Apocalipsis 2:14 - Biblia

¹⁴ ‘Erëitu ime amokue mbaembae re pumbɨjeko waerä. Jae ko kua: Ime pepɨte pe ñonoï amokue wae reta uipota’ä ueya jokua yemboe kuimbae Balaam arakae oporomboe wae. Balaam arakae umbɨarakuaa mburuwicha Balac jee wae kërái ipuere waerä uyawɨka Israel iñemoñaa reta pe Tumpa kotɨ. Jayawe Balac umɨkɨrëɨ Israel iñemoñaa reta jou waerä tembiu tumparaanga pe uñemee wae jare uyapo reta waerä awasa.

Guaraní Pe (Western): Simba

¹⁴ Ẽrei chepuere pumbɨjeco mbovɨ mbaembae re. Echa'ã ime pepɨte pe ñugüɨnoi Balaam iporomboe güɨrovia vae reta. Balaam omboe Balac quirãi ipuere umbɨavai Israel pegua reta. Echa'ã jae reta umbɨpɨ jou tembíu tumpa-raanga reta pe uñemee vae jare uyapo aguasa.

Apocalipsis 2:14 Iomraidhean Croise

San Mateo 18:7

“¡Ikuasɨ kua ɨwɨ pewa reta, echa’ä ime jeta uyawɨka japicha pe Tumpa kotɨ wae reta! Jukuärái ñotái ko. Erëi ime yawe kía japicha pe uyawɨka Tumpa kotɨ wae, ¡ikuasɨ parawete! Echa’ä Tumpa tuicha rupi uiporarakata oï chupe,” jei chupe reta.

Hechos 15:29

Awɨye peu soo tumparaanga pe uñemee wae. Awɨye peu wi mbaemɨmba uyeyuwɨkue isoo. Awɨye peu tuwɨ. Jare awɨye piyapo awasa. Kua ore ndoe pewe wae piyapo yawe, ikawita pewe. Tumpa tumae kawi peré. Jukuärái uyekuatía oï tupapire pe.

Hechos 21:25

“Erëi judío mbae wae Cristo re wɨrowia wae reta pe yaikuatía ma Moisés uikuatía wae rewa kuärái: Jaeño awɨye tou reta soo tumparaanga pe uñemee wae. Jare awɨye tou reta tuwɨ. Jare awɨye tou reta wi mbaemɨmba uyeyuwɨkue isoo. Jare awɨye tuyapo reta awasa. Jukuärái yambɨarakuaa reta,” jei reta Pablo pe.

Romanos 11:9

Jae ramiño wi mburuwicha wasu David arakae uikuatía kuärái jae reta rewa: “Jokua mbaembae jae reta uyerowia jese wae, tuyeyapo chupe reta yembɨawái. Tuiporara reta mbaembae kachi uyapo reta wae re.

Romanos 14:13

Jáeramo awɨye ma ñaniñera yandiyé. Erëi ikawiete ko yayandareko kawi mii waerä yandiyé awɨye waerä ïru hermano opia Tumpa jape wi yandereko pewa.

Romanos 14:21

Jae ipuere opia Tumpa jape wi yawe soo yau jeko pewa ani aramoi vino yau jeko pewa, jayawe ikawi’ä ko yau waerä soo jare vino. Jae ramiño wi awɨyeta ko yayapo ipotawe mbae jae jowake chupe waerä kachi wae ko, awɨye waerä jae opia Tumpa jape wi.

Romanos 9:32

Echa’ä uyeko ñonoï reta iyé jokua mbaembae uyapo wae re. Mbaetɨ uyeko kawi ñonoï reta Tumpa re. Añetete, jae reta usɨrɨ ma Tumpa wi, echa’ä wɨrowia’ä reta Jesucristo re ramo.

1 Corintios 1:23

Erëi ore mbaetɨ numɨmbeu kërái jae reta uipota ñonoï wae rami. Ore numɨmbeuñoi opaete wae pe kërái Cristo uyekutuka pëti kurusu re yanderé. Jare opaete seri judío reta pewarä, kua ñee pëti yembɨawái ko awɨye waerä jae reta wɨrowia. “Këraita ra Upuruepɨ wae umano,” jei reta tëi. Jare jeta judío mbae wae reta pewarä, kua ñee mbae’ä ko chupe reta.

1 Corintios 7:2

Erëi che tae pewe, awasapota jeko pewa kuimbae reta tumenda jare jukuärái oï waerä jembireko ndiweño. Jare kuña reta jukuärái wi toï ime ndiweño.

Hebreos 13:4

Umenda wae reta jekuaeño tuyerereko kawi. Awɨye kía tuyapo awasa. Echa’ä Tumpa uiporarakata oï awasa uyapo wae reta pe jare imbɨkere wae reta pe.

1 Pedro 2:8

Jare jae nunga wi Cristo ikota pëti ita rami ipotawe wae kía ipɨsapäa jese waerä. Echa’ä jeta wae reta ipɨsapäata oa oo rami, jare jukuärái ndarau uepitɨ reta tekowe opa mbae wae. Kua nunga reta uyapɨsaka’ä Tumpa iñee re, jare jokua jeko pewa ipɨsapäa reta rami. Echa’ä Tumpa jeiño mái jokua uyeyapo waerä.

2 Pedro 2:15

Añetete jae reta ueya tape sɨmi wae jare omomoe ñonoï kuimbae Beor taɨ Balaam jee wae jeko. Echa’ä kërái Balaam uyapo rami, jae reta uipotaete korepoti mbae ikawi mbae uyapo wae rupi.

Judas 1:11

¡Kërái etei Tumpa uiporarakata oï chupe reta! Echa’ä jae reta omomoe ñonoï Caín jeko. Jare korepoti uipotaete reta ramo, uyapo reta ñonoï wi kuimbae Balaam jee wae uyapo rami. Echa’ä jae reta umɨkɨrëɨ ïru wae reta uyapo waerä mbae kachi wae jukuärái umɨngana waerä jese reta korepoti. Jae nunga wi jae reta ko kuimbae Coré jee wae rami, echa’ä uyapo’ä reta Tumpa jei wae rupi. Jáeramo opata umano reta Coré umano rami.

Apocalipsis 2:20

‘Erëitu ime mbae re pumbɨjeko waerä. Jae ko kua: Pe reta pemaeño peï jokua kuña Jezabel jee wae re oporomboe waerä pepɨte pe. Echa’ä jae jei tëi iyupe: “Che ko jae ñee Tumpa wi etei ou wae amɨmbeu wae,” jei tëi iyupe. Erëi umbɨtawɨ oï uyeyokui chewe wae reta jae reta uyapo waerä awasa jare jou reta waerä tembiu tumparaanga pe uñemee wae.

Apocalipsis 2:4

‘Erëitu ime mbae re pumbɨjeko waerä. Jae ko kua: pepuruau’ä ma kërái pepuruause jaeramo cheré perowia yawe.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.

Apocalipsis 22:15

“Erëi ndarau uike kua tëta wasu pe jeko kachi wae reta, jare ipaye wae reta, jare iawasapota wae reta, jare upuruyuka wae reta, jare tumparaanga re umbɨadora wae reta, jare opaete uyerowia rewe upurumbɨtawɨ wae reta,” jei.