Apocalipsis 20:9 - Biblia

⁹ Jare che aecha jae reta yuweru opa ketɨ ketɨ wi jokua tëta wasu Tumpa uau wae kotɨ. Jare yuraa ma uwäe reta yawe joko pe, opa oñowa reta Tumpa oñono tee jae imaerä wae reta jokua tëta wasu pe. Erëi uyapo’ä reta mbae awe, echa’ä Tumpa ombou tata ara wi jare opa uapɨ reta.

Guaraní Pe (Western): Simba

⁹ Jare aecha quirãi jae reta yugüeru opaete Israel pegua reta iɨvɨ rupi jare uyere ñugüɨnoi jocua tenta guasu Tumpa uau vae re. Echa'ã joco pe yugüɨreco uñeñono tee Tumpa peguarã vae reta. Ẽrei Tumpa ombou tata ara güi, jare tata opa uapɨ reta.

Apocalipsis 20:9 Iomraidhean Croise

Génesis 19:24

Jayawe aramoiño Tumpa ombou ara wi tata jare azufre jendɨ wae tëta wasu reta Sodoma jare Gomorra re.

San Lucas 17:29

“Erëi jokua ara Lot jare jëtara reta ndiwe opa oë yawe Sodoma wi, Tumpa ombou ara wi tata azufre jendɨ wae ndiwe jare opa umbái opaetei jokua tëta wasu pewa reta. Jukuärái jae reta uyepokouka reta,” jei.

San Lucas 19:43

“Echa’ä outa uwäe ara perowaicho reta opa pekëse waerä jare ndarau umaeño peré peë pesi waerä,” jei. “Jae reta jeta umbatɨta ɨwɨ tëta wasu ikësea iyɨpɨ re jokoropi uyupi reta waerä. Jare jukuärái jae reta uiketa oï pewe ipotawe rupi,” jei.

San Lucas 21:20

“Jare pecha yawe sɨndaro reta opa oñowa ñonoï kua tëta wasu Jerusalén, pikuaata jae ma ko ou uwäe opa uyembái waerä,” jei.

San Lucas 9:54

Jayawe Jesús jemimboe reta Jacobo jare Juan kua uecha yawe, jei reta Jesús pe: “OreYa, ¿ndipota pa ore nduyapo waerä kërái arakae Elías uyapo wae rami? ¿Ndipota pa nduyerure waerä Tumpa pe ombou waerä tata ara wi opa uapɨ waerä kua tëta wasu raɨ pewa reta?” jei reta chupe.

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

Hebreos 13:13

Jáeramo yepe tëi jeta ñanerëtara judío reta opa wɨrɨ̈ro Jesucristo, erëitu yande reta yaya mii jese. Jare Jesucristo re yaya ramo, ñanerɨ̈rota reta wi. Aramoi yanemombota iyuwi reta. Erëitu ñamaeño jese reta.

Apocalipsis 11:5

Jare ime yawe kía uipota tëi uyapo ikawi mbae wae jokua mokui kuimbae reta pe wae, oëta tata jokua kuimbae reta iyuru wi jare opata uapɨ jowaicho reta jokua tata pɨpe. Jukuärái umanota kía uipota tëi mbae ikawi mbae uyapo chupe reta yawe.

Apocalipsis 13:13

Jare jokua bestia taɨkue aecha wae uyapo opa kërái rái mbaembae kuimbae retaño ipuere’ä uyapo wae. Jare tata awe ombou ara wi ɨwɨ pewa reta jowake.