Apocalipsis 6:1 - Biblia

¹ Jayawe che aecha jokua Owecha kuimbae taurusu wae uipea tupapire imboyaka pëti wae. Jayawe ayandu pëti mbae tekowe onoi wae jei: “¡Eyu!” Jare jae uyemɨngeta yawe, iñee uyendu ara jɨapu wae echa.

Guaraní Pe (Western): Simba

¹ Jare aecha Ovecha-raɨ uipea penti jocua libro iyemboyaa. Jayave ayandu penti mbaembae icove vae jei: —Eyu. Ara jɨapu vae echa uyemɨngueta yave.

Apocalipsis 6:1 Iomraidhean Croise

San Juan 1:29

Pɨarewe pe Juan uecha Jesús ou oï ikotɨ, jare jei joko pe ñonoï wae reta pe: “Mase, pee oï Tumpa ombou wae,” jei. “Jae ko pëti owecha kuimbae yaraa yayuka ñamee Tumpa pe wae rami. Echa’ä Tumpa ombou umano waerä yanderé, jae rupi umbái waerä teko ñanoi Tumpa kotɨ wae. Jae ko opaete ɨwɨ pewa reta pewarä tëi,” jei.

Hechos 4:20

“Echa’ä ore imeta ko jekuaeño numɨmbeu ïru wae reta pe ore nduecha wae jare nduyandu wae,” jei chupe reta.

Apocalipsis 11:19

Jare kua jei reta ma yawe, tupao wasu ara pe oï wae uyepea, jare o pe uyekuaa Tumpa arakae jei wae yemɨmandúa jɨru. Jare uyekuaa uwera wae, jare uyendu jɨapu täta wae amaterere rami. Jare uyendu wi ara jɨapu wae. Jare jawoi pewa ɨwɨ ukäta. Jare oa wi amandau jeta wae.

Apocalipsis 13:8

Jare opaete seri ɨwɨ pewa reta umbutuicha bestia jee. Jaeño jokua Owecha kuimbae taurusu wae uyeyukaka wae itupapire pe jee uyekuatía oï wae reta umbutuicha’ä jae jee. Jokua tupapire ko jae opaete tekowe opa mbae wae onoi wae reta jee uyekuatía oï pɨpe wae. Jare jae reta jee uyekuatiaño mái iko ɨwɨ uyembɨpɨ wiwe.

Apocalipsis 14:2

Jare ayandu ñee ara wi ɨaparoa wasu täta jɨapu wae rami jare ara täta jɨapu wae rami wi. Jare jokua uyendu wae ipöraete ko, echa’ä uyendu jeta wae reta arpa ombopu ñonoï wae rami.

Apocalipsis 19:6

Jayawe ayandu ïru ñee. Jetaete ye ye uyemɨngeta ñonoï pëti wae echaño chewe. Täta uyendu ɨaparoa wasu jɨapu rami jare ara täta jɨapu rami. Jare ayandu jei reta: “¡Opaete wae tumbutuicha Tumpa jee! Echa’ä yandeYa Tumpa imbaepuerete ko, jare jae ko opaete wae imburuwicha wasurä jaeño mái pewa.

Apocalipsis 4:8

Jare pëti pëti jokua irundɨ mbae tekowe onoi wae reta ime onoi owa ipepo reta. Jare opaete jete rupi ime onoi jeta jesa reta. Jae reta ara rupi jare pɨ̈tu rupi jekuaeño jei reta ikueri mbae rewe: “Jupi, jupi, jupi wae ko jae Tumpa ikoño mái wae jare opaete mbaepuere onoi wae. Jae ko iyɨpɨ wiwe ikoño mái wae, jare jekuaeño oï wae, jare jaeño mái pewa ikota wae.”

Apocalipsis 5:1

Jare che aecha wi jokua wapɨa pe uwapɨ oï wae ime onoi pëti tupapire uyembapúa oï wae ipo iyakata kotɨ. Jokua tupapire uyekuatía oï japɨpe rupi jare ikupe rupi, jare chiu wese ye uyemboya oï imboyaka pe.

Apocalipsis 5:12

Jare araɨwa reta täta uyemɨngeta rewe jei: “Jupi ko Owecha kuimbae taurusu wae uyuka reta wae onoi waerä mbaepuere, arakuaa, mɨräta jare opaete mbaembae ikawi wae. Jupi ko yaipɨu waerä chuwi, jare yambutuicha waerä jae jee, jare ñamee chupe waerä yasurupái,” jei reta.

Apocalipsis 5:8

Jare tupapire onoi ma ipo pe yawe, jokua irundɨ mbae tekowe onoi wae reta jare jokua veinticuatro mburuwicha reta opa uñeñono ɨwɨ re Owecha kuimbae taurusu wae jowai uñemɨmichi rewe. Pëti pëti onoi reta arpa jare copa oro pewa, jare tɨnee onoi reta pɨpe mbae utimbo kawi wae. Jokua mbae utimbo kawi wae uyembɨjaanga oï Tumpa re wɨrowia wae reta uyerure chupe wae re.

Apocalipsis 6:3

Joko wi Owecha kuimbae taurusu wae uipea ye tupapire imboyaka. Kua re uipea ma mokui imboyaka. Jayawe ayandu ïru mbae tekowe onoi wae jei: “¡Eyu!”

Apocalipsis 6:5

Joko wi Owecha kuimbae taurusu wae uipea ye tupapire imboyaka. Kua re uipea ma mbapɨ imboyaka. Jayawe ayandu ïru mbae tekowe onoi wae jei: “¡Eyu!” Jare aecha ou pëti kawayu jü wae. Jare opo jese wae ipo pe onoi pëti pesa.

Apocalipsis 6:7

Joko wi Owecha kuimbae taurusu wae uipea ye tupapire imboyaka. Kua re uipea ma irundɨ imboyaka. Jayawe ayandu ïru mbae tekowe onoi wae jei: “¡Eyu!”

Apocalipsis 8:1

Jayawe Owecha kuimbae taurusu wae uipea ye tupapire imboyaka. Kua re uipea ma chiu imboyaka. Jare uipea ma yawe, upɨta kïi ngatu ara pe mbɨte ora rupi.