Apocalipsis 6:11 - Biblia

¹¹ Jare uñemee chupe reta temimonde tïi wae, jare ayandu pëti ñee jei chupe reta: “Peäro mii rani michi pewa pepɨawasu rewe. Echa’ä uyukata reta rani ko ïru wae reta Tumpa pe uyeyokui wae – jae reta ko pehermano reta Tumpa jee re. Jare jae reta imeta ko umano towaicho reta ipo pe kërái pe reta pemano rami,” jei chupe reta.

Guaraní Pe (Western): Simba

¹¹ Jare temimonde tĩ vae uñemee penti penti pe, jare penti vae jei chupe reta: —Peputuuño joco pe michi pegua. Echa'ã uyeyucacata vi rani perɨvɨ Tumpa pe uyeyocui vae reta, pe reta piyeyucaca rami —jei.

Apocalipsis 6:11 Iomraidhean Croise

San Mateo 10:21

“Jokua ara reta rupi imeta tɨkeɨ reta umee tɨwɨ reta uyukaka waerä, tɨwɨ reta wɨrowia cheré ramo. Jae nunga wi imeta tu reta umee isambiaɨ reta. Jare jae nunga wi imeta sambiaɨ reta oyowaicho tu jare ichɨ kotɨ uyukaka reta waerä,” jei.

San Lucas 15:22

“Erëi uyerowia rewe tu jei uyeyokui chupe wae reta pe: ‘Peru woi kua pe ñepëwaka ikawiete wae jare pemondeka kua cheraɨ mii pe,’ jei chupe reta. ‘Jae ramiño wi piñono moäkarewa jese, jare piñono mbɨpasa ipɨ re.

San Juan 16:2

Echa’ä cheré wɨrowia mbae wae reta pemombota perenoi petupao reta wi. Jare wi uwäeta ara pemano waerä jae reta ipo pe. Jare jae reta wɨrowiata tëi Tumpa pe ko uyeyokui ñonoï peyuka yawe,” jei chupe reta.

Hechos 20:24

“Erëi jesewe akɨye’ä,” jei. “Chepɨa pe ayemɨngeta’ä etei ayerepɨ waerä. Jaeño aipota opa ayapo waerä ayerowia rewe jokua mbarawɨkɨ yandeYa Jesús umee chewe wae. Jare cheparawɨkɨ ko jae jekuaeño amɨmbeu waerä ïru wae reta pe ñee ikawi wae kërái ko Tumpa ipɨakawiete ye oï yandewe wae re,” jei chupe reta.

2 Tesalonicenses 1:7

Jare jukuärái pe reta piporara peï wae, oyowake peputuuta peï kuri ore ndiwe kua yaiporara ñaï wae wi. Jokua uyeyapota oï yandeYa Jesucristo uyekuaa yawe ara wi tata jendɨ rewe jare iaraɨwa ipɨrätaete wae reta ndiwe,

2 Timoteo 4:7

Che opa kawi ma ayapo mbarawɨkɨ Tumpa umee chewe wae. Añemɨamɨrika’ä yanderowaicho pe. Ayandareko kawi Cristo oporomboe wae re.

Hebreos 11:40

Tumpa ipuereta tëi umee woi chupe reta. Erëi jae uipota yande reta wi yayekou waerä jese päwe rewe jae reta ndiwe. Echa’ä jokuaño jae Tumpa ipɨayemɨngeta uipota opa uyapo waerä wae.

Hebreos 12:23

Jare joko pe uyembatɨ ñonoï wi Tumpa ueni ma taɨ tenondewa wae reta opaetei – jae ko opaete jee uyekuatía oï ara pe wae reta, jare jae ko opaete jupi yureko wae reta opa umano wae iäkue. Añawe Tumpa opa ma umbujupiete reta. Jare joko pe oï wi Tumpa etei – jae ko opaete yande reta yayemboɨta ñaï jae jowai wae.

Apocalipsis 10:6

Jare jei: “Tumpa ko jae imeño mái iko wae. Jae ko uyapo ara, jare ɨwɨ, jare mar, jare opaete mbaembae pɨpe oï wae reta. Jare jae jowake che tae añawe uwäe ma ora.

Apocalipsis 13:15

Jare uñemee jokua bestia taɨkue aecha wae pe onoi waerä mbaepuere umbɨyemɨngetaka waerä jokua tenondewa bestia jaanga. Jare joko wi uyukaka opaete uipota’ä umbɨadora jese wae reta.

Apocalipsis 14:13

Jayawe ayandu ara wi ñee jei chewe: “Ikuatía kuärái: Kua wiwe yandeYa re wɨrowia rewe umanota wae reta uyekoueteta ñonoï,” jei chewe. Jare joko wi Espíritu Santo jei: “Añetete ko. Jae reta uyekoueteta ñonoï, echa’ä uputuuta reta iparawɨkɨ wi. Jare Tumpa umɨñatimata oï chupe reta mbarawɨkɨ uyapo reta Tumpa pewarä wae re,” jei.

Apocalipsis 17:6

Jokua kuña jatangätuete uyuka waerä Tumpa oñono tee iyupewarä wae reta. Jare upɨyere ma jeta wae reta Jesús rewa umɨmbeu wae juwɨ. Kërái usawɨpose wae ueka awariëte rami, jukuärái wi kuña oete ueka jae reta juwɨ upɨyere chuwi reta waerä. Jare che aecha yawe jokua kuña, chepɨakañɨete apɨta.

Apocalipsis 7:14

“Aikuaa’ä etei. Nde ndikuaa,” jae chupe. Jayawe jae jei chewe: “Kua reta ko jae uasa mbaesusere wasu rupi wae. Oyoe ma reta jemimonde jare umɨtïi reta Owecha kuimbae taurusu wae juwɨ pe,” jei.

Apocalipsis 7:9

Kua jaɨkue rupi aecha jetaete ye ye opaete kerupi rupi yureko wae reta jare opa kërái raí ñee pe uyemɨngeta wae reta. Jae reta uyemboɨ ñonoï jokua mburuwicha wasu iwapɨa jowai jare Owecha kuimbae taurusu wae jowai. Mbaetɨ kiawe ipuere opa uipapa reta, echa’ä jetaete ye ramo. Jae reta jemimonde tïi, jare ipo pe onoi reta karandaɨ jokɨ.