Apocalipsis 7:11 - Biblia

¹¹ Jare opaete araɨwa reta uyemboɨ ñonoï jokua mburuwicha wasu iwapɨa jare jokua mburuwicha reta jare jokua irundɨ mbae tekowe onoi wae reta iyɨpɨ rupi. Jayawe jae reta uñeñono ɨwɨ re uñemɨmichi rewe mburuwicha wasu iwapɨa jowai jare umbutuicha reta Tumpa jee.

Guaraní Pe (Western): Simba

¹¹ Jare opaete ángel reta uyemboɨ ñugüɨnoi jocua guapɨa jare jocua tenondegua reta jare jocua irundɨ mbaembae icove vae reta iyɨpɨ rupi. Jayave jae reta uyeatɨca guapɨa jovai jare umbɨadora Tumpa.

Apocalipsis 7:11 Iomraidhean Croise

San Mateo 4:10

Jayawe Jesús jei chupe: “Esɨrɨ chewi, Satanás. Echa’ä Tumpa iñeerɨru pe uyekuatía oï kuärái: ‘Tumpa jeeño ko pembutuichata, jare chupeño ko piyeyokuita.’ Jukuärái uyekuatía oï,” jei chupe.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

Hebreos 1:6

Taɨ ko jae opaete mbaembae iYa. Jare Tumpa ombou yawe kua ɨwɨ pe, jei: “Opaete araɨwa reta chewe uyeyokui wae tumbutuicha kua cheRaɨ jee,” jei.

Apocalipsis 11:16

Jayawe aecha jokua veinticuatro mburuwicha reta uwapɨ ñonoï iwapɨa pe Tumpa jowai. Jare kua reta uñeñono ɨwɨ re umbutuicha waerä jae jee.

Apocalipsis 15:4

Opaete wae uipɨueteta ndewi, oreYa, jare umbutuichata ñonoï nderee. Echa’ä ndeeño ko jae jupi wae. Opaete ɨwɨ pewa reta yuweruta umbutuicha waerä nderee. Echa’ä uyekuaa ma mbaembae ndiyapo wae jupi ko.” Jukuärái ukäta reta.

Apocalipsis 22:9

Erëi jae jei chewe: “¡Awɨye iyapo!” jei. “Che ayeyokui Tumpa pe nde rami, jare ndehermano Tumpa iñee umɨmbeu wae reta rami, jare kua tupapire pe uyekuatía oï wae uipɨsɨ iyupe wae reta rami. Tumpa jeeño embutuicha,” jei chewe araɨwa.

Apocalipsis 4:10

jokua veinticuatro mburuwicha reta uñeñono ɨwɨ re uipɨu rewe wapɨa pe uwapɨ oï wae jowai umbutuicha reta waerä jae jee – jae ko ikoño mái wae jee. Jare oñono reta icorona jokua wapɨa jowai jei rewe:

Apocalipsis 4:4

Jare aecha jokua mburuwicha iwapɨa iyɨpɨ rupi ïru veinticuatro wapɨa reta uyere etei iko jese wae. Jare joko pe uwapɨ ñonoï veinticuatro mburuwicha reta. Jae reta omonde ñonoï temimonde tïi wae, jare iñäka re onoi reta corona oro pewa.

Apocalipsis 4:6

Jare aecha wi jokua wapɨa jowai pëti ɨpa wasu echa. Jare jokua jesäkasɨ vidrio rami. Jare jokua mburuwicha iwapɨa iyɨpɨ rupi etei aecha irundɨ mbae tekowe onoi wae reta. Jae reta jete rupi onoi jeta jesa reta jenonde kotɨ jare jaɨkue kotɨ.

Apocalipsis 4:8

Jare pëti pëti jokua irundɨ mbae tekowe onoi wae reta ime onoi owa ipepo reta. Jare opaete jete rupi ime onoi jeta jesa reta. Jae reta ara rupi jare pɨ̈tu rupi jekuaeño jei reta ikueri mbae rewe: “Jupi, jupi, jupi wae ko jae Tumpa ikoño mái wae jare opaete mbaepuere onoi wae. Jae ko iyɨpɨ wiwe ikoño mái wae, jare jekuaeño oï wae, jare jaeño mái pewa ikota wae.”