Apocalipsis 21:4 - Biblia

⁴ “Jare Tumpa oyoeta opaete jae reta jesaɨ. Ndarau ye ma kía umano, jare ipɨatɨtɨ, jare uyao. Jare ndarau ye ma jasɨ kía pe mbae. Echa’ä añawe opa ma mbaembae ipɨau. Jare ndarau ye ma uyekuaa tenonde mbaembae ime iko wae reta,” jei.

Guaraní Pe (Western): Simba

⁴ Jare Tumpa oyoeta opaete jesaɨ reta. Ndarau ye quía umano. Ndarau ye quía ipɨatɨtɨ. Ndarau ye quía uyao. Ndarau ye mbae jasɨ quía pe. Echa'ã mbaembae tenonde ico vae reta mbaetɨ ma —jei.

Apocalipsis 21:4 Iomraidhean Croise

San Mateo 24:35

“Pepuere pikuaa kua ñee che jae aï pewe wae añetete ko. Echa’ä yepe tëi ara jare ɨwɨ opata ko, erëi chiñee ndaraúi opa,” jei chupe reta.

1 Corintios 15:26

Jare towaicho taɨkuewaete wae jae umɨamɨrita onoi wae jae ko mano.

1 Corintios 7:31

Jare yepe tëi ime penoi mbaembae kua ɨwɨ pewa, erëi awɨye piko jokua mbaembae pewaräño. Echa’ä koiño ma oï kua ɨwɨ opa waerä.

2 Corintios 5:17

Jayawe ime yawe kía pëti ramiño oï Cristo re wae, jae ko Tumpa jembiapo ipɨau wae. Jae jeko indechikue uasa ma. Mase, añawe jae ko ipɨau wae.

2 Corintios 6:17

Jae nunga wi yandeYa jei yandewe kuärái: “Jáeramo pe cherëtara mii reta, pesɨrɨ mbae ikawi mbae uyapo wae reta wi. Piyembɨsɨrɨ chuwi reta. Awɨye pepɨa pemɨngɨa mbae ikawi mbae wae piyapo wae rupi. Jare che amae kawita peré.

Hebreos 12:27

Jare kua “pëti wese ye” jei wae uipota jei “opaete cherembiapo reta ipuere omɨ wae opata ambɨyapɨ,” jei Tumpa. Echa’ä Tumpa uipota jaeño jokua mbaembae ipuere’ä omɨ wae jekuaeño oï waerä – jae ko mbaembae opa mbae wae pewa.

2 Pedro 3:10

Erëi ou uwäe yawe jokua ara yandeYa pewa, outa oï pëti imonda wae pɨ̈tu yawe ou wae rami. Jayawe ara añawe yaecha ñaï wae opata ukañɨ täta jɨapu rewe. Jare opaete mbaembae ara re ñonoï wae reta opata uyembái jendɨ rewe. Ɨwɨ jare opaete mbaembae ɨwɨ pe ñonoï wae reta opata okai.

1 Juan 2:17

Jare kua ɨwɨ jeko opata oï. Jare jukuäraiete wi opata mbaembae ɨwɨ pewa reta uipota wae. Erëi ipotawe kía uyapo Tumpa jei wae ikota jaeño mái pewa. Jukuäraita ko.

Apocalipsis 20:14

Jare opaete kía kía jee uyekuatia’ä oï jokua tupapire pe wae reta Tumpa opa omomboka reta Tatawasurenda pe. Kua ko jae mano mokuía jei chupe reta wae. Jare joko wiwe ndarau ye ma ime mano jare umanokue wae reta jenda, echa’ä jokua mbaembae opa ma ukañɨ tata wasu pe.

Apocalipsis 21:1

Joko wi aecha ara ipɨau wae jare ɨwɨ ipɨau wae, echa’ä ara jare ɨwɨ tenonde ikose wae opa ma uasa. Jare mar mbaetɨ ma wi.

Apocalipsis 22:3

Jare joko pe ndarau ye ma ime yepɨpeyu. Jare Tumpa jare Owecha kuimbae taurusu wae iwapɨa oïta joko pe. Jare uyeyokui chupe wae reta umbutuichata jae jee.

Apocalipsis 7:17

Echa’ä Owecha kuimbae taurusu wae wapɨa mburuwicha wasu pewa pe oï wae uyandarekota oï jese reta. Jare jae wɨraata oï reta ɨkua ɨwororo jekuaeño oë wae pe, joko pe jou reta waerä ɨ tekowe umee wae. Jare Tumpa etei oyoeta jesaɨ chuwi reta.” Jukuärái jokua mburuwicha jei chewe.