Apocalipsis 3:3 - Biblia

³ Jekuaeño pemandúa opaete piyemboe Tumpa re wae. Piñemɨmɨräta jese, jare peya pepɨayemɨngeta jupi mbae wae. Echa’ä piyandareko’ä yawe, ayuta aiporaraka waerä pewe. Jare che ayuta aï aramoiño pëti imonda wae ou rami. Echa’ä pepɨranoe pewa ayekuaata pewe.

Guaraní Pe (Western): Simba

³ Jáeramo pemandúa Tumpa umee peve vae re jare quirãi piyapɨsaca jese. Piñemɨmɨrãta jocua re, jare peeya piyemɨngueta icavi mbae vae pepɨa pe oĩ vae. Echa'ã piñemoa ngatu'ã yave, aata pepɨ ɨmambae penti imonda vae uique o pe rami, jare ndarau picuaa quirãi yave ra aata pepɨ.

Apocalipsis 3:3 Iomraidhean Croise

San Mateo 25:13

Jayawe Jesús jei wi chupe reta: “Jae ramiño wi pewe awɨye tuyeyapo kuri jukuärái. Jekuaeñota ko peäro, echa’ä pikuaa’ä kërái yawe etei ra che ayu yeta aï wae,” jei chupe reta.

Marcos 13:33

“Jayawe piyeyapɨkatu peï, jare piyandareko wi piyé, jare piyerure wi Tumpa pe. Echa’ä pikuaa’ä kërái yawe etei ra che ayu yeta wae,” jei chupe reta.

1 Tesalonicenses 5:2

Echa’ä pe reta etei pikuaa kawi ma jokua rewa. Pikuaa kawi peï ou yawe ara yandeYa pewa, jokua ara outa oï pëti imonda wae ou pɨ̈tu yawe wae rami.

1 Timoteo 6:20

Jayawe cheraɨ mii Timoteo, jekuaeño iyandareko kawi jokua yemboe uñemee ndewe wae re. Esɨrɨ ndaye wi. Jare awɨye iyapɨsaka kía reta re ambɨe ye oporomboe ñonoï wae. Echa’ä jokua nunga reta jei tëi oporomboe ñonoï añetete wae re, erëi iyapu reta ko.

2 Timoteo 1:13

Jayawe nde, jekuaeño eporomboe jupi jokua yemboe añetete wae chewi ndiyandu wae. Jare ndeporomboe neï rambuewe, jekuaeño echaka nderowia Jesucristo re wae jare echaka wi ndepuruau ïru wae reta pe. Kua yandepuere yayapo, echa’ä pëti ramiño ñaï Cristo re ramo,

Hebreos 2:1

Jayawe opaete kua mbaembae añetete ko. Jáeramo imeta ko yaipɨsɨ kawi yandeyupe jokua ñee yayandu Tumpa Taɨ rewa wae, awɨye waerä yapia Tumpa jape wi.

2 Pedro 3:1

Cheïru puau mii wae reta, kua re mokui wese ma aikuatía aï pewe. Jare kua mokui rewe pe che pumɨmandúa pikuaa ma wae re pepɨa pe piyemɨngeta kawi waerä jese.

2 Pedro 3:10

Erëi ou uwäe yawe jokua ara yandeYa pewa, outa oï pëti imonda wae pɨ̈tu yawe ou wae rami. Jayawe ara añawe yaecha ñaï wae opata ukañɨ täta jɨapu rewe. Jare opaete mbaembae ara re ñonoï wae reta opata uyembái jendɨ rewe. Ɨwɨ jare opaete mbaembae ɨwɨ pe ñonoï wae reta opata okai.

Apocalipsis 2:25

jekuaeño piyapo jokua piyapo peï wae che ayu ye rewa.

Apocalipsis 2:5

Awɨye peakañɨ kërái tenonde yawe tuicha pepuruau. Jáeramo peya pepɨayemɨngeta añawe penoi wae, jare piyapo ye kërái tenonde yawe piyapose wae rami. Erëi piyapo’ä yawe jukuärái, ayuta jupiwoiño ambɨsɨrɨ waerä pemechero iwapɨka jenda wi.

Apocalipsis 22:7

“YandeYa jei: ‘Mase, ayu yeta jupiwoiño. Aikuaaka ma kua tupapire rupi mbaembae uasata oï wae. Jayawe uyekouete ñonoï kua ñee uipɨsɨ wae reta,’ jei,” jei araɨwa chewe.

Apocalipsis 3:11

‘Mase, ayu yeta jupiwoiño. Jekuaeño piyapo jokua piyapo peï wae, awɨye waerä ïru wae pe uñemee pewi pecorona.

Apocalipsis 3:19

Jukuärái che jae, echa’ä che ambɨeta jare aiporaraka au wae reta pe ambɨarakuaa waerä. Jáeramo peya pepɨayemɨngeta jupi mbae wae jare piyeyokui chewe peratangätu rewe.

Apocalipsis 3:2

Aecha opa kawi’ä piyapo perembiapo reta Tumpa jowai. Jáeramo piñemupüa ye, jare piñemɨmɨräta jokua imeño penoi wae re awɨye waerä opa ukañɨ pewi.