Apocalipsis 2:10 - Biblia

¹⁰ ‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.

Guaraní Pe (Western): Simba

¹⁰ Agüɨye pequɨye piporarata vae güi. Mase, aña guasu peñonocata amocue pe reta peresorɨru pe, uyecuaa vaerã pepurugüɨrovia añetete ra. Jare piporarata diez ara pegua. Jecuaeño perovia cheré, yepe tẽi aramoi pemanota pepurugüɨrovia jeco pegua. Jucuarãi yave, ameeta peve tecove opa mbae vae.

Apocalipsis 2:10 Iomraidhean Croise

San Mateo 10:22

“Jare cheré perowia ramo, opaete seri peamɨtäata. Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei chupe reta.

San Mateo 10:28

“Awɨye pekɨye jokua uipota peyuka wae reta wi. Echa’ä pereteño ko jae reta ipuere uyuka pewi. Ndarau ipuere uyuka reta peä,” jei. “Erëi che tae pewe ikawi ko pekɨye waerä Tumpa wi. Echa’ä jaeño ipuere omombo perete jare peä wi Tatawasurenda pe,” jei chupe reta.

San Mateo 24:13

“Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei.

Marcos 13:13

“Jare cheré perowia ramo, opaete seri peamɨtäata. Erëi ipotawe kía umɨawäta cheré wɨrowia rewe wae, Tumpa uepɨta oï kuri,” jei chupe reta.

Marcos 8:35

“Echa’ä ime yawe kía jaeño uyembɨpɨa’ä uepɨ waerä tëi jekowe kua ɨwɨ pewa re, umɨkañɨta iyuwi jekowe opa mbae wae ipuereta tëi onoi wae. Erëi kía umee jekowe chereko pewa wae jare Tumpa iñee ikawi wae jeko pewa wae, yepe tëi umano, erëi onoita tekowe opa mbae wae,” jei chupe reta.

San Lucas 21:12

“Erëi ndei kua mbaembae uyeyapo mbowe, ïru wae reta pepɨsɨta jare uyapota ikawi mbae wae pewe cheré perowia ramo,” jei. “Echa’ä jae reta pereraata itupao reta pe pembɨjeko waerä joko pe. Jare peñonota reta peresorɨru pe. Jare pereraata reta wi mburuwicha reta jare mburuwicha wasu reta jowai pembɨjeko reta waerä,” jei.

San Juan 12:25

“Jayawe ime yawe kía uauete jekowe kua ɨwɨ pe wae, umɨkañɨta iyuwi jekowe opa mbae wae ipuereta tëi onoi wae. Erëi ime yawe kía jekowe umee uyeyokui waerä Tumpa pe wae, uyekouta oï tekowe opa mbae wae re,” jei.

San Juan 13:2

Añawe pɨ̈tu ma jare Jesús jemimboe reta ndiwe ukaru päwe yureko reta. Añawasu oñono ma ñee Judas Iscariote ipɨa pe umee waerä Jesús jowaicho reta pe.

San Juan 13:27

Jare Judas jou. Jare jou ma yawe, jupiwoiño uike Satanás ipɨa pe. Jayawe Jesús jei chupe: “Iyapo woi jokua ndiyapota wae,” jei chupe.

Hechos 20:24

“Erëi jesewe akɨye’ä,” jei. “Chepɨa pe ayemɨngeta’ä etei ayerepɨ waerä. Jaeño aipota opa ayapo waerä ayerowia rewe jokua mbarawɨkɨ yandeYa Jesús umee chewe wae. Jare cheparawɨkɨ ko jae jekuaeño amɨmbeu waerä ïru wae reta pe ñee ikawi wae kërái ko Tumpa ipɨakawiete ye oï yandewe wae re,” jei chupe reta.

Hechos 21:13

Erëi Pablo jei orewe: “¿Maera pa piyao peï? Pe reta chembɨpɨatɨtɨka peï,” jei. “Echa’ä che akɨye’ä etei añeapɨ̈tika waerä Jerusalén pe. Akɨye’ä etei wi amano waerä joko pe yandeYa Jesús pe ayeyokui ramo,” jei orewe.

1 Corintios 9:25

¿Kërái piyapota jokua? Pe reta pikuaa wi opaete uñeñokuiñokui wae reta uyemungúe kawi ma osi kawi waerä. Jae reta ueya ma opaete mbae ikawita’ä chupe wae. Jukuärái uyapo reta umɨngana waerä pëti iñäkarewa mii ñanarokɨ pewa ɨmambae ikumewata oï chuwi wae. Erëi yande reta yaeka ñaï mbaembae ikumewata’ä oï yandewi wae ara pewa. Jáeramo yande jae nunga wi yaeyata ko jokua nunga mbaembae ikawita’ä yandewe wae.

Efesios 2:2

Jukuärái pe reta pikose, echa’ä jekuaeño pemomoe piko kua ɨwɨ pewa reta jeko kachi wae re. Piyeyokuise piko Añawasu pe. Jae ko opaete aña reta imburuwicha, jare yandepuere’ä yaecha wae. Jae ko espíritu ikawi mbae wae jare uparawɨkɨ oï imbaepuere rewe opaete Cristo re wɨrowia mbae wae reta ipɨa pe.

Efesios 6:12

Pemandúa ñañeräro’ä ko ñaï ɨwɨ pewa reta ndiwe. Yanderowaicho reta ko jae Añawasu jare aña reta. Jae reta ko jae ɨwɨ pewa pɨ̈tumimbi pe ñonoï reta wae echa iya. Jukuärái teko kachi tuicha ukuakuaa oo oï kua ɨwɨ pe.

Santiago 1:12

Uyekouta oï kía umɨawäta yembɨawái reta ipɨawasu rewe wae. Echa’ä jukuärái rupi uyekuaata jae wɨrowia ma ko Tumpa re añetete rewe. Jare Tumpa umɨñatimata oï chupe kuri corona tekowe pewa. Jukuärái yaikuaa uyeyapota oï, echa’ä jukuärái Tumpa jei uyapota oï opaete uau reta wae pe.

1 Pedro 5:4

Jare jokua ara Cristo ou ye yawe, jae umɨñatimata oï pewe peparawɨkɨ re. Echa’ä yandeYa Cristo ko jae jese wɨrowia wae reta itenondewa itenondewa yuapɨ ye wae. Jare jae umeeta oï pewe kuri pëti corona ikawiete ye wae jare ikumewa mbaei wae.

1 Pedro 5:8

Jekuaeño piyandareko piyé jare piko pearakuaa katu rewe. Echa’ä perowaicho Añawasu ko jae yawapɨ̈ta tuicha wae uñee uwata oï wae rami jare ueka oï kía jou waerä rami.

Apocalipsis 13:14

Kua mbaembae reta ipuere uyapo, echa’ä jokua ïru bestia umee chupe mbaepuere jae jee re uyapo waerä ramo. Jare jukuärái rupi jae umbɨtawɨ ɨwɨ pewa reta. Echa’ä jae jei ɨwɨ pewa reta pe uyapo reta waerä jokua ïru bestia jaanga – jae ko jokua ipere iko kɨsepuku pe wae jare ikowe ye wae jaanga.

Apocalipsis 13:2

Jokua bestia yawa echa chewe. Jare ipɨ oso ipɨ echa chewe. Jare iyuru yawapɨ̈ta tuicha wae iyuru echa chewe. Jare jokua dragón umee imbaepuere kua bestia pe jare omondo jae jee re.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.

Apocalipsis 17:14

“Kua reta ombowaichota tëi Owecha kuimbae taurusu wae. Erëitu Owecha kuimbae opata umɨamɨri reta, echa’ä jae ko mburuwicha wasu reta itenondewaete wae jare opaete wae iYa tenondewaete wae,” jei. “Jare jae nunga wi ñonoïta jae ndiwe jae uiparawo wae reta ñeräro pe. Kua reta jae ueni, jare jae reta jupi uyeyokui chupe wae ko,” jei chewe araɨwa.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.

Apocalipsis 2:9

Jare che tae Esmirna pewa cheré wɨrowia wae reta pe kuärái: Che aikuaa opaete mbae piyapo wae, jare kërái piporara jare peparawete (erëi añetete pikokatu peï Tumpa kotɨ). Aikuaa wi jei ñonoï ñee kachi pekotɨ jokua judío jei tëi iyupe wae reta. Jae reta uyererowia tëi Tumpa pewa reta ko, erëi jukuärai’ä ko. Jae reta ko uyembatɨ Satanás jee re uikuaa mbae rewe.