Apocalipsis 3:10 - Biblia

¹⁰ ‘Che jae ma pewe pemɨawäta waerä opaño mbaembae pepɨawasu rewe, jare jukuärái piyapo ma. Jáeramo yepe tëi ara uwäeta oï opaete ɨwɨ pewa reta tuicha rupi uiporara waerä, erëi che puepɨta aï chuwi kuri.

Guaraní Pe (Western): Simba

¹⁰ Piyapo che jae peve piyapo vaerã vae pepɨaguasu reve ramo, che puepɨta opaete ɨvɨ pe yugüɨreco vae reta uiporarata vae güi.

Apocalipsis 3:10 Iomraidhean Croise

San Mateo 24:14

“Jare ñee ikawi wae uyemɨmbeuta opaete ɨwɨ rupi. Opaete kerupi rupi uyemɨmbeuta kërái Tumpa oïta opaete wae imburuwicha wasurä jaeño mái pewa,” jei. “Jukuärái uyeyapota oï opaete wae ipuere uikuaa waerä tëi kërái ñonoï reta waerä jae ndiwe jokua ara. Jare kua ñee ikawi wae uyemɨmbeuta ma yawe opaete ɨwɨ rupi, jayawe ramo kua ara reta opata iyapɨ,” jei Jesús chupe reta.

San Mateo 26:41

“Awɨye peke. Piyerure Tumpa pe, echa’ä jarei katu mii imeta penoi kɨrëɨ chererɨ̈ro waerä. Jayawe piyerure Tumpa pe jokua re awɨye waerä piñemɨamɨrika jokua kɨrëɨ pe. Echa’ä pepɨa pe peratangätu ko tëi, erëi perete ipɨräta’ä,” jei Pedro pe.

San Mateo 6:13

Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi. Nde nenoi opaete mbaepuere, jare nde ndikota wi oremburuwicha wasurä, jare opaete wae umbutuichata nderee jaeño mái pewa. Jukuärái tuiko.’ Jukuäraita ko pe reta piyerure,” jei Jesús chupe reta.

Marcos 14:9

“Che tae pewe añetete wae, opaete ɨwɨ rupi Tumpa iñee ikawi wae uyemɨmbeu wae rupi, uyemɨmbeuta wi kua kuña uyapo wae ïru wae reta imandúa waerä jese,” jei Jesús chupe reta.

San Lucas 2:1

Jokua ara reta rupi romano reta imburuwicha wasu Augusto jee wae oyokui opaete wae uyepapaka reta waerä. Kua uyeyapota iko opaete ɨwɨ kiape jae uyembɨiya jese wae rupi.

San Juan 17:6

“Kua cheremimboe mii reta, nde nemee ma chewe ɨwɨ pewa reta ipɨte wi. Jae reta nembae ko, jare nde nemee chewe reta wi,” jei. “Añawe che amɨmbeu kawi ma chupe reta nde rewa, jare jae reta uyapo ma nde ndere wae.

Romanos 1:8

Ambɨpɨ waerä kua tupapire, aipota amee yasurupái Tumpa pe Jesucristo mbaembae uyapo yandewe wae re. Jae nunga wi amee aï yasurupái chupe peré, echa’ä jeräkua oï opaete ɨwɨ rupi perowia peï Cristo re wae.

1 Corintios 10:13

Echa’ä yaikuaa teko kachi jekuaeño opa wese ñanemɨata oï wae echa ikotɨ jare yawái mbae ipuere waerä ñanemɨamɨri. Erëi yandepuere jekuaeño ñañemɨkɨrëɨ, echa’ä yandeño’ä ko. Jokua uasa oï opaete wae rupi. Opaete yande yaikuaa jokua kɨrëɨ mbae kachi yayapo waerä wae. Erëi Tumpa ndarau umaeño jokua kɨrëɨ uasaete ye ipɨräta waerä yandewi. Jae jupi ko yanemborɨ waerä. Jáeramo jae jekuaeño uikuaakata oï yandewe kërái rupi yandepuere waerä yasɨrɨ jokua kɨrëɨ mbae kachi yayapo waerä wae wi.

Efesios 6:13

Jáeramo piporu kawi opaete temimonde jare tembiporu ñeräro pewa echa rami wae Tumpa umee yandewe wae. Jukuärái yanderowaicho reta yuweru pekotɨ yawe, pepuere piyepɨtaso kawi chupe reta awɨye peramɨri waerä. Jare jukuärái piyepɨtaso kawita chupe reta ñeräro opa rewa.

2 Timoteo 2:12

Jare ñamɨawäta yawe yaiporara wae yayeyokui chupe ramo, jae yandapota ñaï waerä mburuwicharä jae ndiwe jaeño mái pewa. Erëi kía uikuaku yawe, jae uikuakuta wi.

Santiago 3:12

¿Ipuereta ra pëti ɨwa wi ía saini reta? ¿Ipuereta ra uva wi ía ɨwa reta? Ndarau ipuere. Jae ramiño wi ipuereta’ä oë pëti ɨkua wiño ɨ ikawi wae jare ɨ jembochɨ wae. Jayawe hermano reta, imeta ko yayemɨngeta mbae ikawi waeño.

1 Pedro 4:12

Cheïru puau mii wae reta, awɨye pepɨakañɨ añawe kua tuicha piporara peï wae re. Echa’ä kua nunga mbaembae uasa ñotái ko uyekuaa waerä añetete ko perowia peï Tumpa re. Jáeramo awɨye pere: “¿Maera ra kua uasa oï chewe?”

2 Pedro 2:9

Jayawe opaete kua mbaembae rupi yaikuaa Tumpa ikatuete yanderepɨ waerä mbaesusere reta wi, yande jae yambɨyerowia wae reta. Jare jae ikatuete wi oñono tee waerä opaete mbae jupi mbae uyapo wae reta ara taɨkuewa uwäe rewa. Jokua ara uwäe yawe, jae reta uyemboɨta ñonoï Tumpa jowai Tumpa uiporaraka waerä chupe reta jaeño mái pewa.

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 11:10

Jare ɨwɨ pewa reta uyerowiata jokua mokui kuimbae Tumpa iñee umɨmbeu wae umano reta ramo. Echa’ä tenonde yawe, kua kuimbae reta täta rupi uiporarakase chupe reta mbaesusere pe. Erëi añawe kua mokui kuimbae reta opa ma umano. Jáeramo ɨwɨ pewa reta uyapota arete jare umeeta iyupe reta regalo.

Apocalipsis 13:10

Tumpa uipota yawe ipotawe kía uyepɨsɨka waerä jowaicho reta pe, jukuärái ñotái oï. Jare Tumpa uipota yawe ipotawe kía uyeyukaka waerä kɨsepuku pe, jukuärái ñotái oï wi. Kua nunga mbaembae uyeyapo ñotái oï. Jáeramo Tumpa re wɨrowia wae reta tumɨawäta ipɨawasu rewe jare jekuaeño wɨrowia kawi jese rewe.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.

Apocalipsis 13:8

Jare opaete seri ɨwɨ pewa reta umbutuicha bestia jee. Jaeño jokua Owecha kuimbae taurusu wae uyeyukaka wae itupapire pe jee uyekuatía oï wae reta umbutuicha’ä jae jee. Jokua tupapire ko jae opaete tekowe opa mbae wae onoi wae reta jee uyekuatía oï pɨpe wae. Jare jae reta jee uyekuatiaño mái iko ɨwɨ uyembɨpɨ wiwe.

Apocalipsis 14:12

Jáeramo ipotawe kía Tumpa oñono tee jae imaerä wae reta – jae ko Tumpa jei wae rupi yureko wae reta jare Jesús re wɨrowia wae reta – tuñemɨkɨrëɨ jare tumɨawäta ipɨawasu rewe uiporara reta wae.

Apocalipsis 14:6

Jayawe aecha ïru araɨwa uwewe oï ɨwate rupi. Jae ime onoi ñee umɨmbeu waerä opaete ambɨembɨe ɨwɨ pewa reta pe kerupi rupi ñonoï wae rupi jare opa kërái rái ñee pe uyemɨngeta wae reta rupi. Jokua ñee araɨwa umɨmbeu wae jaeño mái pewa ko ikawi.

Apocalipsis 16:14

Jokua aña reta ipuere uyapo mbaembae umbɨpɨakañɨete waerä ɨwɨ pewa reta. Jae reta yuraa opaete ɨwɨ rupi umbatɨ waerä mburuwicha wasu reta jare isɨndaro reta ndiwe ombowaicho waerä tëi Tumpa. Jokua ñeräro uyeyapota oï Armagedón jee wae pe. Jukuärái ko jee hebreo ñee pe. Erëi Tumpa opaetei mbaepuere onoi. Jare jae uiporarakata oï chupe reta jokua ara. YandeYa jei, “Mase, che ayu yeta aï pepɨranoe pewa pëti imonda wae ou rami. Jare jokua uyandareko kawi ñonoï wae reta jare jupi rupi yureko wae reta uyekoueteta ñonoï. Echa’ä che ayu ye awäe yawe, jae reta ndarau imara kía nani etei uyepokouka wae rami,” jei.

Apocalipsis 17:2

“Ɨwɨ pewa mburuwicha wasu reta uyapo awasa jokua kuña ndiwe. Jare jokua awasa ko vino rami ɨwɨ pewa reta pe. Jare jokua pɨpe jae reta opa usawɨpo rami ñonoï,” jei chewe.

Apocalipsis 17:8

Jayawe araɨwa jei wi chewe: “Kua bestia ndecha wae ikose tenonde yawe, erëi añawe mbaetɨ ma. Erëi uyekuaa yeta oï, echa’ä oëta ma oï ɨwɨkua wasu juwa mbae wae wi. Erëi jokua jaɨkue rupi Tumpa omombota Tatawasurenda pe jaeño mái pewa,” jei. “Jare ɨwɨ pewa reta ipɨakañɨeteta uecha yawe jokua bestia tenonde ikose wae uyekuaa ye ramo. Jae reta jee mbaetɨ uyekuatía oï ɨwɨ uyembɨpɨ wiwe Tumpa itupapire pe. Echa’ä jaeño tekowe opa mbae wae onoi wae reta jee uyekuatía oï jokua tupapire pe,” jei chewe.

Apocalipsis 2:10

‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.

Apocalipsis 3:8

Jare che tae jokua Filadelfia pewa cheré wɨrowia wae reta pe kuärái: Che aikuaa opaete mbae piyapo wae. Yepe tëi pembaepuere michi ko, erëi piyapo kawi ma che aporomboe wae rupi jare chekuaku’ä etei. Jáeramo, mase, öke uyepea oï pewe. Che etei aipea pewe. Jáeramo ndarau kía ipuere uyukenda ye jokua öke.

Apocalipsis 6:10

Jare jae reta usapɨkai rewe jei: “OreYa jupi wae jare añetete pewa, ¿kërái yawe rewa pa neärota ndiyepɨ waerä orewe oreyuka wae reta pe? ¿Kërái yawe pa ndiporarakata chupe reta?” jei reta.

Apocalipsis 8:13

Jayawe aecha pëti araɨwa uwewe oï ɨwate rupi, jare jae mbapɨ wese usapɨkai rewe jei: “¡Kërái etei ndipo uiporaraeteta ɨwɨ pewa reta! ¡Echa’ä imeño mbapɨ araɨwa reta jae ma ñonoï umɨñee waerä jemimbɨ wasu!” jei.