Apocalipsis 21:18 - Biblia

¹⁸ Jare tëta wasu ikësea ita ipöraete wae jaspe jee wae pewa ko. Jare tëta wasu etei oro yepái ko jare uwerasɨete vidrio jesäkasɨ wae rami.

Guaraní Pe (Western): Simba

¹⁸ Jare tenta guasu uñequẽse vae ita ipõra ete vae jaspe jee vae pegua co. Jare tenta guasu etei oro catuii. Jesãca vidrio rami.

Apocalipsis 21:18 Iomraidhean Croise

Apocalipsis 21:11

Jokua tëta wasu wi oë Tumpa imbaepuere jembipe ye wae. Jáeramo tëta wasu uwera pëti ita uweraete ye wae rami – jae ko pëti ita ipöraete wae jare jesäka wae jaspe jee wae rami.

Apocalipsis 21:19

Jare pëti pëti jokua tëta wasu ikësea iwapɨka uñemopöra oï ambɨe ye ye ita ipöraete wae pɨpe. Pëti wae uñemopöra oï ita jaspe jee wae pɨpe. Ïru uñemopöra oï zafiro jee wae pɨpe. Ïru uñemopöra oï ágata jee wae pɨpe. Ïru uñemopöra oï esmeralda jee wae pɨpe.

Apocalipsis 21:21

Jare jokua tëta wasu doce jöke reta ita ipöraete wae perla jee wae pewa ko. Pëti pëti öke reta uyeyapo pëti perla wiño. Jare tëta wasu icalle reta oro yepái ko jare jesäka vidrio ikɨa mbae wae rami.

Apocalipsis 4:6

Jare aecha wi jokua wapɨa jowai pëti ɨpa wasu echa. Jare jokua jesäkasɨ vidrio rami. Jare jokua mburuwicha iwapɨa iyɨpɨ rupi etei aecha irundɨ mbae tekowe onoi wae reta. Jae reta jete rupi onoi jeta jesa reta jenonde kotɨ jare jaɨkue kotɨ.