Apocalipsis 5:13 - Biblia

¹³ Joko wi che ayandu opaete Tumpa jembiapo reta ara pe ñonoï wae, ɨwɨ pe ñonoï wae, ɨwɨwɨ pe ñonoï wae, jare mar rupi ñonoï wae reta jei: “Tuyembutuichaka jaeño mái pewa jokua wapɨa pe uwapɨ oï wae jare Owecha kuimbae taurusu wae. Opaete wae tumbutuicha jae jee jare tuipɨu reta chuwi. Jae tonoi mbaepuere opaete wae re jaeño mái pewa,” jei reta.

Guaraní Pe (Western): Simba

¹³ Jayave opaete ara pe jare ɨvɨ pe jare ɨvɨgüɨ pe jare ɨ guasu pe ñugüɨnoi vae reta ayandu jei: —Tuyembɨadoraca guapɨa pe uguapɨ vae jare Ovecha-raɨ jaeño mai pegua. Ñamee yasurupai tuicha chupe reta. Tugüɨnoi reta opaete mbaepuere.

Apocalipsis 5:13 Iomraidhean Croise

San Mateo 6:13

Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi. Nde nenoi opaete mbaepuere, jare nde ndikota wi oremburuwicha wasurä, jare opaete wae umbutuichata nderee jaeño mái pewa. Jukuärái tuiko.’ Jukuäraita ko pe reta piyerure,” jei Jesús chupe reta.

San Lucas 2:14

“¡Tuyembutuichaka Tumpa ara pe oï wae jee! Jare tipɨakatu ɨwɨ pewa reta Tumpa ipɨakawi chupe reta wae,” jei araɨwa reta.

San Juan 1:29

Pɨarewe pe Juan uecha Jesús ou oï ikotɨ, jare jei joko pe ñonoï wae reta pe: “Mase, pee oï Tumpa ombou wae,” jei. “Jae ko pëti owecha kuimbae yaraa yayuka ñamee Tumpa pe wae rami. Echa’ä Tumpa ombou umano waerä yanderé, jae rupi umbái waerä teko ñanoi Tumpa kotɨ wae. Jae ko opaete ɨwɨ pewa reta pewarä tëi,” jei.

Romanos 11:36

Echa’ä yandeYa ko jae opaete mbaembae iYa. Jae ipo wiño ko ou opaete mbaembae, jare jae rupi opaete mbaembae ñonoï. Jare opaete mbaembae ime oï wae reta jae uyapo jae imaerä. ¡Tuyembutuichaka yandeYa jee jaeño mái pewa! Jukuärái tuiko.

Romanos 16:27

Tumpaño ko jae iyarakuaa katuete ye wae. Jae jeeño tuyembutuichaka jaeño mái pewa Jesucristo uyapo wae re. Jukuärái tuiko.

Romanos 9:5

Jae nunga wi judío tamɨkue reta Tumpa uiparawo wae reta ko, jare jae reta iñemoñaa ko Cristo ou uyeyapo kuimbaerä wae. Erëi yepe tëi Cristo jae ko Tumpa etei jare opaete mbaembae iYa, jesewe judío reta wɨrɨ̈ro. Tuyembutuichaka Cristo jee jaeño mái pewa. Jukuärái tuiko.

Efesios 3:21

Opaete yande ñaï pëti ramiño Jesucristo re wae reta yambutuicha Tumpa jee, jae ipɨakawiete yandewe ramo. ¡Tuyembutuichaka Tumpa jee jaeño mái pewa! Jukuärái tuiko.

Filipenses 2:10

Jukuärái opaete ara pe ñonoï wae reta jare ɨwɨ pe ñonoï wae reta jare umanokue wae reta wi, pëti ara yandeRu Tumpa oñonokata reta itawa re Jesús jowai.

Colosenses 1:23

Erëi peï waerä jukuärái jae jowai, imeta ko jekuaeño perowia Jesucristo re. Pepɨrätata ko jese pëti tëta uwapɨ oï iwapɨka täta wae re rami. Jare awɨyeta ko peya jokua peäro peï perowia katu rewe wae ñee ikawi wae uikuaaka pewe wae – jae ko ñee ikawi wae pe reta piyandu wae jare añawe uyemɨmbeu oï opaete kerupi rupi wae. Jare che, Pablo, amɨmbeu aï wi jokua ñee jare jukuärái ayeyokui aï Tumpa pe.

1 Timoteo 4:16

Jare iyandareko kawi ndiyé ndiko kawi waerä jare ndeporomboe kawi waerä. Jekuaeño iñemɨatangätu kua mbaembae re. Echa’ä jukuärái ndiyapo yawe, Tumpa uepɨta jokua nderé uyapɨsaka wae reta kërái jae nderepɨta oï wae rami.

1 Pedro 4:11

Jayawe ime yawe kía Tumpa umee chupe iñeengatu uyemɨngeta waerä wae, tuyemɨngeta Tumpa etei uyemɨngeta oï wae rami. Jare ime yawe kía Tumpa umee chupe uyeyokui waerä ïru wae reta pe wae, tuyeyokui mɨräta Tumpa umee chupe wae rupi. Jukuärái ko piyeyokuita peyupe. Jare jukuärái piyapo yawe, jayawe opaete mbaembae piyapo wae rupi, pepɨte pe uyekuaata oï Jesucristo imbaepuere jare jukuärái Tumpa jee uyembutuichakata oï. YandeRu Tumpa tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!

1 Pedro 5:11

YandeRu Tumpa jekuaeño tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!

Judas 1:25

Jaeño ko jae Tumpa. Jaeño ko yanderepɨ ma yandeYa Jesucristo rupi. Jaeño tonoi mbaepuere, mɨräta, jare yembɨadora añawe jare jaeño mái pewa. Jukuärái tuiko.

Apocalipsis 1:6

Jare jokuaño’ä uyapo. Jae yandapo wi mburuwicha wasu retarä jare sacerdote retarä jukuärái yayeyokui waerä Tu pe – jae ko yandeRu Tumpa pe. Jesucristo jee tuyembutuichaka, jare jaeño tonoi mbaepuere tuichaete wae jaeño mái pewa. Jukuärái tuiko.

Apocalipsis 13:8

Jare opaete seri ɨwɨ pewa reta umbutuicha bestia jee. Jaeño jokua Owecha kuimbae taurusu wae uyeyukaka wae itupapire pe jee uyekuatía oï wae reta umbutuicha’ä jae jee. Jokua tupapire ko jae opaete tekowe opa mbae wae onoi wae reta jee uyekuatía oï pɨpe wae. Jare jae reta jee uyekuatiaño mái iko ɨwɨ uyembɨpɨ wiwe.

Apocalipsis 5:1

Jare che aecha wi jokua wapɨa pe uwapɨ oï wae ime onoi pëti tupapire uyembapúa oï wae ipo iyakata kotɨ. Jokua tupapire uyekuatía oï japɨpe rupi jare ikupe rupi, jare chiu wese ye uyemboya oï imboyaka pe.

Apocalipsis 5:12

Jare araɨwa reta täta uyemɨngeta rewe jei: “Jupi ko Owecha kuimbae taurusu wae uyuka reta wae onoi waerä mbaepuere, arakuaa, mɨräta jare opaete mbaembae ikawi wae. Jupi ko yaipɨu waerä chuwi, jare yambutuicha waerä jae jee, jare ñamee chupe waerä yasurupái,” jei reta.

Apocalipsis 5:3

Jare mbaetɨ ko ara pe, jare ɨwɨ pe, jare ɨwɨwɨ pe awe kía ipuere uipea jokua tupapire wae. Jare mbaetɨ wi kía ipuere umae kërái uyekuatía oï wae re.

Apocalipsis 5:6

Jayawe aecha pëti Owecha kuimbae taurusu wae. Jare jete re uyekuaa ipere jendakue. Chemaerä jae chawaa jokua uyuka reta wae. Jae uyemboɨ oï jokua mburuwicha iwapɨa jare jokua irundɨ mbae tekowe onoi wae reta ipäu pe, jokua mburuwicha reta ipɨte pe. Jae onoi chiu jäti jare chiu jesa. Jare jokua chiu jesa uyembɨjaanga oï Tumpa iEspíritu chiu wese ye jupi wae Tumpa omondo opaete ɨwɨ rupi wae.

Apocalipsis 5:9

Jare jae reta ukäta Owecha kuimbae taurusu wae jowai pëti käta ipɨau wae kuärái: “Ndeñoete ko jupi nenoi waerä jokua tupapire jare ndipea waerä imboyaka reta. Echa’ä ndeyuka reta, jare nderuwɨ uyepɨyere wae rupi ndewa pɨau ye ma jeta wae reta Tumpa pewarä. Jae reta ko jae opaete ambɨembɨe ɨwɨ pewa reta kiape kiape ñonoï wae rupi jare opa kërái rái ñee pe uyemɨngeta wae reta.

Apocalipsis 6:16

Jare jei tëi reta: “Tuyapara yanderé ɨwɨtu wasu reta jare itape reta awɨye waerä yanderecha pea wapɨa pe uwapɨ oï wae, jare awɨye waerä Owecha kuimbae taurusu wae iarasɨ oa yanderé.