.

Apocalipsis 4:10

jokua veinticuatro mburuwicha reta uñeñono ɨwɨ re uipɨu rewe wapɨa pe uwapɨ oï wae jowai umbutuicha reta waerä jae jee – jae ko ikoño mái wae jee. Jare oñono reta icorona jokua wapɨa jowai jei rewe:

Apocalipsis 4:4

Jare aecha jokua mburuwicha iwapɨa iyɨpɨ rupi ïru veinticuatro wapɨa reta uyere etei iko jese wae. Jare joko pe uwapɨ ñonoï veinticuatro mburuwicha reta. Jae reta omonde ñonoï temimonde tïi wae, jare iñäka re onoi reta corona oro pewa.

Apocalipsis 5:11

Jayawe amae ye, jare ayandu jeta araɨwa reta iñee. Jare aecha jetaete ye ye araɨwa reta ñonoï. Jae reta ñonoï jokua mburuwicha iwapɨa jare irundɨ tekowe onoi wae reta jare mburuwicha reta iyɨke rupi.

Apocalipsis 5:5

Jayawe jokua mburuwicha reta wi pëti wae jei chewe: “Awɨye iyao. Mase, Judá iñemoñaa pewa reta ipɨte wi, Yawapɨ̈ta Wasu jei chupe reta wae, upurumɨamɨri wae ko. Jáeramo jae ipuere uipea jokua tupapire jare chiu imboyaka. Jae ko David iñemoñaa pewa mburuwicha wasurä ikota wae,” jei.

Apocalipsis 7:9

Kua jaɨkue rupi aecha jetaete ye ye opaete kerupi rupi yureko wae reta jare opa kërái raí ñee pe uyemɨngeta wae reta. Jae reta uyemboɨ ñonoï jokua mburuwicha wasu iwapɨa jowai jare Owecha kuimbae taurusu wae jowai. Mbaetɨ kiawe ipuere opa uipapa reta, echa’ä jetaete ye ramo. Jae reta jemimonde tïi, jare ipo pe onoi reta karandaɨ jokɨ.