Apocalipsis 20:3 - Biblia

³ Jare uñapɨ̈ti ma oñono yawe, omombo jokua ɨwɨkua wasu juwa mbae wae pe. Jare uyukenda kawi ɨwɨkua jöke illave pɨpe. Jukuärái uyapo awɨye waerä Satanás jekuaeño umbɨtawɨ ɨwɨ pewa reta jokua miri año rupi. Erëi miri año ma uasa yawe, araɨwa oyorata ko Satanás michi pewa.

Guaraní Pe (Western): Simba

³ Jayave omombo ɨvɨcua quɨpe ete vae pe. Jayave uyuquenda ɨvɨcua jonque jare oñono jese mbae agüɨye vaerã quía ipuere uipea ye. Jucuarãi uyapo agüɨye vaerã Satanás umbɨtavɨ ɨvɨ pegua reta mil año pegua. Ẽrei mil año opa ma yave, Satanás uyeyoraca yeta michi pegua.

Apocalipsis 20:3 Iomraidhean Croise

San Mateo 24:24

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

San Mateo 27:66

Jayawe jae reta yuraa uyukenda kawi teöwerenda jöke. Jare umɨseñara reta awɨye waerä kiawe uipea. Jare ueya joko pe sɨndaro reta uyandareko waerä teöwerenda re.

Marcos 4:15

Jare tape raɨ rupi temitɨ oa wae uyembɨjaanga oï amokue wae Tumpa iñee uyandu wae re. Kua nunga reta uyandu tëi Tumpa iñee. Erëi jupiwoiño ou Satanás jare opa umɨakañɨka reta Tumpa iñee wi,” jei chupe reta.

San Lucas 8:31

Jare aña reta jekuaeño umɨñera Jesús awɨye waerä omondo reta ɨwɨkua wasu juwa mbae wae pe.

2 Corintios 11:3

Erëi che ayembɨpɨa’ä aï peré. Aramoi pemaeñota piyembɨtawɨka kërái Eva uyembɨtawɨka jokua mboi ikatuete iyapu wae pe, jare jukuärái pikota’ä ma pekɨrëɨ ngatu rewe Cristo pewarä.

2 Pedro 3:8

Erëi cheïru puau mii wae reta, ikawi ko jekuaeño pemandúa waerä kua re: pëti ara jare pëti miri año oyowakeño ko oï yandeYa pewarä.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.

Apocalipsis 17:2

“Ɨwɨ pewa mburuwicha wasu reta uyapo awasa jokua kuña ndiwe. Jare jokua awasa ko vino rami ɨwɨ pewa reta pe. Jare jokua pɨpe jae reta opa usawɨpo rami ñonoï,” jei chewe.

Apocalipsis 17:8

Jayawe araɨwa jei wi chewe: “Kua bestia ndecha wae ikose tenonde yawe, erëi añawe mbaetɨ ma. Erëi uyekuaa yeta oï, echa’ä oëta ma oï ɨwɨkua wasu juwa mbae wae wi. Erëi jokua jaɨkue rupi Tumpa omombota Tatawasurenda pe jaeño mái pewa,” jei. “Jare ɨwɨ pewa reta ipɨakañɨeteta uecha yawe jokua bestia tenonde ikose wae uyekuaa ye ramo. Jae reta jee mbaetɨ uyekuatía oï ɨwɨ uyembɨpɨ wiwe Tumpa itupapire pe. Echa’ä jaeño tekowe opa mbae wae onoi wae reta jee uyekuatía oï jokua tupapire pe,” jei chewe.

Apocalipsis 20:1

Jayawe che aecha pëti araɨwa uweyɨ ou ara wi. Jare jae onoi ɨwɨkua wasu juwa mbae wae illave, jare ipo pe aecha pëti cadena tuicha wae.