Apocalipsis 7:12 - Biblia

¹² Jare jei reta: “¡Jukuärái tuiko! Nde oreTumpa, numee yasurupái tuicha ndewe. Ndeñoete nenoi opaete arakuaa, mɨräta, jare mbaepuere. Jupi ko opaete wae uipɨu waerä ndewi jare umbutuicha reta waerä nderee jaeño mái pewa. ¡Jukuärái tuiko!” jei reta.

Guaraní Pe (Western): Simba

¹² Jae reta jei: —Amén. Ñamee yasurupai tuicha ñaneTumpa pe. Jae co iyaracuaa catu vae. Jae co opaete mbaepuere güɨnoi vae. Tuyembɨadoraca jaeño mai pegua. Amén —jei reta.

Apocalipsis 7:12 Iomraidhean Croise

San Mateo 6:13

Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi. Nde nenoi opaete mbaepuere, jare nde ndikota wi oremburuwicha wasurä, jare opaete wae umbutuichata nderee jaeño mái pewa. Jukuärái tuiko.’ Jukuäraita ko pe reta piyerure,” jei Jesús chupe reta.

Romanos 11:36

Echa’ä yandeYa ko jae opaete mbaembae iYa. Jae ipo wiño ko ou opaete mbaembae, jare jae rupi opaete mbaembae ñonoï. Jare opaete mbaembae ime oï wae reta jae uyapo jae imaerä. ¡Tuyembutuichaka yandeYa jee jaeño mái pewa! Jukuärái tuiko.

1 Corintios 14:16

Jare jukuärái pe reta piyapo mii wi. Echa’ä jukuärai’ä piyapo yawe, yepe tëi aramoi pemee peï yasurupái Tumpa pe Espíritu Santo rupi, erëi ïru piñee uikuaa mbae wae reta ndarau ipuere jei jokua re, “Jukuärái tuiko.” Echa’ä jae reta uikuaata’ä mbae ra piyemɨngeta peï wae.

2 Corintios 4:15

Jukuärái ko opaete kua mbaembae reta ore nduiporara noï wae ikawita oï pemaerä. Ore nduipotaete jekuaeño jeta wae reta uikuaa waerä Tumpa ipɨakawi. Echa’ä jukuärái yawe, jeta wae reta umeeta yasurupái Tumpa pe, jare Tumpa jee uyembutuichakata oï.

Colosenses 2:7

Piñemɨmɨräta Cristo re piko waerä pëti temitɨ kɨpe japo oï wae rami jare pëti tëta ikawi iwapɨka wae rami. Jare piñemɨatangätu perowia kawi waerä mbaembae añetete wae re, echa’ä jukuärái piyemboe ma piyapo waerä. Jare jekuaeñota ko pemee yasurupái Tumpa pe.

Colosenses 3:17

Jare opaete mbaembae piyapo wae jare pere wae, piyapo yandeYa Jesús jee re. Jare jukuärái piyapota pemee rewe yasurupái Tumpa pe jare pemandúa rewe opaete mbaembae Cristo uyapo pewe wae re.

Judas 1:25

Jaeño ko jae Tumpa. Jaeño ko yanderepɨ ma yandeYa Jesucristo rupi. Jaeño tonoi mbaepuere, mɨräta, jare yembɨadora añawe jare jaeño mái pewa. Jukuärái tuiko.

Apocalipsis 1:18

“Che ko jae ikoño mái wae. Amano, erëi mase, añawe aiko jaeño mái pewa. Jare che ime anoi mbaepuere mano re jare umanokue wae reta jenda re wi,” jei.

Apocalipsis 19:4

Jayawe jokua veinticuatro mburuwicha reta jare jokua irundɨ mbae tekowe onoi wae reta uñeñono ɨwɨ re Tumpa iwapɨa jowai jare jae jee umbutuicha reta. Jare jei reta: “¡Jukuärái tuiko! ¡Opaete wae tumbutuicha Tumpa jee!” jei reta.