Apocalipsis 21:7 - Biblia

⁷ “Jare ikawi mbae wae umɨamɨri wae reta pe ameeta opaete kua mbaembae ipɨau wae reta. Che etei aikota jae reta iTumparä jare jae reta yurekota cheraɨ retarä,” jei.

Guaraní Pe (Western): Simba

⁷ Upurumɨamɨri vae reta pe ameeta imbaerã opaete mbaembae. Che etei aicota jae reta iTumparã jare jae reta yugüɨrecota cheraɨ retarã —jei—.

Apocalipsis 21:7 Iomraidhean Croise

Génesis 17:8

“Kua ɨwɨ Canaán nde neï pɨpe wae pëti ambɨe ɨwɨ pewa rami, ameeta aï ndewe nemaerä jare niñemoñaa reta imaerä wi jaeño mái pewa. Jare che aikota jae reta iTumparä,” jei Tumpa Abraham pe.

San Mateo 19:29

“Jare ime yawe kía ueya jëta, jare tɨkeɨ reta, jare tɨwɨ reta, jare jindɨ reta, jare tu, jare ichɨ, jare isambiaɨ reta, jare iko reta wi chereko pewa wae, cien wese ye ko uñemɨñatimata chupe, jare onoita imaerä tekowe opa mbae wae,” jei chupe reta.

San Mateo 25:21

“Jayawe karái jei chupe: ‘Jaekawi ndiyapo. Nde ko jae ndiyeyokui kawi chewe wae jare ndorowia katu wae,’ jei chupe. ‘Ndiyeyokui kawi ma chewe kua mbowɨ wae re. Jáeramo añawe ameeta ndepo pe jeta ndiyandareko waerä jese. Yakaru kawita yayerowia rewe,’ jei chupe,” jei.

San Mateo 25:34

“Joko wi che mburuwicha wasurä aïta wae, jaeta cheakata kotɨ ñonoï wae reta pe: ‘CheRu uyapo ma pewe piyekou waerä che ndiwe che opaete wae imburuwicha wasurä aï wae re. CheRu kua uyapɨkatu ma pewe ɨwɨ uyembɨpɨ wiwe. Peyu piyekou jese.

Marcos 10:17

Jayawe Jesús joko wi oo ye jemimboe reta ndiwe. Jare yuraa yureko reta rambuewe, aramoiño pëti kuimbae osi ou owäiti. Jare uñeñono itawa re Jesús jowai jare jei chupe: “Oporomboe wae, jupi wae ko nde. ¿Mbae pa ayapota tekowe opa mbae wae anoi waerä?” jei chupe.

Romanos 8:14

Añetete ko, Tumpa taɨ añetete wae reta jae ko kía kía Espíritu Santo uparawɨkɨ oï jese wae.

Romanos 8:19

Jare opaete mbaembae Tumpa uyapo wae uäro ñonoï wi ikɨrëɨete rewe jokua ara. Echa’ä jokua ara Tumpa yandekuaakata oï opaete wae pe yande ko jae Tumpa taɨ reta wae.

2 Corintios 6:16

¿Këraita ra kía oñono yawe tumparaanga reta tupao wasu japɨpe? Ndarau ikawi. Jare yande reta ko jae jokua tupao wasu rami, echa’ä Tumpa imeño mái iko wae yandepɨte pe oï ramo. Jukuärái jei Tumpa iñeerɨru pe. Echa’ä joko pe Tumpa jei yandewe kuärái: “Che aikota jare awatata cherëtara reta ndiwe. Che aikota jae reta iTumparä, jare jae reta yurekota chemaerä,” jei.

2 Corintios 6:18

Che aikota peRurä, jare pe reta pikota cheraɨrä jare cherayɨrä.” Jukuärái jei yandeYa imbaepuerete wae.

Hebreos 8:10

Erëitu taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: Che añonota aï chiñee jae reta ipɨa pe, jare jukuärái jae reta opata uikuaa kawi. Che aikota jae reta iTumparä jare jae reta yurekota chemaerä.

1 Pedro 3:9

Kía mbae ikawi mbae wae uyapo pewe yawe, awɨye pemɨñatima chupe ikawi mbae wae rupi. Jae ramiño wi kía mbae kachi wae jei pewe yawe, awɨye pemɨñatima chupe. Jaeño pere chupe: “Tumpa tuyapo ikawi wae ndewe.” Echa’ä Tumpa pereni ma piyapo waerä ikawi wae ïru wae reta pe. Jare jukuärái piyapo yawe, Tumpa uyapota ikawi wae pewe wi.

Apocalipsis 2:11

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta ndarau etei uiporara mano mokuía re.’ Jukuärái ikuatía,” jei chewe.

Apocalipsis 2:17

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou waerä jokua maná ara pewa añawe uñeñomi oï wae. Jare ameeta chupe reta wi pëti ita raɨ tïi wae uyekuatía oï jese pëti tee ipɨau wae. Jare jokua tee uikuaata’ä kiawe – jaeño jokua ameeta chupe wae uikuaata.’ Jukuärái ikuatía,” jei chewe.

Apocalipsis 2:25

jekuaeño piyapo jokua piyapo peï wae che ayu ye rewa.

Apocalipsis 2:7

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou reta waerä ɨwɨra ía Tumpa jëta pe oï wae. Jae ko ɨwɨra tekowe umee wae.’ Jukuärái ikuatía,” jei chewe.

Apocalipsis 21:3

Jare ayandu pëti ñee ara wi usapɨkai rewe jei: “Mase, añawe wiwe Tumpa jëta oï ɨwɨ pewa reta ipɨte pe. Tumpa ikota jae reta ndiwe jare jae reta yurekota Tumpa imaerä. Jare Tumpa etei ikota jae reta iTumparä,” jei.