Apocalipsis 2:24 - Biblia

²⁴ ‘Erëi amokue pe Tiatira pe peï wae reta pipɨsɨ'ä jokua kuña omboe wae re, jare pikuaa’ä jokua arakuaa jei chupe reta wae erëi añetete Satanás wi ou wae. Kua pereko ikawi ko. Jáeramo che tae pewe kuaño piyapo waerä:

Guaraní Pe (Western): Simba

^24-25 Ẽrei tae peve cua: Cua reño pumbɨjeco. Ẽrei piñemɨmɨrãta mburugüɨrovia penoi vae re che ayu ye regua. (Cuarãi chemiari aĩ upurugüɨrovia vae Tiatira pegua jocua cuña iporomboe güɨrovia mbae vae reta pe. Echa'ã jae reta uicuaa'ã Satanás iporomboe uyecuaa mbae vae jei chupe vae.)

Apocalipsis 2:24 Iomraidhean Croise

Hechos 15:28

Ore ndarau pumbɨawái Moisés arakae uikuatía wae pɨpe, echa’ä tewɨta poɨ wae rami ko pewe. Kua ikawi oï Espíritu Santo pe jare orewe wi. Jáeramo kua mbowɨño numɨmbeuta pewe:

Hechos 16:14

Jare jokua kuña reta ipɨte wi, pëti wae jee Lidia. Jae uyapɨsaka kawi iko opaete ore ndoporomboe nduiko wae re. Lidia ko jae tëta wasu Tiatira jee wae pewa, jare asoya mborao wae owaka wae ko. Jae uipɨu kawi Tumpa wi, jare yandeYa uñatai chuwi ipɨa uyapɨsaka kawi waerä jare wɨrowia waerä wi opaete Pablo jei iko wae re.

1 Corintios 2:10

Erëi yepe tëi ïru wae reta uikuaa’ä jokua mbaembae, erëitu yande reta yaikuaa, echa’ä Tumpa uikuaaka ma yandewe Espíritu Santo rupi ramo. Jare Espíritu Santo ipuere umee yandewe kua arakuaa, echa’ä Espíritu Santo uikuaa opaetei mbaembae. Espíritu Santo uikuaa Tumpa ipɨayemɨngeta retawe Tumpa uikuaaka’ä kía pe awe wae.

2 Corintios 11:3

Erëi che ayembɨpɨa’ä aï peré. Aramoi pemaeñota piyembɨtawɨka kërái Eva uyembɨtawɨka jokua mboi ikatuete iyapu wae pe, jare jukuärái pikota’ä ma pekɨrëɨ ngatu rewe Cristo pewarä.

Santiago 3:15

Jokua arakuaa pere tëi ime penoi wae ou’ä ko Tumpa wi jare mbaetɨ etei ko Espíritu Santo pewa. Jokua nunga arakuaa ko jae kua ɨwɨ pewaño jare Añawasu wi ko ou.

Apocalipsis 1:11

Jare jokua ñee jei chewe: “Che ko jae Alfa jare Omega jee wae. Che ko jae tenondewaete wae jare taɨkuewaete wae,” jei. Jayawe jei chewe: “Ikuatía pëti tupapire pe ndechata neï wae. Joko wi eraaka kuri jokua tupapire ndikuatía wae ɨwɨ Asia pe kiape cheré wɨrowia wae reta uyembatɨ ñonoï wae pe. Eraaka tëta wasu Éfeso pe, Esmirna pe, Pérgamo pe, Tiatira pe, Sardis pe, Filadelfia pe, jare Laodicea pe,” jei chewe.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.

Apocalipsis 2:18

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Tiatira pe. Ikuatía chupe kua chiñee kuärái: ‘Che ko jae Tumpa Taɨ. Che ko jae jokua jesa tata jendɨ wae rami, jare jokua ipɨ jiero bronce uwerasɨ wae rami.

Apocalipsis 2:9

Jare che tae Esmirna pewa cheré wɨrowia wae reta pe kuärái: Che aikuaa opaete mbae piyapo wae, jare kërái piporara jare peparawete (erëi añetete pikokatu peï Tumpa kotɨ). Aikuaa wi jei ñonoï ñee kachi pekotɨ jokua judío jei tëi iyupe wae reta. Jae reta uyererowia tëi Tumpa pewa reta ko, erëi jukuärai’ä ko. Jae reta ko uyembatɨ Satanás jee re uikuaa mbae rewe.