Apocalipsis 2:7 - Biblia

⁷ ‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou reta waerä ɨwɨra ía Tumpa jëta pe oï wae. Jae ko ɨwɨra tekowe umee wae.’ Jukuärái ikuatía,” jei chewe.

Guaraní Pe (Western): Simba

⁷ Uipota uyandu vae tuyapɨsaca Espíritu Santo upurugüɨrovia vae uyembatɨmbatɨ vae reta pe jei vae re. Upurumɨamɨri vae pe ameeta jou vaerã jocua ɨvɨra tecove umee vae güi. Jocua ɨvɨra ime paraíso mbɨte pe oĩ. Joco pe ico Tumpa.’ Jucuarãi icuatía —jei—.

Apocalipsis 2:7 Iomraidhean Croise

Génesis 2:9

Jare Tumpa umbɨyekuaa jokua mbaewɨyerenda pe opaete ɨwɨra reta umee ía ikawi uyekuaa wae jare ikawi ko yau waerä wae. Jae ramiño wi oñono jokua mbaewɨyerenda mbɨte pe mokui ɨwɨra ambɨe ye ye wae. Pëti ko ɨwɨra ía tekowe umee wae, jare ïru ko ɨwɨra ía uikuaaka ikawi wae jare ikawi mbae wae.

San Mateo 11:15

“Ipotawe kía uipota uikuaa kawi wae, tuyapɨsaka kua chiñee re,” jei chupe reta.

San Mateo 13:43

“Jare jayawe ramo yandeRu Tumpa oïta opaete wae imburuwicha wasurä jaeño mái pewa. Jare jayawe ramo jae imbaepuere jembipete ye wae uyekuaata jokua jupi wae reta re,” jei. “Uipota uikuaa kawi wae, tuyapɨsaka kawi kua chiñee re,” jei Jesús jemimboe reta pe.

San Mateo 13:9

Jare jei wi chupe reta: “Ipotawe kía uipota uikuaa kawi wae, tuyapɨsaka kua chiñee re,” jei chupe reta.

Marcos 4:9

Jare jei wi chupe reta: “Ipotawe kía uipota uikuaa kawi wae, tuyapɨsaka kua chiñee re,” jei chupe reta.

Marcos 7:15

“Ipotawe mbae kía jou wae ndarau uyapo ikɨa Tumpa kotɨ. Erëi ikawi mbae wae uyapo wae jare jei wae, jokua ko uyapo ikɨa Tumpa kotɨ,” jei.

Marcos 7:16

“Ipotawe kía uipota uikuaa kawi wae, tuyapɨsaka kua chiñee re,” jei chupe reta.

San Lucas 23:43

Jayawe Jesús jei chupe: “Che tae ndewe añetete wae, kua ara etei nde neïta che ndiwe ara pe,” jei chupe.

San Lucas 8:8

“Erëi amokue temitɨ oa ɨwɨkawi pe. Jokua reta jeñɨ kawi, ukuakuaa, jare ikawiete ía.” Jukuärái Jesús jei chupe reta umbɨjaanga rewe. Jare jei wi chupe reta usapɨkai rewe: “Ipotawe kía uipota uikuaa kawi wae, tuyapɨsaka kua chiñee re,” jei chupe reta.

San Juan 16:33

“Jare che jae aï pewe kua mbaembae piko waerä pepɨakatu rewe che rupi. Kua ɨwɨ pe peï rambuewe, pe reta piporarata peï. Erëi piñemɨkɨrëɨ, echa’ä che amɨamɨri ma towaicho kua ɨwɨ pewa,” jei chupe reta.

1 Corintios 2:10

Erëi yepe tëi ïru wae reta uikuaa’ä jokua mbaembae, erëitu yande reta yaikuaa, echa’ä Tumpa uikuaaka ma yandewe Espíritu Santo rupi ramo. Jare Espíritu Santo ipuere umee yandewe kua arakuaa, echa’ä Espíritu Santo uikuaa opaetei mbaembae. Espíritu Santo uikuaa Tumpa ipɨayemɨngeta retawe Tumpa uikuaaka’ä kía pe awe wae.

2 Corintios 12:4

Jare jokua yerowiarenda pe ayandu ñee ikawiete ye wae reta yayandu mbaei wae. Jae ko ñee reta Tumpa umaeño’ä kía re awe kua ɨwɨ pewa uyemɨngeta waerä.

1 Juan 2:13

Jare pe pekuakuaa ma piko wae reta, pe reta pikuaa jokua iyɨpɨ wiwe ikoño mái wae. Jare jokua jeko pewa ko aikuatía aï pewe. Jare pe taurusu piko wae reta, pe reta pemɨamɨri ma Añawasu. Jare jokua jeko pewa ko aikuatía aï pewe wi. Sambiaɨ mii reta, taikuatía ye pewe kua mbaembae, echa’ä pe reta pikuaa yandeRu Tumpa ramo.

Apocalipsis 13:9

Ipotawe kía uipota uikuaa kawi wae, tuyapɨsaka kua ñee re:

Apocalipsis 14:13

Jayawe ayandu ara wi ñee jei chewe: “Ikuatía kuärái: Kua wiwe yandeYa re wɨrowia rewe umanota wae reta uyekoueteta ñonoï,” jei chewe. Jare joko wi Espíritu Santo jei: “Añetete ko. Jae reta uyekoueteta ñonoï, echa’ä uputuuta reta iparawɨkɨ wi. Jare Tumpa umɨñatimata oï chupe reta mbarawɨkɨ uyapo reta Tumpa pewarä wae re,” jei.

Apocalipsis 15:2

Jayawe aecha pëti ɨpa wasu vidrio uyea tata ndiwe oï wae echa chewe. Jare jeta wae reta uyemboɨ oï jese. Jae reta ko jae jokua bestia tenondewa kotɨ umaeño’ä iyé wae reta, echa’ä umbɨadora’ä reta bestia re jare jae jaanga re. Jare umaeño’ä reta wi oñonoka waerä marka iyé. Jokua marka ko jae número umbɨjaanga bestia jee re wae. Jare pëti pëti jae reta ime onoi arpa Tumpa umee chupe wae.

Apocalipsis 2:11

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta ndarau etei uiporara mano mokuía re.’ Jukuärái ikuatía,” jei chewe.

Apocalipsis 2:17

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou waerä jokua maná ara pewa añawe uñeñomi oï wae. Jare ameeta chupe reta wi pëti ita raɨ tïi wae uyekuatía oï jese pëti tee ipɨau wae. Jare jokua tee uikuaata’ä kiawe – jaeño jokua ameeta chupe wae uikuaata.’ Jukuärái ikuatía,” jei chewe.

Apocalipsis 21:7

“Jare ikawi mbae wae umɨamɨri wae reta pe ameeta opaete kua mbaembae ipɨau wae reta. Che etei aikota jae reta iTumparä jare jae reta yurekota cheraɨ retarä,” jei.

Apocalipsis 22:14

“Uyekouete ñonoï opaete ikɨa mbae Tumpa kotɨ ñonoï wae reta. Echa’ä jae reta uiketa ipɨawiwe rewe öke reta rupi kua tëta wasu pe, jare jouta reta ɨwɨra ía tekowe umee wae,” jei.

Apocalipsis 22:17

Espíritu Santo jare Owecha kuimbae taurusu wae jembirekorä wae jei: “Eyu, oreYa.” Jare jae nunga wi kua uyandu wae reta tei: “Eyu, oreYa.” Iɨwe wae reta tou kua pe jou waerä ɨ tekowe opa mbae wae umee wae. Jokua jepɨ mbae ko.

Apocalipsis 22:2

Jare usɨrɨ tëta wasu icalle mbɨte rupi. Jare ɨ wasu jembeɨ rupi oyowai rewe ñonoï ɨwɨra ía tekowe umee wae reta. Jokua ɨwɨra reta umee ía doce wese opa año rupi – jae ko opa yasɨ rupi pëti wese. Jare ɨwɨra jokɨ ikawi ɨwɨ pewa reta uñepɨano pɨpe waerä.