Apocalipsis 20:11 - Biblia

¹¹ Joko wi aecha pëti wae uwapɨ oï iwapɨa mburuwicha wasu pewa pe. Jokua iwapɨa tïi jare tuicha. Jae imbaepuere jembipete ye ramo, ara jare ɨwɨ opa ukañɨ oo chuwi.

Guaraní Pe (Western): Simba

¹¹ Jare aecha penti guapɨa tĩ vae. Tuicha co. Jare aecha vi guapɨa pe uguapɨ oĩ vae. Ɨvɨ jare ara opa osi jae jovai güi. Jare mbaetɨ ma ɨvɨ jare ara jendarã.

Apocalipsis 20:11 Iomraidhean Croise

Génesis 18:25

Ndarau nembái jupi wae reta jupi mbae wae reta ndiwe. Ndarau jupi wae reta nemboyowakeño jupi mbae wae reta ndiwe. Nde ko jae opaete ɨwɨ pewa reta iYa jupi wae, jare ndiyapota jupi wae rupi,” jei Abraham Tumpa pe.

Salmo 102:26

Opaete jokua reta opata ko, erëi nde ndikota jaeño mái pewa. Opaete jokua reta indechita temimonde opa indechi wae rami. Jare kërái kía temimonde indechikue omombo wae rami jare joko wi omonde temimonde ipɨau wae, jukuärái wi nde ndiyapota uyeyapo waerä opaete mbaembae ara re oï wae pe.

San Mateo 11:22

“Jáeramo che tae pewe jokua ara ɨwɨ pewa reta uyemboɨ yawe Tumpa jowai Tumpa umbɨjeko reta waerä, Corazín jare Betsaida pewa reta tätaete ye uiporarata ñonoï Tiro jare Sidón pewa reta wi,” jei.

San Mateo 24:35

“Pepuere pikuaa kua ñee che jae aï pewe wae añetete ko. Echa’ä yepe tëi ara jare ɨwɨ opata ko, erëi chiñee ndaraúi opa,” jei chupe reta.

San Mateo 25:31

“Che kuimbaerä ayeyapo wae, che ayu yewɨ yawe chembaepuere jembipete rewe, aruta opaete araɨwa reta che ndiwe. Jayawe che awapɨta aï chewapɨa mburuwicha wasu pewa ikawiete ye wae re,” jei.

Romanos 2:5

Erëi nde ndipota’ä ndeya jare jekuaeño ndepɨatäta neï. Jare jokua jeko pewa Tumpa iarasɨ wasu jekuaeño ukuakuaa oï ndekotɨ. Jare Tumpa jokua uitɨta oï nderé uwäe yawe ara opaete ɨwɨ pewa reta uyemboɨ waerä jae jowai jae jei waerä jae reta jeko re. Jare jokua ara ramo Tumpa uiporarakata oï ndewe täta rupi.

2 Pedro 3:7

Jare jae nunga wi añawe rupi ara jare ɨwɨ, Tumpa iñee rupi oñono tee oï ara taɨkuewa rewa. Jokua ara opaete wae uyemboɨta ñonoï jae jowai jare jae uiporarakata oï opaete uipɨu mbae chuwi wae reta pe. Jare jokua ara ramo Tumpa opata umbái oï tata pɨpe kua ɨwɨ jare opaete mbaembae ara re ñonoï wae.

Apocalipsis 12:8

Erëi dragón jare iaraɨwa reta opa jamɨri, jare mbaetɨ ye ma jendarä ara pe.

Apocalipsis 16:20

Jare ɨwɨ ukäta yawe, opaete ɨwɨ ɨ mbɨte pe ñonoï wae reta opa ukañɨ ɨ pe, jare jae nunga wi ɨwɨtu wasu reta mbaetɨ ma.

Apocalipsis 19:11

Jayawe che aecha ara uyepea oï. Jare aecha pëti kawayu tïi wae. Jare opo jese wae ko jee Tumpa Iñee. Jesa uyekuaa kërái tata jendɨ wae rami, jare iñäka re onoi jeta corona mburuwicha wasu pewa reta. Jare jae jemimonde tuwɨ yepái. Jae ko jekuaeño jupi uyapo wae jare añetete wae umɨmbeu wae. Jae jupi rupi upurumbɨjeko, jare uñeräro jowaicho reta ndiwe. Jare uyekuatía oï jese pëti tee kiawe uikuaa’ä wae. Jaeño uikuaa wae.

Apocalipsis 20:2

Jare araɨwa uipɨsɨ jokua dragón. Jae ko jokua mboi arakaete Eva umɨngeta wae. Jae ko Añawasu, jare jee ko Satanás. Jayawe araɨwa uñapɨ̈ti oñono Satanás cadena pɨpe miri año pewa.

Apocalipsis 21:1

Joko wi aecha ara ipɨau wae jare ɨwɨ ipɨau wae, echa’ä ara jare ɨwɨ tenonde ikose wae opa ma uasa. Jare mar mbaetɨ ma wi.

Apocalipsis 21:5

Jare jokua wapɨa pe uwapɨ oï wae jei: “Mase, ayapo pɨau ye aï opaetei mbaembae reta,” jei. Jare jei wi chewe: “Ikuatía kua chiñee, echa’ä kua añetete ko jare opaete wae ipuere wɨrowia katu jese,” jei chewe.

Apocalipsis 4:2

Jare jupiwoiño Espíritu Santo uechaka chewe amokue mbaembae. Jae chembɨpau wae echa, jare jukuärái aecha ara pe pëti mburuwicha wasu iwapɨa. Jare aecha wi kía joko pe uwapɨ oï.

Apocalipsis 6:14

Jare ara etei uyembapúa pëti tupapire yambapúa wae rami, jare ukañɨ. Jare opaete ɨwɨtu wasu reta jare ɨwɨ ɨ mbɨte pe ñonoï wae reta usɨrɨ jenda wi.