Apocalipsis 2:3 - Biblia

³ Jare che aikuaa wi perowia cheré ramo, täta piporara jare pemɨawäta pekueri mbae rewe. Opaete kua ikawi ko.

Guaraní Pe (Western): Simba

³ Jare pe reta cherau ramo, pepɨaguasu jare pemɨaguanta pecueri mbae reve.

Apocalipsis 2:3 Iomraidhean Croise

Marcos 15:21

Jare yuraa yureko reta rambuewe, owäiti reta pëti kuimbae Simón jee wae uwäe ma ou oï tëta wasu pe. Kua kuimbae tëta wasu Cirene pewa ko, jare jae ko Alejandro jare Rufo jee wae tu. Jayawe sɨndaro reta wɨraaka chupe Jesús ikurusu.

San Lucas 14:27

“Jare ime yawe kía mbaetɨ owoɨ wɨraa ikurusu oo cherupie wae, ndarau ipuere iko cheremimboerä,” jei chupe reta.

San Lucas 18:1

Jare Jesús uipota omboe iko jemimboe reta kërái ikawi ko jekuaeño uyerure reta waerä Tumpa pe ikueri mbae rewe. Jáeramo jei chupe reta umbɨjaanga rewe: “Ime iko pëti tëta wasu pe pëti mburuwicha. Kua mburuwicha uipɨu’ä etei Tumpa wi, jare mbae’ä chupe ïru wae reta kërái oï wae,” jei.

San Lucas 21:19

“Jare pemɨawäta yawe opaete kua mbaembae, Tumpa perepɨta oï chuwi kuri,” jei chupe reta.

San Lucas 5:5

Jayawe Simón jei Jesús pe: “Oporomboe wae, oreköe ma nduparawɨkɨ tëi. Erëi nduipɨsɨ'ä mbae awe. Erëi añawe nde ndere chewe ramo, tamombo pɨsa reta,” jei chupe.

San Lucas 8:15

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta uipɨsɨ kawi Tumpa iñee ipɨa rewe. Jare uyapo reta ipɨawasu rewe Tumpa iñee pe jei wae. Jáeramo uyekuaa jese reta Tumpa jeko ikawi wae,” jei chupe reta. “Jukuärái ko ambɨjaanga rewe jae pewe wae,” jei Jesús jemimboe reta pe.

San Juan 15:21

“Erëi jae reta uiporarakata pewe cheré perowia ramo, echa’ä uikuaa’ä reta kía ko chembou wae,” jei chupe reta.

Romanos 12:12

Pikuaa peï Tumpa uyapota oï pewe mbaembae ikawiete wae; jáeramo pikota ko piyerowia rewe. Piporara yawe, jekuaeño pemɨawäta pepɨawasu rewe. Jare jekuaeño piñemɨatangätu wi piyerure waerä Tumpa pe.

Romanos 16:12

Jae ramiño wi pembɨsaluda mii chewe yanderindɨ mii reta Trifena jare Trifosa jare Pérsida wi. Jae reta täta uparawɨkɨ ñonoï yandeYa pe.

Romanos 2:7

Echa’ä amokue wae reta ikɨrëɨete uyembutuichaka Tumpa pe. Jare uipota yureko reta jaeño mái pewa Tumpa ndiwe. Jáeramo jae reta uyapo ikawi wae. Jare Tumpa umeeta chupe reta tekowe opa mbae wae.

Romanos 8:25

Erëi yande ñaäro ñaï mbaembae ndeiño ñanoi wae, jare jukuärái ñaäro ñaï yandekueri mbae rewe jare yarowia katu rewe.

1 Corintios 13:7

Jare yarupɨata wi mbae ikawi mbae wae yanderapicha pe. Añetete yapuruau yawe, yarowiata’ä jawoi pewa mii mbae kachi wae yanderapicha rewa. Jekuaeño yarowia katuta mbae ikawi waeño uyapo waerä. Jare yepe tëi ko ïru wae reta uiporaraka yandewe aramoi, erëi yarupɨata chupe. Jokoropi ko uyekuaa añetete yapuruau wae.

1 Corintios 16:16

Jáeramo che pumɨñera piyapɨsaka waerä jokua nunga reta re. Jare jae nunga wi piyapɨsaka mii opaete uparawɨkɨ yandeYa pe wae reta re.

2 Corintios 10:15

Amokue wae reta umɨmbeu ñonoï Tumpa iñee kiape ñee ikawi wae uyemɨmbeu ma wae rupi. Jare jae reta uyemɨngeta uyembɨkate rewe ambɨe wae iparawɨkɨ re jae reta uyapo wae rami. Erëi ore nduyapo’ä jukuärái. Ore nduipota numɨmbeu ñee ikawi wae kiape ñee ikawi wae uyemɨmbeu mbae wae rupi. Jare orepɨayemɨngeta ko jae pe reta pepɨräta kawi ma Tumpa re yawe, jayawe orepuereta numɨmbeu ñee ikawi wae perëta kutɨ rupi ñonoï wae reta pe.

2 Corintios 11:23

“Ore nduyeyokui Cristo pe,” jei reta tëi. Che jeiete ayeyokui Cristo pe chuwi reta. Añetete kua pe ayemɨngeta ye aï iyarakuaa mbae wae reta uyemɨngeta rami. Che ayapo jetaete mbarawɨkɨ chuwi reta Tumpa pewarä. Jare che ayapɨraa reta peresorɨru pe jare ñenupa pe – chepuere’ä etei opa kawi aipapa. Jeta wese amano seri.

2 Corintios 4:1

Jáeramo ore orekueri’ä etei. Echa’ä Tumpa oreparareko jare umee orewe nduyeyokui waerä chupe.

2 Corintios 4:16

Jáeramo jokua jeko pewa orekueri’ä etei. Yepe tëi orerete ndewe ndewe rupi umano oo oï, erëitu Tumpa opa ara rupi orerekowe umbɨpɨau oï.

2 Corintios 5:9

Jáeramo jekuaeño yaipota yambɨyerowia yandeYa ipotawe kiape ñaï wae rupi – jae ko kua yanderete pe ñaï rambuewe, jare jae ndiwe ma ñaï yawe wi.

2 Corintios 6:5

Numɨawäta wi ñenupa, oreñono peresorɨru pe wae, jare tekorái uyapo reta orekotɨ wae. Jare ore nduikuaa mbarawɨkɨ täta wae, jare topeɨ, jare yembaɨ.

Gálatas 6:2

Jayawe piyemborɨ katu yembɨawái reta rupi, piyemborɨ katu tewɨta poɨ wae pewoɨ wae rami. Jare jukuärái piyapo kawita peï kuri Cristo jei yandewe yayapo waerä wae.

Gálatas 6:9

Jayawe awɨye yandekueri ikawi wae yayapo wae wi. Echa’ä uwäe yawe ara Tumpa jei wae, yayekouta ñaï kuri ikawi wae yayapo wae rupi yandekueri’ä yawe.

Filipenses 4:3

Jare nde cheparawɨkɨ ïru, che numɨñera nemborɨ waerä kua kuña reta uyeapɨkatu waerä. Aipota’ä jae reta ikawi’ä oï waerä. Echa’ä yepe tëi jeta wae reta oyowaicho ore ndiwe, erëi kua kuña reta täta uparawɨkɨ che ndiwe ñee ikawi wae Cristo rewa uyemɨmbeu waerä. Jukuärái wi uyapo hermano Clemente jare ïru che ndiwe uparawɨkɨ wae reta. Opaete kua reta jee uyekuatía oï Tumpa itupapire pe – jokua tupapire ko jae kía kía tekowe opa mbae wae onoi wae reta jee uyekuatía oï pɨpe wae.

Colosenses 1:11

Jae nunga wi pe reta piko yawe Tumpa pembɨyerowia waerä, Tumpa pemɨmɨrätata imbaepuere tuichaete wae pe, jukuärái pepuere waerä jekuaeño perupɨa ipotawe mbae pepɨawasu rewe jare piyerowia rewe.

1 Tesalonicenses 1:3

Jare yandeRu Tumpa jowai jekuaeño oremandúa noï kërái perowia Tumpa re, jare kërái jokua pemɨkɨrëɨ oï piyeyokui kawi waerä chupe. Jare oremandúa noï wi kërái pe reta jekuaeño piyemborɨ katu peï, echa’ä piyerau päwe añetete rewe ramo. Jare jekuaeño oremandúa noï wi kërái perupɨa peï opaete yembɨawái reta. Echa’ä jukuärái peäro peï perowia katu rewe jokua ara yandeYa Jesucristo ou yeta oï wae. Jokua ara jae umɨñatimata oï yandewe opaete yaiporara wae re.

1 Tesalonicenses 2:9

Pemandúa kawi peï, hermano reta, kërái ore täta nduparawɨkɨ ara rupi jare pɨ̈tu rupi ime waerä nonoi orerembiurä. Jukuärái nduyapo awɨye waerä pe reta piyembɨpɨa’ä oreré numɨmbeu pewe rambuewe ñee ikawi wae Tumpa wi ou wae.

1 Tesalonicenses 5:12

Añawe hermano mii reta, imeño amokue mbaembae mii pumbɨarakuaa waerä. Tenonde ko jae petenondewa reta rewa. Echa’ä jae reta uparawɨkɨ ñonoï pepɨte rupi uyandareko waerä peré, jare pembɨarakuaa ñonoï yandeYa rewa. Jáeramo ore pumɨñera pipɨu waerä chuwi reta.

2 Tesalonicenses 3:13

Erëi hermano mii reta, awɨye pekueri ikawi wae piyapo wae wi.

2 Tesalonicenses 3:5

Ayerure aï yandeYa pe jae pemborɨ pikuaa kawi waerä kërái Tumpa perau wae, jare kërái pepɨawasu waerä yembɨawái reta rupi Cristo ipɨawasu rami.

2 Tesalonicenses 3:8

Jare ndueka’ä pewe oremɨngaru waerä. Ore täta nduparawɨkɨ ara rupi jare pɨ̈tu rupi awɨye waerä kía uyembɨpɨa’ä oreré.

1 Timoteo 4:10

Jokuaerä ko ñanekɨrëɨ rewe yaparawɨkɨ täta. Jare jukuärái yayapo, echa’ä yarowia Tumpa ikoño mái wae re. Echa’ä jaeño ko Upuruepɨ wae ɨwɨ pewa reta pewarä. Jare jae uepɨ opaete kía wɨrowia jese wae.

1 Timoteo 5:17

Jupi ko Cristo re wɨrowia wae reta uipɨu waerä itenondewa reta wi jae reta uyandareko kawi ñonoï jese reta yawe. Jayawe tomborɨ reta mbae uata chupe wae rupi. Jare tomborɨ kawi itenondewa reta oporomboe wae jare umɨmbeu Tumpa iñee wae reta.

Hebreos 10:36

Ikawi ko jekuaeño piyeko waerä jese pepɨawasu rewe. Echa’ä opa ma piyapo yawe jae uipota wae, penoita opaete mbaembae ikawi wae Tumpa jei umeeta oï pewe wae.

Hebreos 12:1

Kua Tumpa re wɨrowia kawi wae reta che amɨmbeu pewe wae, jetaete ko. Opaete kua reta ko jae ñanemɨkɨrëɨ waerä Tumpa kotɨ. Echa’ä yande reta añawe kua ɨwɨ pe ñaï rambuewe, pëti ñeñokui pe ñaï rami ko. Jáeramo imeta ko yayapo yandepuere wae rupi yasi kawi waerä. Yaeyata ko yandeyuwi opaete mbaembae yanembɨawái wae jare yandereko kachi uipota yandepokua rami wae. Jare yasi mii tenonde kotɨ yandekueri mbae rewe imeño uata oï yandewe wae.

Hebreos 13:13

Jáeramo yepe tëi jeta ñanerëtara judío reta opa wɨrɨ̈ro Jesucristo, erëitu yande reta yaya mii jese. Jare Jesucristo re yaya ramo, ñanerɨ̈rota reta wi. Aramoi yanemombota iyuwi reta. Erëitu ñamaeño jese reta.

Hebreos 6:10

Echa’ä Tumpa jupi wae ko. Jare jae ndarau etei iñakañɨ oï jokua mbaembae piyapo chupe wae wi jare kërái jeta ma pemborɨ ïru hermano Cristo re wɨrowia wae reta. Echa’ä pemborɨ yawe ïru hermano reta, jukuärái uyekuaata peau ko peï Tumpa, jare jae ndarau iñakañɨ oï jokua wi.

Hebreos 6:12

Jeta wae reta Tumpa re wɨrowia wae jukuärái uyapo reta. Ɨma rupi uäro reta ipɨawasu rewe jare wɨrowia katu rewe jokua mbaembae ikawi wae Tumpa jei umeeta oï yandewe wae. Jare añawe jae reta uyekou ma ñonoï jese. Jare che aipota pe reta piko waerä wi jae reta arakaete yureko wae rami. Awɨyeta ko peakɨ Tumpa kotɨ.

Hebreos 6:15

Jayawe Abraham ɨma ma uäro yawe ipɨawasu rewe, uyekou jokua Tumpa jei umeeta chupe wae re.

2 Pedro 1:6

Jare jekuaeño piñemɨatangätu awɨye waerä perete uipota wae piyapo. Jare jekuaeño jeiete pemɨawäta yembɨawái reta. Jare piñemɨatangätu wi peya katu waerä Tumpa jeko jupi wae re,

Apocalipsis 1:9

Che perɨkeɨ Juan, che aiporara aï wi pe reta piporara peï rami. Jukuärái ñotái ko yaiporara Jesús re yarowia jeko pewa ramo. Erëi yandepuere ñamɨawäta yandepɨawasu rewe, echa’ä pëti ramiño ñaï Jesús re ramo. Jare yande ñaïta wi jae ndiwe jae oï ma yawe opaete wae imburuwicha wasurä jaeño mái pewa. Che aï pëti pereso ɨwɨ ɨ mbɨte pe oï wae Patmos jee wae pe. Chereru reta kua pe Tumpa iñee amɨmbeu ramo jare Jesús rewa amɨeräkua ramo.

Apocalipsis 3:10

‘Che jae ma pewe pemɨawäta waerä opaño mbaembae pepɨawasu rewe, jare jukuärái piyapo ma. Jáeramo yepe tëi ara uwäeta oï opaete ɨwɨ pewa reta tuicha rupi uiporara waerä, erëi che puepɨta aï chuwi kuri.