Apocalipsis 2:9 - Biblia

⁹ Jare che tae Esmirna pewa cheré wɨrowia wae reta pe kuärái: Che aikuaa opaete mbae piyapo wae, jare kërái piporara jare peparawete (erëi añetete pikokatu peï Tumpa kotɨ). Aikuaa wi jei ñonoï ñee kachi pekotɨ jokua judío jei tëi iyupe wae reta. Jae reta uyererowia tëi Tumpa pewa reta ko, erëi jukuärai’ä ko. Jae reta ko uyembatɨ Satanás jee re uikuaa mbae rewe.

Guaraní Pe (Western): Simba

⁹ Che aicuaa peparavɨquɨ jare quirãi piporara jare peparavete (ẽrei picocatu co Tumpa cotɨ). Aicuaa vi quirãi jocua judío-raanga reta jei icavi mbae vae pecotɨ. Yepe tẽi jei reta: Ore co jae judío reta, ẽrei jae'ã co. Echa'ã jae reta uyapo Satanás jembiapo.

Apocalipsis 2:9 Iomraidhean Croise

San Mateo 4:10

Jayawe Jesús jei chupe: “Esɨrɨ chewi, Satanás. Echa’ä Tumpa iñeerɨru pe uyekuatía oï kuärái: ‘Tumpa jeeño ko pembutuichata, jare chupeño ko piyeyokuita.’ Jukuärái uyekuatía oï,” jei chupe.

San Lucas 12:21

Jayawe Jesús jei wi chupe reta: “Jukuärái etei ko uasata oï ipotawe kía umbatɨ mbaembae imaeräño wae pe, jare ikokatu’ä oï yawe Tumpa kotɨ,” jei chupe reta.

San Lucas 22:65

Jare jeta mbaembae kachi wae jei reta chupe.

San Lucas 4:18

“Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Lucas 6:20

Jayawe Jesús umae jemimboe reta re jare jei chupe reta: “Peparawete peï wae reta, piyekoueteta peï kuri. Echa’ä pe reta pikota Tumpa ndiwe jae oï ma yawe opaete wae imburuwicha wasurä jaeño mái pewa.

San Juan 16:33

“Jare che jae aï pewe kua mbaembae piko waerä pepɨakatu rewe che rupi. Kua ɨwɨ pe peï rambuewe, pe reta piporarata peï. Erëi piñemɨkɨrëɨ, echa’ä che amɨamɨri ma towaicho kua ɨwɨ pewa,” jei chupe reta.

Hechos 14:22

Jare jokua tëta wasu reta rupi, jae reta jekuaeño uyembatɨ Cristo re wɨrowia wae reta ndiwe. Jare omboe reta ye Tumpa iñee re umɨmɨräta reta waerä Tumpa re. Jare umɨkɨrëɨ reta awɨye uyerowa ye reta waerä Tumpa wi. Jare jei wi chupe reta: “Pëti ara Tumpa ikota opaete wae imburuwicha wasurä jaeño mái pewa. Jare yande yaiporara ñotái ko jeta ñaï waerä jae ndiwe, echa’ä Tumpa jowaicho reta ikuerita’ä uiporaraka yandewe ramo.” Jukuärái jei chupe reta.

Hechos 26:11

“Jare jeta wese ase tupao reta rupi aipɨsɨ aiporaraka chupe reta waerä. Jare che aipota tëi jaeka chupe reta Jesús jae’ä ko yandeYa wae. Jare chepochɨ uasa ramo jae reta kotɨ, aɨkuemoña reta ambɨe tëta wasu reta rupi,” jei.

Romanos 12:12

Pikuaa peï Tumpa uyapota oï pewe mbaembae ikawiete wae; jáeramo pikota ko piyerowia rewe. Piporara yawe, jekuaeño pemɨawäta pepɨawasu rewe. Jare jekuaeño piñemɨatangätu wi piyerure waerä Tumpa pe.

Romanos 2:17

Añawe che aipota jae kua mbaembae opaete ore judiorä nduiko wae reta pe. Moisés arakae uikuatía yandewe mbaembae Tumpa jei wae. Jare jeta pe reta perowia tëi Tumpa umae kawi oï peré jae jei wae pikuaa ramo. Jare pere tëi piyembutuicha rewe: “Ore ko jae judío reta. Ore nduikuaa Tumpa.

Romanos 5:3

Jare kuaño’ä ko. Jae nunga wi yandepuere yayerowia yaiporara ñaï wae rupi. Echa’ä yaikuaa yaiporara ñaï yawe, jokoropi ko yayemboe ñamɨawäta waerä.

Romanos 8:35

Cristo yanderauete, jare ndarau kiawe ipuere yanembɨsɨrɨ chuwi jae yanderau wae wi. Aramoi yaiporarata, jare aramoi yawaita ko yandewe yaiko waerä. Aramoi ïru wae reta uyapota yandewe mbae ikawi mbae wae. Aramoi karuái outa yandewe. Aramoi ndarau ñanoi korepoti yanderemimonderä. Aramoi ïru wae reta uipotata ñanenupa, jare aramoi yandeyukata reta. Erëi jokua mbaesusere reta uyeyapo yandewe yawe, jokua uipota’ä jei Cristo yanderau’ä ma oï wae.

Romanos 9:6

Jayawe yepe tëi Tumpa jei judío tamɨkue reta pe kërái jae reta iñemoñaa reta uyekouta yureko opaete kua mbaembae ikawi wae re, erëi añawe yaecha ñaï mbaetɨ jeta jae reta uyekou ñonoï. ¿Aramoi uyawɨ ra Tumpa mbaembae jei uyapota iko chupe reta wae? Mbaetɨ etei. Echa’ä mbaetɨ ko opaetei Israel iñemoñaa reta ko jae Israel iñemoñaa pewa añetete wae Tumpa jowai.

2 Corintios 6:10

Amo pe orepɨatɨtɨ noï, erëi jesewe nduyerowia wi. Oreparawete wae ko, erëitu ore numbɨikokatu jeta wae reta Tumpa kotɨ. Jeta wae reta umae tëi oreré mbaetɨ nonoi mbae awe wae echa. Erëitu añetete opaete mbaembae ara pe oï wae orepo pe oï.

2 Corintios 8:2

Echa’ä yepe tëi uasa ñonoï yembɨawái rupi jare uiporaraete ñonoï, erëitu jae reta jekuaeño uyerowiaete ñonoï yandeYa kotɨ. Jare yepe tëi iparawete reta, erëi jokua mbowɨño onoi wae wi etei jae reta jeta umee yuapɨ ye ñonoï omborɨ waerä ïru hermano Cristo re wɨrowia wae reta.

2 Corintios 8:9

Echa’ä pikuaa kawi ko kërái yandeYa Jesucristo uikuaaka ipɨakawi wae ko. Jae ikokatuete ko, echa’ä opaete mbaembae ara pewa jae imbae ko. Erëi jae perauete ramo, ueya opaete jokua mbaembae reta ou waerä kua ɨwɨ pe. Jukuärái jae uyembɨparawete pe reta pikokatu waerä Tumpa kotɨ.

1 Tesalonicenses 3:4

Pemandúa kawi peï, ore nduiko yawe pe reta ndiwe, jekuaeño numɨmbeu pewe yaiporarata ñaï Cristo re yarowia jeko pewa. Jare añawe uasa ma pewe jukuäraiete pe reta pikuaa rami.

1 Timoteo 1:13

Jukuärái Cristo uyapo chewe yepe tëi tenonde yawe che jaeñoi ikawi mbae wae ikotɨ, jare ayapoñoi ikawi mbae wae jese wɨrowia wae reta kotɨ, jare chereko kachi ikotɨ reta. Erëitu yandeYa ipɨakawi chewe, echa’ä ndei arowia aiko jese ramo, jare aikuaa’ä aiko jokua ayapo wae mbae ikawi mbae wae ko.

1 Timoteo 6:18

Jare ere wi chupe reta uyapo waerä jeta mbaembae ikawi wae, jare jekuaeño umee reta waerä mbaembae onoi wae wi omborɨ waerä uata oï chupe reta wae pe.

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.

Apocalipsis 2:2

Jare che tae Éfeso pewa cheré wɨrowia wae reta pe kuärái: Che aikuaa opaete mbae piyapo wae, kërái täta peparawɨkɨ peï chemaerä jare kërái pemɨawäta peï yembɨawái reta pepɨawasu rewe. Aikuaa wi piñemɨïru’ä peï ikawi mbae wae uyapo wae reta ndiwe. Jare aikuaa wi ime pepɨte pe amokue wae reta jei tëi ñonoï kuärái: “Che ko jae Jesús chembou jae jee re wae.” Erëi aikuaa wi pe reta pikuaa ma chuwi jae reta iyapu wae.

Apocalipsis 2:24

‘Erëi amokue pe Tiatira pe peï wae reta pipɨsɨ'ä jokua kuña omboe wae re, jare pikuaa’ä jokua arakuaa jei chupe reta wae erëi añetete Satanás wi ou wae. Kua pereko ikawi ko. Jáeramo che tae pewe kuaño piyapo waerä:

Apocalipsis 3:9

‘Pe reta pikuaa jokua judío jei tëi iyupe wae reta. Jae reta uyererowia tëi Tumpa pewa reta ko, erëi jukuärai’ä ko. Jae reta iyapu wae reta ko jare uyembatɨ Satanás jee re uikuaa mbae rewe. Mase, che ayapokata jae reta yuweru waerä pekotɨ jare uñeñono reta waerä ɨwɨ re perowai uñemɨmichi rewe. Jare jeita reta pewe: “Añetete yepe yandeYa perau,” jeita reta.

Apocalipsis 7:14

“Aikuaa’ä etei. Nde ndikuaa,” jae chupe. Jayawe jae jei chewe: “Kua reta ko jae uasa mbaesusere wasu rupi wae. Oyoe ma reta jemimonde jare umɨtïi reta Owecha kuimbae taurusu wae juwɨ pe,” jei.