Apocalipsis 2:28 - Biblia

²⁸ Jare ameeta wi chupe reta yasɨtata ndei köe mbowe mii uyekuaa wae. Jukuärái ayapota upurumɨamɨri wae reta pe.

Guaraní Pe (Western): Simba

²⁸ Jare ameeta chupe yasɨtata neimbove asɨ uyecuaa vae.

Apocalipsis 2:28 Iomraidhean Croise

Isaías 14:12

Tumpa jei kuärái: “Nde, yasɨtata ndimbowe uyekuaa wae echa wae, ¡ndea ma ɨwɨ pe nderenda ikawiete wae ara pe oï wae wi! Nde nditɨka jeta tëta wasu tuicha wae reta, erëi añawe nde ndiyeritɨka ma ɨwɨ pe,” jei.

2 Pedro 1:19

Jokua ñee re pe reta pepuere perowia. Jae nunga wi pepuere perowiaete Tumpa iñee arakae umɨmbeu wae reta uikuatía wae re. Jare ikawi ko pe reta piyapɨsaka kawi waerä jese. Echa’ä jae reta iñee pëti mechero pɨ̈tumimbi pe jendɨ oï wae rami ko. Jare jukuärái ikota Jesucristo ou ye rewa. Jokua ara uwäe yawe, Cristo ikota yasɨtata ndimbowe uyekuaa wae rami, echa’ä jae umbɨembipe pɨau yeta yandepɨa pe.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.

Apocalipsis 22:16

“Che ko jae Jesús. Jare che etei amondo chearaɨwa pëti wae umɨmbeu waerä pewe kua mbaembae. Kua ko jae cheré wɨrowia wae reta opa kerupi rupi uyembatɨ ñonoï wae reta pewarä,” jei. “Che ko jae David iñemoñaa pewa mburuwicha wasurä ikota wae. Che ko jae yasɨtata uwerasɨ ndei köe mbowe mii uyekuaa wae,” jei.