Apocalipsis 6:4 - Biblia

⁴ Jare aecha ou pëti kawayu pɨ̈tasɨ wae. Jare opo jese wae pe uñemee mbaepuere umɨñeräroka waerä ɨwɨ pewa reta uyeyuka waerä jae yepái. Jukuärái ndarau yureko reta ipɨawiwe rewe ɨwɨ pe. Jare uñemee wi chupe pëti kɨsepukuete wae.

Guaraní Pe (Western): Simba

⁴ Jare aecha oo ĩru cavayu. Ẽrei cua cavayu pɨ̃ta vae. Jare opo cavayu re vae pe uñemee mbaepuere umɨñerãro vaerã ɨvɨ pegua reta uyeyuca vaerã. Jare uñemee vi chupe penti quɨsepucu tuicha ete vae.

Apocalipsis 6:4 Iomraidhean Croise

San Mateo 10:34

Jare Jesús jei wi jemimboe reta pe: “Aramoi perowia tëi che ayu ko ɨwɨ pewa reta yureko waerä ipɨawiwe rewe jare uñeräro mbae waerä. Erëi jokuaerä'ä ko che ayu. Che ayu ko ɨwɨ pewa reta uyembowaicho waerä chereko pewa,” jei.

San Mateo 24:6

“Jare imeta oï ñeräro reta koiño pewi. Jae nunga wi imeta oï ñeräro reta mbɨrɨ pewi. Erëi piyandu yawe kua reta rewa, awɨye pekɨye. Echa’ä kua mbaesusere reta uyeyapo ñotái ko. Erëi ndei wɨteño ko ara reta opa waerä,” jei.

San Juan 19:11

Jare Jesús jei chupe: “Jukuärái tëi añetete. Erëi ndarau etei mbaepuere nenoi cheré Tumpa umaeño’ä nderé yawe. Añawe nde ime nenoi teko kua mbae uyeyapo oï chewe wae re. Erëi uasaete teko onoi jokua kuimbae chemee ndewe wae,” jei chupe.

Apocalipsis 12:3

Jare uyekuaa ïru mbae ara re chepɨakañɨete jese wae. Jae ko pëti teyu wasu pɨ̈ta wae dragón jei chupe wae. Jae onoi chiu iñäka jare payandepo jäti reta. Jare pëti pëti iñäka re onoi corona.

Apocalipsis 13:10

Tumpa uipota yawe ipotawe kía uyepɨsɨka waerä jowaicho reta pe, jukuärái ñotái oï. Jare Tumpa uipota yawe ipotawe kía uyeyukaka waerä kɨsepuku pe, jukuärái ñotái oï wi. Kua nunga mbaembae uyeyapo ñotái oï. Jáeramo Tumpa re wɨrowia wae reta tumɨawäta ipɨawasu rewe jare jekuaeño wɨrowia kawi jese rewe.

Apocalipsis 17:3

Jayawe Espíritu Santo imbaepuere pe aecha araɨwa chereraa oï ɨwɨtini wasu kotɨ. Apau wae rami aecha joko pe pëti kuña opo oï bestia pɨ̈ta wae re. Jare opaete jokua bestia jete rupi uyekuatía oï jeta tee jokua pɨpe jeika tëi iyupe jae ko Tumpa wae. Chiu ko jokua bestia iñäka jare payandepo jäti reta.

Apocalipsis 17:6

Jokua kuña jatangätuete uyuka waerä Tumpa oñono tee iyupewarä wae reta. Jare upɨyere ma jeta wae reta Jesús rewa umɨmbeu wae juwɨ. Kërái usawɨpose wae ueka awariëte rami, jukuärái wi kuña oete ueka jae reta juwɨ upɨyere chuwi reta waerä. Jare che aecha yawe jokua kuña, chepɨakañɨete apɨta.