Apocalipsis 22:15 - Biblia

¹⁵ “Erëi ndarau uike kua tëta wasu pe jeko kachi wae reta, jare ipaye wae reta, jare iawasapota wae reta, jare upuruyuka wae reta, jare tumparaanga re umbɨadora wae reta, jare opaete uyerowia rewe upurumbɨtawɨ wae reta,” jei.

Guaraní Pe (Western): Simba

¹⁵ Echa'ã tenta guasu pe ndarau uique Tumpa iñee ndive oyovaicho vae reta, jare ipaye vae reta, jare iaguasa vae reta, jare upuruyuca vae reta, jare tumpa-raanga reta umbɨadora vae reta, jare opaete iquɨrẽɨ reve iyapu vae reta —jei.

Apocalipsis 22:15 Iomraidhean Croise

San Mateo 7:6

Jare jei wi chupe reta: “Ime yawe kía uipota’ä uyapɨsaka Tumpa iñee re wae, ¿mbae ra yayapota yande reta? ¿Ñameeta ra mbae ikawiete ye wae yɨmba reta pe? Jare ¿ñameeta ra ita ikawiete wae jare jepɨete wae kuchi reta pe? Ndarau ñamee, echa’ä mbae’ä chupe reta. Kuchi reta upɨ̈roñota jese, jare yɨmba reta ipuereta ou yandesuu. Jukuärái wi jupi’ä ko jekuaeño yamɨmbeu waerä Tumpa iñee kía pe uipota’ä uyapɨsaka jese yawe,” jei chupe reta.

San Mateo 8:12

“Erëi jeta ñanerëtara judío reta uyekouta tëi jese wae, uyemombokata reta joko wi oka pe pɨ̈tumimbi oï wae pe. Jare joko pe uyaota tëi reta jare jäi umbɨkɨrɨrɨuta reta ikuasɨ katuta ñonoï ramo.” Jukuärái Jesús jei yuraa jupie wae reta pe.

San Juan 8:46

Pe reta imeta tëi ko chererowia, echa’ä che ayawɨ'ä etei Tumpa kotɨ. Ani ¿ime ra pëti wae pe reta pepuere pechaka chewe kërái ra ayawɨ Tumpa kotɨ wae? Pëti awe ndarau ipuere. Jáeramo pepuere pikuaa che chapu’ä etei ko. Jayawe, ¿maera pa pe reta chererowia’ä?

Hechos 8:11

Jáeramo jeta wae uyapɨsaka kawi jese, echa’ä ɨma ma jae umbɨpɨakañɨ reta ichoropa rupi.

Filipenses 3:2

Piyandareko kawi piyé kuri, echa’ä ime amokue jeko kachi wae reta oporomboe ñonoï tëi kuärái: “Ime yawe kía Tumpa imaerä uipota iko wae, imeta ko uyembɨcircuncidaka,” jei ñonoï reta. Erëi awɨye piyapɨsaka jokua yɨmba echa wae reta re.

Colosenses 3:6

Jeta wae reta uyapo ñonoï kua nunga mbaembae. Jare jokua jeko pewa Tumpa iarasɨ uitɨta oï jese reta.

1 Timoteo 1:10

Jae nunga wi Moisés arakae uikuatía wae oñono teko pe Tumpa kotɨ iawasapota wae reta, jare kuimbae yepái uyerereko wae reta, jare kuña yepái wi uyerereko wae reta, jare kía uipɨsɨ wɨraa japicha owaka kía pe täta uyeyokui waerä wae reta, jare iyapuñoi wae reta, jare kía iyapu umbɨjeko waerä japicha wae reta. Jayawe Moisés arakae uikuatía wae ko jae oñono waerä teko pe ipotawe kía jeko ambɨe ye oï yemboe añetete wae wi.

Apocalipsis 18:23

Jae ramiño wi ndarau ye ma uyekuaa mechero jendɨ joko pe. Jare ndarau ye ma kía umenda joko pe. Jukuärái Tumpa uiporarakata oï Babilonia pe, echa’ä joko pewa mbaembae owaka wae reta uyembutuicha opaete ɨwɨ rupi. Jare jae nunga wi jokua tëta wasu pewa reta umbɨtawɨ opaete ɨwɨ pewa reta kërái ipaye wae reta upurumɨkañɨ wae echa.

Apocalipsis 21:27

Erëi ndarau etei uike joko pe ipotawe mbae ikɨa oï Tumpa kotɨ wae. Jare ndarau uike wi joko pe jeko kachi wae reta jare iyapu wae reta. Jaeño uiketa joko pe Owecha kuimbae taurusu wae itupapire pe jee uyekuatía oï wae reta. Jae ko jokua tupapire tekowe opa mbae wae onoi wae reta jee uyekuatía oï pɨpe wae.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.