Apocalipsis 3:19 - Biblia

¹⁹ Jukuärái che jae, echa’ä che ambɨeta jare aiporaraka au wae reta pe ambɨarakuaa waerä. Jáeramo peya pepɨayemɨngeta jupi mbae wae jare piyeyokui chewe peratangätu rewe.

Guaraní Pe (Western): Simba

¹⁹ Che aiporaraca aau vae pe, amboe vaerã. Jáeramo piñemɨatangãtu jare peeya piyemɨngueta icavi mbae vae pepɨa pe oĩ vae.

Apocalipsis 3:19 Iomraidhean Croise

San Mateo 25:7

Jayawe jokua kuñatái reta upüa jare uyapɨkatu imechero jendɨ kawi waerä.

San Juan 2:17

Jayawe Jesús jemimboe reta imandúa uyekuatiaño mái iko Tumpa iñeerɨru pe kuärái: “Ambɨetete ye aï nerëta. Jukuärái nerëta ambɨete rewe amanota aï.” Jukuärái uyekuatía oï.

Romanos 12:11

Awɨye peakɨ Tumpa kotɨ. Piyeyokuita ko yandeYa pe peratangätu rewe jare pepɨa rewe.

1 Corintios 11:32

Erëi ime yawe mbae re Tumpa uiporarakata yandewe wae, awɨye mii yandepɨatɨtɨete jokua jeko pewa. Echa’ä yandeYa uiporaraka yandewe yawe, jokua jae uyapo yanderau rewe yanembɨarakuaa kawi waerä. Jukuärái uyapo yandeYa awɨye waerä uiporaraka yandewe jaeño mái pewa Cristo re wɨrowia mbae wae reta ndiwe.

2 Corintios 6:9

Orekuaa reta opaete rupi, erëi jeta wae reta orekuaa mbae echa umae oreré. Amo pe numano pota echa nduiko parawete, erëi, mase, imeño nduiko. Yepe tëi orembɨpiu reta, erëi ndeiño oreyuka reta.

2 Corintios 7:11

Erëi aikuaa ko pe reta pepɨatɨtɨ piko jokua piyawɨ wae re kërái Tumpa uipota wae rupi. Mase kërái etei añawe jokua pepɨatɨtɨ piko wae jeko pewa opa piyeapɨkatu jare pekɨrëɨ pechaka peï mbaetɨ ma teko penoi. Mase kërái etei uyekuaa ma pipɨu waerä Tumpa wi, jare kërái etei pechaka peï pipota piyapo jupi wae. Mase kërái etei pekɨrëɨete cherecha ye waerä. Opaete kua mbaembae rupi pikuaaka peï mbaetɨ etei ma ko penoi teko jokua uyeyapo pepɨte rupi wae re.

Gálatas 4:18

Añetete ime yawe kía uipota oï pepepɨka pe wae, jokua ikawi ko tëi. Erëi imeta ko uyapo ikawi waerä pewe añetete rewe, jare uyapota ko jekuaeño – mbaetɨ che pepɨ aï yaweño añetete wae nunga uyapo oï reta.

Tito 2:14

Opaete yande jeta ma yayawɨ Tumpa kotɨ. Erëi Jesucristo uñemee umano waerä yanderé yanderepɨ waerä jokua teko ñanoi wae wi, jare oyoe waerä yandepɨa opaete ikawi mbae wae wi. Jukuärái jae ñaneñono tee ma jae imaerä, yande ñanekɨrëɨ yayapo waerä mbaembae ikawi waeño.

Santiago 1:12

Uyekouta oï kía umɨawäta yembɨawái reta ipɨawasu rewe wae. Echa’ä jukuärái rupi uyekuaata jae wɨrowia ma ko Tumpa re añetete rewe. Jare Tumpa umɨñatimata oï chupe kuri corona tekowe pewa. Jukuärái yaikuaa uyeyapota oï, echa’ä jukuärái Tumpa jei uyapota oï opaete uau reta wae pe.

Apocalipsis 2:5

Awɨye peakañɨ kërái tenonde yawe tuicha pepuruau. Jáeramo peya pepɨayemɨngeta añawe penoi wae, jare piyapo ye kërái tenonde yawe piyapose wae rami. Erëi piyapo’ä yawe jukuärái, ayuta jupiwoiño ambɨsɨrɨ waerä pemechero iwapɨka jenda wi.