Apocalipsis 6:9 - Biblia

⁹ Joko wi Owecha kuimbae taurusu wae uipea ye tupapire imboyaka. Kua re uipea ma pandepo imboyaka. Jayawe che aecha ara pe pëti mbaerenda. Jare jokua mbaerenda íɨwɨ pe aecha jeta umano wae reta iä. Jae reta uyeyukaka Tumpa iñee umɨmbeu ramo jare jupi yureko Tumpa re ramo.

Guaraní Pe (Western): Simba

⁹ Jare Ovecha-raɨ uipea ĩru libro iyemboyaa. Uyepea ma pandepo. Jayave aecha uñemeearenda igüɨ pe Tumpa iñee jeco pegua uyeyucaca vae reta. Echa'ã jae reta uyeyucaca, umɨmbeu Tumpa iñee ĩru vae reta pe ramo.

Apocalipsis 6:9 Iomraidhean Croise

Génesis 4:10

Jare Tumpa jei chupe: “¿Mbae pa ndiyapo?” jei. “Aecha ndiyuka nderɨwɨ. Jare jae juwɨ ɨwɨ pe oï wae usapɨkai echa oï chewe aiporaraka waerä ndewe nderɨwɨ ndiyuka ramo,” jei.

San Juan 16:2

Echa’ä cheré wɨrowia mbae wae reta pemombota perenoi petupao reta wi. Jare wi uwäeta ara pemano waerä jae reta ipo pe. Jare jae reta wɨrowiata tëi Tumpa pe ko uyeyokui ñonoï peyuka yawe,” jei chupe reta.

Filipenses 2:17

Añawe yepe tëi piporara peï Cristo re perowia jeko pewa, erëi jeräkua chewe piyeyokuiñoi chupe piyerowia rewe. Jare che ayerowiata aï wi pe reta ndiwe kua aiporara aï wae rupi, yepe tëi cherekowe opata ma oï aramoi.

2 Timoteo 1:8

Jáeramo awɨye nemara nemɨmbeu waerä yandeYa Jesucristo rewa. Jare awɨye wi nemara chewi che aï kua peresorɨru pe wae re. Echa’ä yandeYa pe ayeyokui ramo, aï kua pe. Nde ndikuaa kawi neï yamɨmbeu yawe ñee ikawi wae Jesucristo rewa, yaiporara ñotái ko. Erëi nde, iyapo che ayapo wae rami. Jekuaeño emɨmbeu jokua ñee. Jare yepe tëi ndiporarata neï, erëi Tumpa umee yandewe mbaepuere ñamɨawäta waerä.

2 Timoteo 4:6

Che jae ndewe jukuärái, echa’ä aikuaa aï koiño ma oï ara amee waerä cherekowe Tumpa pe. Echa’ä amanota ma aï.

Hebreos 12:23

Jare joko pe uyembatɨ ñonoï wi Tumpa ueni ma taɨ tenondewa wae reta opaetei – jae ko opaete jee uyekuatía oï ara pe wae reta, jare jae ko opaete jupi yureko wae reta opa umano wae iäkue. Añawe Tumpa opa ma umbujupiete reta. Jare joko pe oï wi Tumpa etei – jae ko opaete yande reta yayemboɨta ñaï jae jowai wae.

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 14:18

Jare ou wi ïru araɨwa mbaerenda mbae utimbo kawi wae uyeapɨ jese wae wi. Jae uyandareko tata mbaerenda re oï wae re. Jare jae usapɨkai rewe jei araɨwa josa jaimbe wae onoi wae pe: “Ekua opaete ɨwɨ rupi iyasɨa jare embatɨ opaete uva ía jokua ndejosa jaimbe wae pɨpe. Echa’ä yawɨye ma oï,” jei.

Apocalipsis 16:7

Jayawe ayandu ïru ñee oë mbaerenda mbae utimbo kawi wae uyeapɨ jese wae wi. Jare jei kuärái: “Añetete jukuärái ko, oreYa Tumpa. ¡Nde nembaepuerete ye wae ko! Nde ndepurumbɨjeko jupi wae rupi jare ndiporaraka añetete wae rupi,” jei.

Apocalipsis 19:10

Jayawe che añeñono ɨwɨ re araɨwa jowai ambutuicha waerä tëi. Erëi jae jei chewe: “¡Awɨye iyapo!” jei. “Che ayeyokui Tumpa pe nde jare ndehermano reta rami. Kërái pe reta pemɨmbeu jupi Jesús rewa, jukuäraiño wi ko che,” jei. “Tumpa jeeño embutuicha. Echa’ä jae ko umee yandewe ñee Jesús rewa yamɨmbeu waerä,” jei araɨwa chewe.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.

Apocalipsis 20:4

Jare aecha wi jeta mburuwicha reta iwapɨa jare joko pe uwapɨ ñonoï wae reta. Tumpa umee chupe reta mbaepuere mburuwicha wasurä yureko waerä. Jare aecha wi jeta umanokue wae reta joko pe ñonoï. Jae reta umɨmbeu kawise Tumpa iñee jare Cristo rewa. Jare umbutuicha’ä reta jokua bestia jee re jare umbɨadora’ä reta jae jaanga re. Jare mbaetɨ onoi reta wi bestia imarka jesɨwa re jare ipo re. Jáeramo bestia uyayuasɨaka reta kɨsepuku pe. Erëi Tumpa umbɨjekowe ye ueru reta umanokue wae reta ipɨte wi. Jare jae reta onoita mbaepuere Cristo ndiwe miri año pewa. Jae reta rani ko jae Tumpa umbɨjekowe ye wae. Erëitu ïru umanokue wae reta ikowe yeta’ä jokua miri año uasa rewa.

Apocalipsis 8:3

Jare ou ïru araɨwa uyemboɨ Tumpa iwapɨa jowai, mbaerenda mbae utimbo kawi wae uyeapɨ jese wae iyɨpɨ pe. Jokua mbaerenda oro pewa ko. Jare araɨwa onoi ipo pe pëti jɨru oro pewa mbae utimbo kawi wae uapɨ pɨpe wae. Jare uñemee chupe jeta mbae utimbo kawi wae uapɨ waerä mbaerenda re Tumpa jowai. Jare jae uapɨ yawe, jatäti uyeupi päwe Cristo re wɨrowia wae reta iyerure ndiwe Tumpa jowai.

Apocalipsis 9:13

Jayawe ïru araɨwa umɨñee jemimbɨ wasu. Kua re owa ma umɨñee. Jare umɨñee yawe, ayandu ñee oë jokua mbaerenda oro pewa Tumpa jowai oï wae wi. Jokua mbaerenda onoi irundɨ jäti, jare jokua ñee uyendu jäti reta ipɨte wi.