Apocalipsis 3:8 - Biblia

⁸ Jare che tae jokua Filadelfia pewa cheré wɨrowia wae reta pe kuärái: Che aikuaa opaete mbae piyapo wae. Yepe tëi pembaepuere michi ko, erëi piyapo kawi ma che aporomboe wae rupi jare chekuaku’ä etei. Jáeramo, mase, öke uyepea oï pewe. Che etei aipea pewe. Jáeramo ndarau kía ipuere uyukenda ye jokua öke.

Guaraní Pe (Western): Simba

⁸ Che aicuaa peparavɨquɨ. Mase, aechaca ma peve penti onque uyepea oĩ vae. Mbaetɨ quía ipuere uyuquenda jocua onque. Pembaepuere michi co, ẽrei piyapo che jae peve piyapo vaerã vae jare checuacu'ã.

Apocalipsis 3:8 Iomraidhean Croise

San Lucas 12:9

“Erëi ime yawe kía chekuaku ïru wae reta jowake, jayawe che aikuakuta wi araɨwa Tumpa pe uyeyokui wae reta jowake,” jei chupe reta.

San Juan 15:20

“Añetete jae reta peamɨtäata ñonoï. Pemandúa kawi, che jae ma pewe pëti pione ndarau uasa ipatrón iáramo rupi. Jayawe kërái uyapo chewe reta rami, jukuäraiete wi uyapota pewe reta. Jae reta uyapo yawe mbae kachi wae chewe, jukuäraiete ko uyapota pewe reta wi. Jare jae reta chiñee uipɨsɨ yawe, jukuäraiete ko uipɨsɨta reta piñee wi,” jei chupe reta.

San Juan 17:6

“Kua cheremimboe mii reta, nde nemee ma chewe ɨwɨ pewa reta ipɨte wi. Jae reta nembae ko, jare nde nemee chewe reta wi,” jei. “Añawe che amɨmbeu kawi ma chupe reta nde rewa, jare jae reta uyapo ma nde ndere wae.

Hechos 14:27

Jare yuraa uwäe reta ye yawe Antioquía pe, Pablo jare Bernabé umbatɨka Cristo re wɨrowia wae reta. Jare umɨmbeu chupe reta opaete mbaembae Tumpa uyapo wae jae reta uwata wae rupi. Umɨmbeu wi chupe reta kërái Tumpa umaeño wi judío mbae wae reta re wɨrowia waerä jese.

1 Corintios 16:9

Echa’ä yepe tëi ime jeta towaicho reta kua pe, erëi öke uyepea ma chewe ayapo waerä kua pe mbarawɨkɨ yandeYa umee chewe wae.

2 Corintios 2:12

Jayawe cheïru mii reta, che a tëta wasu Troas pe amɨmbeu waerä joko pewa reta pe ñee ikawi wae Cristo rewa. Jare añetete yandeYa umee chewe aporomboe waerä joko pe.

Filipenses 4:13

Añetete opaete kua mbaembae che chepuere amɨawäta, echa’ä Cristo jekuaeño chemɨmɨräta oï ramo.

Colosenses 4:3

Jare piyerure mii oreré wi Tumpa umbɨsɨrɨ waerä orewi yembɨawái, jukuärái orepuere waerä numɨmbeu ñee ikawi wae Cristo rewa. Echa’ä añawe cheñono reta cadena pe kua peresorɨru pe ñee ikawi wae jekuaeño amɨmbeu wae jeko pewa. Kua ñee kiawe uikuaa’ä tenonde yawe, erëi añawe yaikuaa.

1 Timoteo 5:8

Erëi ime yawe kía Cristo re wɨrowia wae uipota’ä uyandareko jëtara reta re jare jëta pe ñonoï wae reta re wae, jae wɨrɨ̈ro ko yemboe añetete wae. Jare jae ko oete ye Cristo re wɨrowia mbae wae reta wi.

2 Timoteo 4:7

Che opa kawi ma ayapo mbarawɨkɨ Tumpa umee chewe wae. Añemɨamɨrika’ä yanderowaicho pe. Ayandareko kawi Cristo oporomboe wae re.

Judas 1:4

Kua re aikuatía aï pewe, echa’ä amokue wae reta uyembatɨ ñonoï pe reta ndiwe añetete wae nunga pe reta pikuaa mbae rewe. Jae reta jei tëi pewe: “Tumpa ipɨakawi oï yandewe. Jáeramo yandepuere yaiko yande yae wae rupiño,” jei reta. Jare jukuärái jae reta uyapo ñonoï opaño mbaembae kachi wae. Erëi kua jae reta uyapo wae rupi wɨrɨ̈ro ko ñonoï Jesucristo, yepe tëi jaeño ko jae yandeYa jare yaneMburuwicha wasu imbaepuerete wae. Jae reta uipɨu’ä etei Tumpa wi. Jare kërái uyekuatiaño mái ko oï Tumpa iñeerɨru pe wae, Tumpa uiporarakata oï chupe reta tuicha rupi.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.

Apocalipsis 2:2

Jare che tae Éfeso pewa cheré wɨrowia wae reta pe kuärái: Che aikuaa opaete mbae piyapo wae, kërái täta peparawɨkɨ peï chemaerä jare kërái pemɨawäta peï yembɨawái reta pepɨawasu rewe. Aikuaa wi piñemɨïru’ä peï ikawi mbae wae uyapo wae reta ndiwe. Jare aikuaa wi ime pepɨte pe amokue wae reta jei tëi ñonoï kuärái: “Che ko jae Jesús chembou jae jee re wae.” Erëi aikuaa wi pe reta pikuaa ma chuwi jae reta iyapu wae.

Apocalipsis 22:7

“YandeYa jei: ‘Mase, ayu yeta jupiwoiño. Aikuaaka ma kua tupapire rupi mbaembae uasata oï wae. Jayawe uyekouete ñonoï kua ñee uipɨsɨ wae reta,’ jei,” jei araɨwa chewe.

Apocalipsis 3:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Sardis pe. Ikuatía chupe kua chiñee kuärái: ‘Che ko jae jokua chiu yasɨtata ipo pe onoi wae jare Tumpa iEspíritu Santo chiu wese ye jupi wae onoi wae. Jare che tae Sardis pewa cheré wɨrowia wae reta pe kuärái: Che aikuaa opaete mbae piyapo wae. Jeta wae reta jei tëi pewe pe reta pepɨräta peï Tumpa re. Erëi che tae pe reta jukuärai’ä ko wae.

Apocalipsis 3:10

‘Che jae ma pewe pemɨawäta waerä opaño mbaembae pepɨawasu rewe, jare jukuärái piyapo ma. Jáeramo yepe tëi ara uwäeta oï opaete ɨwɨ pewa reta tuicha rupi uiporara waerä, erëi che puepɨta aï chuwi kuri.

Apocalipsis 3:15

Jare che tae Laodicea pewa cheré wɨrowia wae reta pe kuärái: Che aikuaa opaete mbae piyapo wae, jare kërái ko pe reta wae. Pe reta ko jae ɨ jaku’äwe wae rami. Ɨ jaku wae jare ɨ roɨ̈sa wae mokui rewe ikawi ko. Erëi ¿kía ra uipota jou ɨ jaku’äwe wae? Kiawe. Jare jukuärái ko pe reta chemaerä, echa’ä pekɨrëɨ rewe’ä piyeyokui chewe. ¡Kërái moná pe reta peratangätu piyeyokui chewe!

Apocalipsis 3:7

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Filadelfia pe. Ikuatía chupe kua chiñee kuärái: ‘Che ko jae Jupiete wae jare Añetete pewa. Cheeño ime anoi tëta wasu Jerusalén ipɨau wae jöke illave, kërái arakaete mburuwicha wasu David jëta wasu illave wɨreko wae rami. Jáeramo che aipea yawe jokua öke, ndarau kía ipuere uyukenda ye. Jae ramiño wi che ayukenda yawe jokua öke, ndarau kía ipuere uipea ye.