Apocalipsis 21:23 - Biblia

²³ Jare jokua tëta wasu pewa reta ndarau ueka warasɨ jare yasɨ, echa’ä Tumpa imbaepuere jembipe ye wae jare Owecha kuimbae taurusu wae etei jembipeta tëta wasu re.

Guaraní Pe (Western): Simba

²³ Jare tenta guasu pegua reta ueca'ã guarasɨ jare yasɨ umɨembipe vaerã. Echa'ã Tumpa jare Ovecha-raɨ jocua tenta guasu pegua reta jembipe co.

Apocalipsis 21:23 Iomraidhean Croise

San Mateo 16:27

“Che jae pewe kua mbaembae, echa’ä pëti ara che kuimbaerä ayeyapo wae ayu yeta aï cheRu imbaepuere jembipete rewe jare chearaɨwa reta ndiwe. Jare jayawe amɨñatimata aï pëti pëti wae pe mbae uyapo wae rupi,” jei.

Marcos 8:38

“Añetete kua ɨwɨ pe añawe ñonoï wae reta uyerowa ma Tumpa wi jare uyawɨ reta ma jeta ikotɨ. Jare ime yawe kía imara chewi jare chiñee wi kua reta jowai, che kuimbaerä ayeyapo wae chemarata wi chuwi che ayu ye yawe. Echa’ä ayu yeta ko aï. Jare ayu ye ma yawe, ayuta cheRu imbaepuere jembipete rewe jare araɨwa Tumpa oñono tee wae reta ndiwe.” Jukuärái jei Jesús jemimboe reta pe.

San Lucas 2:32

Jae ikota pëti tembipe rami judío mbae wae reta pe, echa’ä jae ndekuaakata oï chupe reta. Jare jae orembutuichata oï, ore Israel pewa nduiko wae reta, echa’ä ore ko jae nde oreparawo wae reta.” Jukuärái jei Simeón.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 1:4

Jae ko tekowe iYa. Jare jae jekowe rupi uikuaaka ɨwɨ pewa reta pe Tumpa rewa kërái tembipe umbɨembipe pɨ̈tumimbi pe wae rami. Jare pɨ̈tumimbi ndarau etei ombowe jokua tembipe.

San Juan 1:9

Echa’ä jokua tembipe uyekuaata ma iko kua ɨwɨ pewa reta pe. Jae añetete pewa ko, jare uikuaaka ɨwɨ pewa reta pe Tumpa rewa.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

Hechos 22:11

“Jayawe che ndiwe yuraa wae reta chepoko chereraa cheruwäe Damasco pe, echa’ä cheresa’ä apɨta jokua tembipe jeko pewa,” jei.

Apocalipsis 14:4

Jare jae reta uyemɨngɨa’ä Tumpa kotɨ. Kërái pëti kuimbae uyapo’ä etei awasa wae rami, kua reta jekuaeño jupi Tumpa kotɨ. Jae reta umɨïru oï Owecha kuimbae taurusu wae ipotawe kerupi oo wae rupi. Jae uepɨ kua reta ɨwɨ pewa reta ipɨte wi oñono tee reta waerä jae imaerä jare Tumpa pewarä wi.

Apocalipsis 18:1

Joko wi aecha ïru araɨwa uweyɨ ou ara wi tuicha imbaepuere rewe. Jare araɨwa imbaepuere uyekuaa tembipe rami jare umbɨembipe ɨwɨ re.

Apocalipsis 21:11

Jokua tëta wasu wi oë Tumpa imbaepuere jembipe ye wae. Jáeramo tëta wasu uwera pëti ita uweraete ye wae rami – jae ko pëti ita ipöraete wae jare jesäka wae jaspe jee wae rami.

Apocalipsis 21:25

Jare tëta wasu jöke reta ndarau etei uyeyukenda, echa’ä ndarau ime pɨ̈tu joko pe.

Apocalipsis 22:5

Jare ndarau ime joko pe pɨ̈tu. Jare ndarau uiporu reta mechero jare warasɨ jembipe, echa’ä yandeYa Tumpa etei jembipeta chupe reta. Jare jae reta yurekota mburuwicharä jaeño mái pewa.

Apocalipsis 5:6

Jayawe aecha pëti Owecha kuimbae taurusu wae. Jare jete re uyekuaa ipere jendakue. Chemaerä jae chawaa jokua uyuka reta wae. Jae uyemboɨ oï jokua mburuwicha iwapɨa jare jokua irundɨ mbae tekowe onoi wae reta ipäu pe, jokua mburuwicha reta ipɨte pe. Jae onoi chiu jäti jare chiu jesa. Jare jokua chiu jesa uyembɨjaanga oï Tumpa iEspíritu chiu wese ye jupi wae Tumpa omondo opaete ɨwɨ rupi wae.

Apocalipsis 7:17

Echa’ä Owecha kuimbae taurusu wae wapɨa mburuwicha wasu pewa pe oï wae uyandarekota oï jese reta. Jare jae wɨraata oï reta ɨkua ɨwororo jekuaeño oë wae pe, joko pe jou reta waerä ɨ tekowe umee wae. Jare Tumpa etei oyoeta jesaɨ chuwi reta.” Jukuärái jokua mburuwicha jei chewe.