Apocalipsis 21:3 - Biblia

³ Jare ayandu pëti ñee ara wi usapɨkai rewe jei: “Mase, añawe wiwe Tumpa jëta oï ɨwɨ pewa reta ipɨte pe. Tumpa ikota jae reta ndiwe jare jae reta yurekota Tumpa imaerä. Jare Tumpa etei ikota jae reta iTumparä,” jei.

Guaraní Pe (Western): Simba

³ Jare ayandu penti ñee ara güi. Iñeeãta reve jei: —Mase, Tumpa ime ma ico ɨvɨ pegua reta ndive. Jae icota jae reta ndive. Ɨvɨ pegua reta yugüɨrecota Tumpa imbaerã, jare Tumpa icota jae reta ndive. Tumpa eteiño icota jae reta iTumparã —jei—.

Apocalipsis 21:3 Iomraidhean Croise

Éxodo 25:8

“Jokua mbaembae pewa iyapoka chewe tupao che aï waerä pɨpe pepɨte pe. Iyapoka pepuere waerä pembɨyemboɨ yawái mbae jare peki ye peraa pe reta ndiwe,” jei.

Jeremías 31:33

Erëitu taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: Che añonota aï chiñee jae reta ipɨa pe, jare jukuärái jae reta opata uikuaa kawi. Che aikota jae reta iTumparä jare jae reta yurekota chemaerä.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 14:23

Jare Jesús jei chupe: “Cherau wae uyapota chiñee rupi. Jare cheRu uauta jae. Jare che jare cheRu mokui rewe ndoyuta nduiko waerä jae ndiwe. Jayawe che ayekuaakata chupe,” jei.

2 Corintios 6:16

¿Këraita ra kía oñono yawe tumparaanga reta tupao wasu japɨpe? Ndarau ikawi. Jare yande reta ko jae jokua tupao wasu rami, echa’ä Tumpa imeño mái iko wae yandepɨte pe oï ramo. Jukuärái jei Tumpa iñeerɨru pe. Echa’ä joko pe Tumpa jei yandewe kuärái: “Che aikota jare awatata cherëtara reta ndiwe. Che aikota jae reta iTumparä, jare jae reta yurekota chemaerä,” jei.

2 Corintios 6:18

Che aikota peRurä, jare pe reta pikota cheraɨrä jare cherayɨrä.” Jukuärái jei yandeYa imbaepuerete wae.

1 Tesalonicenses 3:11

Jayawe yandeRu Tumpa etei jare yandeYa Jesucristo tuipea mii orewe tape orepuere waerä ndoo ye ndopou mii pepɨ.

Hebreos 11:16

Erëi jukuärai’ä uyapo reta. Jae reta ikɨrëɨete yureko pëti ɨwɨ ikawiete ye wae pe – jae ko ɨwɨ ara pe oï wae pe. Jáeramo Tumpa uyerowiaete jae reta iTumparä iko ramo. Jukuärái yaikuaa, echa’ä Tumpa uyapɨkatu pëti tëta wasu jae reta imaerä ara pe.

Hebreos 8:10

Erëitu taɨkuete rupi ayapota aï pëti yemɨngeta ipɨau wae Israel iñemoñaa reta ndiwe. Jae ko kua: Che añonota aï chiñee jae reta ipɨa pe, jare jukuärái jae reta opata uikuaa kawi. Che aikota jae reta iTumparä jare jae reta yurekota chemaerä.

Hebreos 8:2

Joko pe oï wi pëti yembɨadorarenda jaete wae Tumpa etei uyapo wae. Jokua mbaetɨ ko kuimbae reta uyapo wae. Jare joko pe Jesús uyapo oï iparawɨkɨ sacerdote pewa yanemaerä.

Apocalipsis 10:4

Jare chiu wese ma ara jɨapu yawe, che aikuatiata ma aiko tëi kua ayandu wae. Erëi ara wi ayandu jei chewe: “Awɨye ikuatía jokua chiu wese ara jɨapu uyendu ndewe wae. Ndeeño ko ndikuaata,” jei.

Apocalipsis 10:8

Jare ara wi ayandu ye ñee jei chewe: “Ekua jokua araɨwa onoi ipɨ mar re jare ɨwɨ re wae jowai. Jare ipɨsɨ ipo wi jokua tupapire uyepea oï wae,” jei chewe.

Apocalipsis 12:10

Jayawe ara pe ayandu ñee usapɨkai rewe jei: “Añawe uwäe ma ara yandeTumpa opa uepɨ waerä jese wɨrowia wae reta, jare uyekuaa waerä imbaepuere tuicha wae. Echa’ä añawe jae uyeyapo ma opaete wae imburuwicha wasurä jaeño mái pewa. Añawe wiwe Cristo onoita opaete mbaepuere. Echa’ä Tumpa omomboka ma Añawasu ara wi. Jare Añawasu ndarau ye ma uyemboɨ Tumpa jowai umbɨjeko waerä yandehermano reta. Echa’ä jukuärái jae uyapose opa ara rupi jare opa pɨ̈tu rupi, erëi añawe ndarau ye ma uyapo chupe reta jukuärái.

Apocalipsis 21:7

“Jare ikawi mbae wae umɨamɨri wae reta pe ameeta opaete kua mbaembae ipɨau wae reta. Che etei aikota jae reta iTumparä jare jae reta yurekota cheraɨ retarä,” jei.

Apocalipsis 22:3

Jare joko pe ndarau ye ma ime yepɨpeyu. Jare Tumpa jare Owecha kuimbae taurusu wae iwapɨa oïta joko pe. Jare uyeyokui chupe wae reta umbutuichata jae jee.

Apocalipsis 7:15

“Jáeramo añawe ñonoï reta Tumpa joo pe iwapɨa jowai uyeyokui reta waerä chupe ara rupi jare pɨ̈tu rupi,” jei. “Jare jokua imburuwicha wasu iwapɨa pe uwapɨ oï wae uyandarekota oï jese reta.