Apocalipsis 2:27 - Biblia

²⁷ Tuicha mbaepuere onoita reta jare ndarau kía reta ipuere uyembowaicho ikotɨ. Kua mbaepuere ko cheRu umee chewe. Jare jukuärái wi che ameeta aï chupe reta.

Guaraní Pe (Western): Simba

²⁷ Jare oyocuita penti popoca fierro pegua pe. Güɨnoita mbaepuere jese reta mbaepuere penoi pembɨperasoraso vaerã penti ɨru ñaeu pegua vae rami. Echa'ã cheRu umee cheve etei cua nunga mbaepuere.

Apocalipsis 2:27 Iomraidhean Croise

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Lucas 22:29

“Jáeramo kërái cheRu umee chewe mbaepuere aiko waerä opaete wae imburuwicha wasurä, jukuärái wi che amee aï pewe mbaepuere piko waerä mburuwicha retarä,” jei chupe reta.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

Apocalipsis 12:5

Jare kuña imembɨ oa kuimbae. Jare jokua oa wae onoita tuicha mbaepuere opaete ɨwɨ pewa reta re. Erëi dragón ipuere’ä jou, echa’ä jokua kuña imembɨ uyereraa kiape Tumpa uwapɨ oï wae iwapɨa pe.

Apocalipsis 19:15

Kua Tumpa Iñee jee wae, iyuru wi oë pëti kɨsepuku jaimbe wae. Jokua pɨpe opata umɨamɨri ɨwɨ pewa reta. Jare jae onoita jese reta tuicha mbaepuere. Upɨ̈rota jese reta kërái uva iya uitami yawe upɨ̈ro jese wae rami. Jare jukuärái jae rupi Tumpa opaete mbaepuere onoi wae uitɨta oï iarasɨ wasu jowaicho reta re.