Apocalipsis 3:11 - Biblia

¹¹ ‘Mase, ayu yeta jupiwoiño. Jekuaeño piyapo jokua piyapo peï wae, awɨye waerä ïru wae pe uñemee pewi pecorona.

Guaraní Pe (Western): Simba

¹¹ Mase, aa yeta ɨmambae. Piñemɨmɨrãta mburugüɨrovia penoi vae re, agüɨye vaerã ĩru vae pe uñemee ndecorona ndegüi.

Apocalipsis 3:11 Iomraidhean Croise

1 Corintios 9:25

¿Kërái piyapota jokua? Pe reta pikuaa wi opaete uñeñokuiñokui wae reta uyemungúe kawi ma osi kawi waerä. Jae reta ueya ma opaete mbae ikawita’ä chupe wae. Jukuärái uyapo reta umɨngana waerä pëti iñäkarewa mii ñanarokɨ pewa ɨmambae ikumewata oï chuwi wae. Erëi yande reta yaeka ñaï mbaembae ikumewata’ä oï yandewi wae ara pewa. Jáeramo yande jae nunga wi yaeyata ko jokua nunga mbaembae ikawita’ä yandewe wae.

Filipenses 4:5

YandeYa ou yeta wae koiño ma oï. Jáeramo opaete wae tuikuaa piñee kawi peï wae.

2 Timoteo 2:5

Ïru yembɨjaanga. Pëti uñeñokui wae osi’ä yawe oporombosi wae reta jei wae rupi, jayawe ndarau ipuere onoi jokua upurumbɨsɨpe wae pe uñemeeta wae.

2 Timoteo 4:8

Añawe aikuaa aï yandeYa upi oï mbae ikawiete wae chemaerä umee waerä chewe jokua ara jae ou ye yawe. Tumpa jokua umeeta oï chewe kërái pëti corona uñemee upurumbɨsɨpe wae pe rami, echa’ä mbae ikawi mbae wae amɨamɨri ramo. Erëi cheño’ä ko anoita. Echa’ä jokua mbae ikawiete wae yandeYa jupiete wae umeeta oï ipotawe kía pe ipɨakɨrëɨ rewe uäro oï jokua ara jae ou yeta wae.

Santiago 1:12

Uyekouta oï kía umɨawäta yembɨawái reta ipɨawasu rewe wae. Echa’ä jukuärái rupi uyekuaata jae wɨrowia ma ko Tumpa re añetete rewe. Jare Tumpa umɨñatimata oï chupe kuri corona tekowe pewa. Jukuärái yaikuaa uyeyapota oï, echa’ä jukuärái Tumpa jei uyapota oï opaete uau reta wae pe.

Santiago 5:9

Añetete koiño ma oï yande yayemboɨ waerä jae jowai. Jáeramo awɨye piyengeta ïru hermano reta kotɨ awɨye waerä peï teko pe jokua ara.

Apocalipsis 1:3

Kua ñee umɨngeta wae reta uyekouete ñonoï. Jare jukuärái wi kua ñee re uyapɨsaka wae reta. Echa’ä uyaro ma oï kua aikuaaka aï pewe wae uyeyapo waerä.

Apocalipsis 2:10

‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.

Apocalipsis 2:25

jekuaeño piyapo jokua piyapo peï wae che ayu ye rewa.

Apocalipsis 22:12

Joko wi yandeYa jei: “Mase, ayu yeta jupiwoiño. Jare jayawe amɨñatimata aï pëti pëti pe jae reta mbaembae uyapo wae rupi,” jei.

Apocalipsis 22:20

YandeYa etei uikuaaka chewe opaete kua mbaembae. Jae jei: “Añetete che ayu yeta jupiwoiño.” Jayawe che tae: “¡Jukuärái tuiko! Eyu, cheYa Jesús.”

Apocalipsis 22:7

“YandeYa jei: ‘Mase, ayu yeta jupiwoiño. Aikuaaka ma kua tupapire rupi mbaembae uasata oï wae. Jayawe uyekouete ñonoï kua ñee uipɨsɨ wae reta,’ jei,” jei araɨwa chewe.

Apocalipsis 3:3

Jekuaeño pemandúa opaete piyemboe Tumpa re wae. Piñemɨmɨräta jese, jare peya pepɨayemɨngeta jupi mbae wae. Echa’ä piyandareko’ä yawe, ayuta aiporaraka waerä pewe. Jare che ayuta aï aramoiño pëti imonda wae ou rami. Echa’ä pepɨranoe pewa ayekuaata pewe.

Apocalipsis 4:10

jokua veinticuatro mburuwicha reta uñeñono ɨwɨ re uipɨu rewe wapɨa pe uwapɨ oï wae jowai umbutuicha reta waerä jae jee – jae ko ikoño mái wae jee. Jare oñono reta icorona jokua wapɨa jowai jei rewe:

Apocalipsis 4:4

Jare aecha jokua mburuwicha iwapɨa iyɨpɨ rupi ïru veinticuatro wapɨa reta uyere etei iko jese wae. Jare joko pe uwapɨ ñonoï veinticuatro mburuwicha reta. Jae reta omonde ñonoï temimonde tïi wae, jare iñäka re onoi reta corona oro pewa.