Apocalipsis 20:1 - Biblia

¹ Jayawe che aecha pëti araɨwa uweyɨ ou ara wi. Jare jae onoi ɨwɨkua wasu juwa mbae wae illave, jare ipo pe aecha pëti cadena tuicha wae.

Guaraní Pe (Western): Simba

¹ Jare aecha penti ángel ugüeyɨ ou ara güi. Jae güɨnoi ɨvɨcua quɨpe ete vae illave, jare ipo pe aecha penti cadena tuicha vae.

Apocalipsis 20:1 Iomraidhean Croise

San Lucas 8:31

Jare aña reta jekuaeño umɨñera Jesús awɨye waerä omondo reta ɨwɨkua wasu juwa mbae wae pe.

2 Pedro 2:4

Yaikuaa Tumpa uiporarakata oï chupe reta, echa’ä araɨwa retawe ipuere’ä oyepe Tumpa iarasɨ wi arakaete uyawɨ reta Tumpa kotɨ yawe. Echa’ä Tumpa ara wi omombo reta pɨ̈tumimbiete oï wae pe, jare joko pe uñeñapɨ̈ti ñonoï reta ara taɨkuewa uwäe rewa. Jare jokua ara uwäe yawe, uyemboɨta reta Tumpa jowai Tumpa uiporaraka waerä chupe reta jaeño mái pewa.

Judas 1:6

Jare yanemandúa wi arakae mbae uasa amokue araɨwa reta pe. Yepe tëi Tumpa umee chupe reta mbaepuere ara pe, erëi uwäe ara jae reta uipota’ä jokua mbaepuere jare opa ueya reta jenda ara pewa. Jáeramo Tumpa omombo reta kiape pɨ̈tumimbiete oï wae pe, jare joko pe jae reta uñeñapɨ̈ti ñonoï ara taɨkuewa uwäe rewa. Jare jokua ara uwäe yawe, uyemboɨta reta Tumpa jowai Tumpa uiporaraka waerä chupe reta jaeño mái pewa.

Apocalipsis 1:18

“Che ko jae ikoño mái wae. Amano, erëi mase, añawe aiko jaeño mái pewa. Jare che ime anoi mbaepuere mano re jare umanokue wae reta jenda re wi,” jei.

Apocalipsis 10:1

Jare che aecha ïru araɨwa ipɨrätaete wae uweyɨ ou ara wi. Jae uñeñowa oï amapɨ̈tu pe, jare iñäka re oï yɨɨ. Jare jowa jembipete warasɨ rami. Jare ipɨta wiwe iu rewa tata jendɨ oï wae echa chewe.

Apocalipsis 18:1

Joko wi aecha ïru araɨwa uweyɨ ou ara wi tuicha imbaepuere rewe. Jare araɨwa imbaepuere uyekuaa tembipe rami jare umbɨembipe ɨwɨ re.

Apocalipsis 20:3

Jare uñapɨ̈ti ma oñono yawe, omombo jokua ɨwɨkua wasu juwa mbae wae pe. Jare uyukenda kawi ɨwɨkua jöke illave pɨpe. Jukuärái uyapo awɨye waerä Satanás jekuaeño umbɨtawɨ ɨwɨ pewa reta jokua miri año rupi. Erëi miri año ma uasa yawe, araɨwa oyorata ko Satanás michi pewa.