Apocalipsis 22:14 - Biblia

¹⁴ “Uyekouete ñonoï opaete ikɨa mbae Tumpa kotɨ ñonoï wae reta. Echa’ä jae reta uiketa ipɨawiwe rewe öke reta rupi kua tëta wasu pe, jare jouta reta ɨwɨra ía tekowe umee wae,” jei.

Guaraní Pe (Western): Simba

¹⁴ Piyapo yave yandeYa iporoyocui reta, piyeroviata co. Echa'ã piyapo yave, pepuereta peu ɨvɨra tecove opa mbae vae pegua ía, jare pepuereta pique jocua tenta guasu pe jonque reta rupi —jei—.

Apocalipsis 22:14 Iomraidhean Croise

Génesis 2:9

Jare Tumpa umbɨyekuaa jokua mbaewɨyerenda pe opaete ɨwɨra reta umee ía ikawi uyekuaa wae jare ikawi ko yau waerä wae. Jae ramiño wi oñono jokua mbaewɨyerenda mbɨte pe mokui ɨwɨra ambɨe ye ye wae. Pëti ko ɨwɨra ía tekowe umee wae, jare ïru ko ɨwɨra ía uikuaaka ikawi wae jare ikawi mbae wae.

Génesis 3:22

Joko wi Tumpa jei: “Mase, añawe kua kuimbae uikuaa oï ikawi wae jare ikawi mbae wae re yande rami. Erëi añawe, awɨye tueki tou wi jokua ɨwɨra ía tekowe umee wae. Echa’ä jou yawe, jekowe iyapɨta’ä,” jei.

San Juan 10:7

Jayawe Jesús jei wi chupe reta: “Che tae pewe añetete wae, che ko jae jokua owecharokai jöke rami. Echa’ä che rupiño ko ipuere uike kía Tumpa jëta pe,” jei.

San Juan 10:9

“Che ko jae owecharokai jöke rami,” jei. “Ime yawe kía uñepɨ̈ro cheré wae, che aepɨta ko. Jae ikota pëti owecha ipɨawiwe wae rami. Jae ipuereta oë oo ukaru uyemɨngapɨɨ kapii re rami. Jare mbae uyamondo yawe, ipuereta osi oo jokai pe uike uñepɨ̈ro waerä. Jukuärái ko, echa’ä iyandarekoa umae kawi oï jese ramo,” jei chupe reta.

San Juan 14:15

Jare Jesús jei wi jemimboe reta pe: “Pe reta añetete cherau yawe, jayawe piyapota peï che jae wae rupi.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 4:12

Jare wi, ¿këraita pa nde ndepuere nemee orewe ɨ ikawiete wae kua ɨ wi? Yanderamɨkue Jacob etei ko oyoo arakae kua ɨkua ueya orewe. Jare jae etei, jare taɨ reta, jare opaete jɨmba reta wi kua ɨkua wi jou ɨ. ¿Nde yerá ndepuerete chuwi?” jei chupe.

1 Corintios 7:19

Echa’ä judío ko yande wae mbae’ä ko. Jare jukuärái wi judio’ä ko yande wae mbae’ä ko. Erëi jaeño ko ikawiete yayapo waerä Tumpa jei yandewe wae.

1 Corintios 8:9

Erëi yepe tëi pepuere peu ipotawe tembiu pepɨawiwe rewe, jesewe piyandareko kawi piyé. Echa’ä ïru hermano ndeiño ipɨräta Tumpa kotɨ wae ipuere opia Tumpa jape wi mbae peu wae jeko pewa.

1 Corintios 9:5

Jare nduipota yawe, orepuere wi numenda tëi kuña Cristo re wɨrowia wae ndiwe jare orepuere nduraa tëi orerupie. Jukuärái uyapo ïru kuimbae reta Cristo omondo wae, jare Pedro, jare yandeYa tɨwɨ reta wi. Jare jukuärái ore orepuere tëi nduyapo wi.

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

1 Juan 3:3

Kua añetete uyeyapota ko. Jare opaete kua uäro ñonoï wae reta wɨrɨ̈ro mbae kachi wae, echa’ä jae reta uipota yureko jupi Cristo rami.

1 Juan 5:3

Jare imeta ko yayapo Tumpa jei wae rupi, echa’ä jukuärái rupi yaau Tumpa. Jare mbaetɨ ko yawái yayapo waerä Tumpa jei wae rupi.

Apocalipsis 2:7

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou reta waerä ɨwɨra ía Tumpa jëta pe oï wae. Jae ko ɨwɨra tekowe umee wae.’ Jukuärái ikuatía,” jei chewe.

Apocalipsis 21:12

Jare tëta wasu ime onoi ikësea tuicha kawi jare ɨwate. Jare ime onoi doce jöke. Jare pëti pëti jöke pe oï pëti araɨwa uyandareko waerä jese. Jare pëti pëti öke re uyekuatía oï pëti Israel pewa reta iyɨpɨ jee.

Apocalipsis 21:27

Erëi ndarau etei uike joko pe ipotawe mbae ikɨa oï Tumpa kotɨ wae. Jare ndarau uike wi joko pe jeko kachi wae reta jare iyapu wae reta. Jaeño uiketa joko pe Owecha kuimbae taurusu wae itupapire pe jee uyekuatía oï wae reta. Jae ko jokua tupapire tekowe opa mbae wae onoi wae reta jee uyekuatía oï pɨpe wae.

Apocalipsis 22:2

Jare usɨrɨ tëta wasu icalle mbɨte rupi. Jare ɨ wasu jembeɨ rupi oyowai rewe ñonoï ɨwɨra ía tekowe umee wae reta. Jokua ɨwɨra reta umee ía doce wese opa año rupi – jae ko opa yasɨ rupi pëti wese. Jare ɨwɨra jokɨ ikawi ɨwɨ pewa reta uñepɨano pɨpe waerä.

Apocalipsis 22:7

“YandeYa jei: ‘Mase, ayu yeta jupiwoiño. Aikuaaka ma kua tupapire rupi mbaembae uasata oï wae. Jayawe uyekouete ñonoï kua ñee uipɨsɨ wae reta,’ jei,” jei araɨwa chewe.

Apocalipsis 7:14

“Aikuaa’ä etei. Nde ndikuaa,” jae chupe. Jayawe jae jei chewe: “Kua reta ko jae uasa mbaesusere wasu rupi wae. Oyoe ma reta jemimonde jare umɨtïi reta Owecha kuimbae taurusu wae juwɨ pe,” jei.