Apocalipsis 6:14 - Biblia

¹⁴ Jare ara etei uyembapúa pëti tupapire yambapúa wae rami, jare ukañɨ. Jare opaete ɨwɨtu wasu reta jare ɨwɨ ɨ mbɨte pe ñonoï wae reta usɨrɨ jenda wi.

Guaraní Pe (Western): Simba

¹⁴ Jare ara etei uyembɨyao mbɨte rupi jare uñeñoma penti tupapire uñeñoma rami. Jare opaete ɨvɨtu reta jare ɨvɨ ɨ mbɨte pe ñugüɨnoi vae reta usɨrɨ jenda güi.

Apocalipsis 6:14 Iomraidhean Croise

Salmo 102:26

Opaete jokua reta opata ko, erëi nde ndikota jaeño mái pewa. Opaete jokua reta indechita temimonde opa indechi wae rami. Jare kërái kía temimonde indechikue omombo wae rami jare joko wi omonde temimonde ipɨau wae, jukuärái wi nde ndiyapota uyeyapo waerä opaete mbaembae ara re oï wae pe.

2 Pedro 3:10

Erëi ou uwäe yawe jokua ara yandeYa pewa, outa oï pëti imonda wae pɨ̈tu yawe ou wae rami. Jayawe ara añawe yaecha ñaï wae opata ukañɨ täta jɨapu rewe. Jare opaete mbaembae ara re ñonoï wae reta opata uyembái jendɨ rewe. Ɨwɨ jare opaete mbaembae ɨwɨ pe ñonoï wae reta opata okai.

Apocalipsis 16:20

Jare ɨwɨ ukäta yawe, opaete ɨwɨ ɨ mbɨte pe ñonoï wae reta opa ukañɨ ɨ pe, jare jae nunga wi ɨwɨtu wasu reta mbaetɨ ma.

Apocalipsis 20:11

Joko wi aecha pëti wae uwapɨ oï iwapɨa mburuwicha wasu pewa pe. Jokua iwapɨa tïi jare tuicha. Jae imbaepuere jembipete ye ramo, ara jare ɨwɨ opa ukañɨ oo chuwi.

Apocalipsis 21:1

Joko wi aecha ara ipɨau wae jare ɨwɨ ipɨau wae, echa’ä ara jare ɨwɨ tenonde ikose wae opa ma uasa. Jare mar mbaetɨ ma wi.