Apocalipsis 22:2 - Biblia

² Jare usɨrɨ tëta wasu icalle mbɨte rupi. Jare ɨ wasu jembeɨ rupi oyowai rewe ñonoï ɨwɨra ía tekowe umee wae reta. Jokua ɨwɨra reta umee ía doce wese opa año rupi – jae ko opa yasɨ rupi pëti wese. Jare ɨwɨra jokɨ ikawi ɨwɨ pewa reta uñepɨano pɨpe waerä.

Guaraní Pe (Western): Simba

² Jare tenta guasu icalle mbɨte rupi jare ɨ usɨrɨ vae jembeɨ reta rupi ñugüɨnoi ɨvɨra tecove opa mbae vae pegua reta. Jocua ɨvɨra ía doce uyuavɨ vae reta co jare yagüɨye opa yasɨ rupi. Jare ɨvɨ pegua reta ipuere uiporu ɨvɨra joquɨ reta moarã agüɨye vaerã imbaerasɨ.

Apocalipsis 22:2 Iomraidhean Croise

Génesis 2:9

Jare Tumpa umbɨyekuaa jokua mbaewɨyerenda pe opaete ɨwɨra reta umee ía ikawi uyekuaa wae jare ikawi ko yau waerä wae. Jae ramiño wi oñono jokua mbaewɨyerenda mbɨte pe mokui ɨwɨra ambɨe ye ye wae. Pëti ko ɨwɨra ía tekowe umee wae, jare ïru ko ɨwɨra ía uikuaaka ikawi wae jare ikawi mbae wae.

San Lucas 4:18

“Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

1 Pedro 2:24

Yande jeta ma yayawɨ Tumpa kotɨ. Erëi Cristo uyekutuka iko kurusu re yawe, jae etei uiporara jete pe yanderé jokua teko ñanoi wae opa umbái waerä yandewi. Jare jukuärái Cristo uyapo yandepuere waerä yaiko jupi rupi. Jare jukuärái ko yandepuere yayapo, echa’ä yande reta ñamano rami ma ko yandereko kachi wi. Jare Cristo ipere wae rupi yakuera ma ko Tumpa kotɨ.

Apocalipsis 2:7

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou reta waerä ɨwɨra ía Tumpa jëta pe oï wae. Jae ko ɨwɨra tekowe umee wae.’ Jukuärái ikuatía,” jei chewe.

Apocalipsis 21:21

Jare jokua tëta wasu doce jöke reta ita ipöraete wae perla jee wae pewa ko. Pëti pëti öke reta uyeyapo pëti perla wiño. Jare tëta wasu icalle reta oro yepái ko jare jesäka vidrio ikɨa mbae wae rami.

Apocalipsis 21:24

Jare opaete ɨwɨ pewa reta yureko kawita jokua tëta wasu jembipe pe. Jare jokua ara rupi ɨwɨ pewa mburuwicha wasu reta yuweruta jokua tëta wasu pe umbutuicha reta waerä Tumpa jee.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.

Apocalipsis 22:14

“Uyekouete ñonoï opaete ikɨa mbae Tumpa kotɨ ñonoï wae reta. Echa’ä jae reta uiketa ipɨawiwe rewe öke reta rupi kua tëta wasu pe, jare jouta reta ɨwɨra ía tekowe umee wae,” jei.

Apocalipsis 22:19

Jare ime yawe kía amokue kua ñee reta umbái wae, Tumpa ndarau umaeño jese jou waerä jokua ɨwɨra ía tekowe umee wae. Jare ndarau wi umaeño jese uike waerä jokua tëta wasu Tumpa oñono tee jae imaerä wae pe. Jare ndarau wi umaeño jese onoi waerä jae imaerä mbaembae ikawi wae kua tupapire pe umɨmbeu yandewe wae.