Apocalipsis 7:10 - Biblia

¹⁰ Jare usapɨkai rewe jei reta: “¡Yanderepɨ ma kua yandeTumpa uwapɨ oï iwapɨa mburuwicha wasu pewa pe wae jare Owecha kuimbae taurusu wae!” jei reta.

Guaraní Pe (Western): Simba

¹⁰ Jare iñeeãta reve jei reta: —ÑaneTumpa guapɨa pe uguapɨ vae upurumbɨasa vae co. Ovecha-raɨ vi upurumbɨasa vae co —jei reta.

Apocalipsis 7:10 Iomraidhean Croise

Isaías 43:11

Che ko jae Tumpa, jare mbaetɨ ye ambɨe Upuruepɨ wae. Jaeño ko che,” jei Tumpa.

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Lucas 3:6

Jare joko wi opaete wae uechata kërái Tumpa Upuruepɨ wae ko,’ jeita chupe reta.” Jukuärái uikuatía Isaías Juan rewa.

San Juan 1:29

Pɨarewe pe Juan uecha Jesús ou oï ikotɨ, jare jei joko pe ñonoï wae reta pe: “Mase, pee oï Tumpa ombou wae,” jei. “Jae ko pëti owecha kuimbae yaraa yayuka ñamee Tumpa pe wae rami. Echa’ä Tumpa ombou umano waerä yanderé, jae rupi umbái waerä teko ñanoi Tumpa kotɨ wae. Jae ko opaete ɨwɨ pewa reta pewarä tëi,” jei.

San Juan 1:36

Jayawe Jesús uasa jokoropi ou. Jare Juan umae ngatu jese jare jei ye: “Mase, pea kuimbae Tumpa ombou umano waerä yanderé pëti owecha yayuka ñamee Tumpa pe wae rami,” jei chupe reta.

San Juan 4:22

“Pe Samaria pewa piko wae reta pembutuicha tëi Tumpa jee, erëitu pikuaa’ä kërái ko jae wae. Erëi ore judiorä nduiko wae reta numbutuicha Tumpa jee nduikuaa rewe. Echa’ä ore rupi Tumpa uikuaaka oï tekowe opa mbae wae rewa,” jei.

Efesios 2:8

Echa’ä Cristo re yarowia wae rupi Tumpa yanderepɨ mbaembae yayawɨ ikotɨ wae wi. Jare jukuärái uyapo yandewe yambɨepɨ mbae rewe ipɨakawi ramo. Yande yamɨngana wae rupi’ä ko Tumpa yanderepɨ.

Apocalipsis 12:10

Jayawe ara pe ayandu ñee usapɨkai rewe jei: “Añawe uwäe ma ara yandeTumpa opa uepɨ waerä jese wɨrowia wae reta, jare uyekuaa waerä imbaepuere tuicha wae. Echa’ä añawe jae uyeyapo ma opaete wae imburuwicha wasurä jaeño mái pewa. Añawe wiwe Cristo onoita opaete mbaepuere. Echa’ä Tumpa omomboka ma Añawasu ara wi. Jare Añawasu ndarau ye ma uyemboɨ Tumpa jowai umbɨjeko waerä yandehermano reta. Echa’ä jukuärái jae uyapose opa ara rupi jare opa pɨ̈tu rupi, erëi añawe ndarau ye ma uyapo chupe reta jukuärái.

Apocalipsis 19:1

Kua jaɨkue rupi ayandu ara pe ñee täta uyendu wae. Jetaete ye ye wae reta usapɨkai ñonoï jare jei ñonoï pëti ñee waeño kuärái: “YandeTumpa ko jae yandeRepɨ wae. Jare jae ime onoi opaete wae re mbaepuere. ¡Opaete wae tumbutuicha Tumpa jee jare tuipɨu chuwi!

Apocalipsis 21:5

Jare jokua wapɨa pe uwapɨ oï wae jei: “Mase, ayapo pɨau ye aï opaetei mbaembae reta,” jei. Jare jei wi chewe: “Ikuatía kua chiñee, echa’ä kua añetete ko jare opaete wae ipuere wɨrowia katu jese,” jei chewe.

Apocalipsis 22:3

Jare joko pe ndarau ye ma ime yepɨpeyu. Jare Tumpa jare Owecha kuimbae taurusu wae iwapɨa oïta joko pe. Jare uyeyokui chupe wae reta umbutuichata jae jee.

Apocalipsis 4:6

Jare aecha wi jokua wapɨa jowai pëti ɨpa wasu echa. Jare jokua jesäkasɨ vidrio rami. Jare jokua mburuwicha iwapɨa iyɨpɨ rupi etei aecha irundɨ mbae tekowe onoi wae reta. Jae reta jete rupi onoi jeta jesa reta jenonde kotɨ jare jaɨkue kotɨ.

Apocalipsis 5:7

Jayawe Owecha kuimbae taurusu wae oo uipɨsɨ tupapire jokua wapɨa pe uwapɨ oï wae iyakata kotɨ uipɨsɨ oï wae.