Apocalipsis 2:22 - Biblia

^22-23 Jáeramo amɨmbaerasɨta jokua kuña, jare ayukata wi imembɨ reta jei chupe wae reta. Jare jae nunga wi aiporarakata täta rupi aï jokua kuña ndiwe awasa uyapo wae reta pe, jae reta ueya’ä yawe ipɨayemɨngeta kachi wae. Jukuärái opaete cheré wɨrowia wae kerupi rupi uyembatɨ wae reta uikuaata che aikuaa opaete wae ipɨayemɨngeta reta. Jare uikuaata reta wi amɨñatimata pewe pëti pëti pe opaete mbae piyapo wae rupi.

Guaraní Pe (Western): Simba

²² Mase, amɨmbaerasɨta jocua cuña, jare aiporaraca eteta jae ndive menda re uyuvanga vae reta pe, ueya'ã reta yave icavi mbae vae jae ndive uyapo vae.

Apocalipsis 2:22 Iomraidhean Croise

San Lucas 13:3

“Che tae pewe jukuärai’ä ko. Jare pe reta peya’ä yawe pepɨayemɨngeta jupi mbae wae Tumpa rewa, jae nunga wi opata pekañɨ peï jae reta rami,” jei chupe reta.

San Lucas 13:5

“Erëi che tae pewe, jukuärai’ä ko. Jare pe reta peya’ä yawe pepɨayemɨngeta jupi mbae wae Tumpa rewa, jae nunga wi opata pekañɨ peï jae reta rami,” jei chupe reta.

2 Corintios 12:21

Ayembɨpɨa’ä aï wi aramoi chemarata apɨta pewi Tumpa jowake, jare tuicha rupi chepɨatɨtɨta jokua re. Echa’ä aramoi pepɨte pe jokua tenonde yawe teko kachi rupi yureko wae reta jekuaeño ueya’ä jokua ipɨayemɨngeta kachi wae. Aramoi imeño ko awasa pe ñonoï reta jare mbɨkere rupi.

Apocalipsis 17:2

“Ɨwɨ pewa mburuwicha wasu reta uyapo awasa jokua kuña ndiwe. Jare jokua awasa ko vino rami ɨwɨ pewa reta pe. Jare jokua pɨpe jae reta opa usawɨpo rami ñonoï,” jei chewe.

Apocalipsis 18:3

Tumpa uiporarakata ma oï Babilonia pe, echa’ä Babilonia pewa reta jeko kachi rupi opa urükumewa ɨwɨ pewa reta. Jae reta uyapo awasa ɨwɨ pewa reta ndiwe jare jae nunga wi imburuwicha wasu reta ndiwe. Jokua awasa ko vino rami chupe reta, jare jokua pɨpe jae reta opa usawɨpo rami ñonoï. Babilonia pewa reta jekuaeño ueka opa kërái rái mbae kachi wae. Jare opaete ɨwɨ rupi mbaembae owaka wae reta uyembɨikokatu chuwi reta jokua mbaembae kachi owaka wae rupi,” jei araɨwa.

Apocalipsis 18:9

Jare jokua ara ɨwɨ pewa mburuwicha wasu reta uecha yawe jokua tëta wasu Babilonia opa okai oï jare tatäti upüa oï joko wi, jae reta ipɨatɨtɨta jare uyaota reta jese. Echa’ä ɨma rupi jae reta uyerowiase yureko jokua tëta wasu pewa reta jeko kachi rupi. Jare uyekouse reta wi opaete jokua tëta wasu imbaembae ikawi wae re.

Apocalipsis 2:5

Awɨye peakañɨ kërái tenonde yawe tuicha pepuruau. Jáeramo peya pepɨayemɨngeta añawe penoi wae, jare piyapo ye kërái tenonde yawe piyapose wae rami. Erëi piyapo’ä yawe jukuärái, ayuta jupiwoiño ambɨsɨrɨ waerä pemechero iwapɨka jenda wi.